JOHN 19:6 - Edisana ñwed Abasi Ibom

⁶ Pilate ete mmɔ, Se Enye owo oro do. Ke ini ikpɔ oku ye mme asaŋutom ekutde Enye, mmɔ efiori ete, Wot Enye ke cross, wot Enye ke cross. Pilate ete mmɔ, mbufo ke idem mbufo eda Enye ewot ke cross: koro ami ŋkwe Enye idiɔk ke idem.

JOHN 19:6 Referans Kwoze

JOHN 18:31

Ntre ke Pilate ete mmɔ, Eda Enye ke idem mbufo ekekpe ikpe Esie, nte ibet mbufo asaŋade. Mme Jew ete enye, Nnyin inyeneke unen ndiwot owo;

JOHN 19:4

Ndien Pilate ɔtɔŋɔ ntak ɔwɔrɔ ɔkɔdɔhɔ mme Jew, ete, Sese, mmada Enye ŋwɔrɔ nsɔk mbufo, man mbufo efiɔk ete, ŋkwe Enye idiɔk ke idem.

UTOM MME APOSTLE 7:52

Ewe prophet ke mme ete mbufo mikɔkɔbɔke? Mmɔ ekenyuŋ ewot mmɔ eke ebemde iso ekwɔrɔ ete, Ata Edinen eyedi; ndien ke emi mbufo emenyuŋ ekabare edi mme andida Enye nnɔ ye mme andiwot Enye;

UTOM MME APOSTLE 2:23

ke ɔkpɔsɔŋ uduak ye mbe-iso ifiɔk Abasi ke ekeda kpa Jesus emi eyak ke ubɔk mme anana-ibet, ekɔŋ ke cross ewot.

JOHN 19:15

Edi mmɔ efiori ete, Men Enye fep, men Enye fep, wot Enye ke cross. Pilate ete mmɔ, Nte ŋwot Edidem mbufo ke cross? Ikpɔ oku ebɔrɔ ete, Nnyin inyeneke edidem efen ibe Caesar.

LUKE 23:4

Pilate ɔdɔhɔ ikpɔ oku ye mme otu owo, ete, Ŋkwe idiɔk ke idem owo emi.

MATTHEW 27:24

Edi ke ini Pilate okutde ete, imɔ ikemeke ndinam ndomo ŋkpɔ kiet, edi utu ke oro ndutime edidu, enye ada mmɔŋ eyet ubɔk ke iso otu owo, ete mmɔ, Nsaŋake ŋkpɔ ke iyip eti owo emi: mbuhehe mbufo edi oro.

MATTHEW 27:22

Pilate ete mmɔ, Nnam ndien didie ye Jesus emi ekotde Christ?

MATTHEW 26:58

Edi Peter asaŋa nsan-nsan ke edem edisim esit okure akwa oku, onyuŋ oduk ɔsuhɔre etetie ye mme asaŋutom, ete, ikut se idiwɔrɔde.

JOHN 18:3

Mmɔdo ke ini Judas ama ɔkɔbɔ udim mbonekɔŋ ye mme asaŋutom ke ubɔk ikpɔ oku ye mme Pharisee, enye asaŋa ye utuenkaŋ ye nsaraŋikaŋ ye ŋkpɔ eŋwan edi ke ɔtɔ oro.

JOHN 18:38

Pilate ete Enye, Nsidi akpanikɔ? Ndien ke enye ama eketiŋ ntem, enye ɔtɔŋɔ ntak ɔwɔrɔ etiene mme Jew, ɔkɔdɔhɔ mmɔ ete, Ami ŋkwe Enye idiɔk ke idem.