JOHN 18:12 - Edisana ñwed Abasi Ibom

¹² Ntre ke udim oro ye akamba etubom mmɔ ye mme asaŋutom mme Jew emum Jesus ebɔp,

JOHN 18:12 Referans Kwoze

JOHN 18:3

Mmɔdo ke ini Judas ama ɔkɔbɔ udim mbonekɔŋ ye mme asaŋutom ke ubɔk ikpɔ oku ye mme Pharisee, enye asaŋa ye utuenkaŋ ye nsaraŋikaŋ ye ŋkpɔ eŋwan edi ke ɔtɔ oro.

MATTHEW 26:57

Edi mmɔ emi emumde Jesus eda Enye edaha ke ufɔk Caiaphas, akwa oku, ke ɔtɔ nte mme scribe ye mbiowo ebonode do.

UTOM MME APOSTLE 21:37

Ndien ke ini eyomde ndida Paul nduk ke ufɔk mbon-ekɔŋ, enye ɔdɔhɔ akamba etubom-ekɔŋ ete, Mme eyenyime ntiŋ ikɔ nnɔ fi? Enye oro ete enye, Nte afo ɔmɔfiɔk usem Greek?

UTOM MME APOSTLE 21:31

Edi nte mmɔ eŋwanade ndiwot enye, eda etop esɔk akamba etubom mbon-ekɔŋ, ete, Ofuri Jerusalem odu ke ndutime.

LUKE 22:54

Edi mmɔ emum Enye, eda eka ekoduk ke ufɔk akwa oku.

MARK 15:1

EKEM eyo ekesesiere, ikpɔ oku ye mbiowo ye mme scribe ye ofuri esop esobo ibuot, ebɔp Jesus, eda Enye edaha ekeyak enɔ Pilate.

MARK 14:53

Ekem mmɔ eda Jesus edaha ke ufɔk akwa oku; kpukpru ikpɔ oku ye mbiowo ye mme scribe ema ebono ye enye do.

MATTHEW 27:2

ndien mmɔ ebɔp Enye ubɔk, eda Enye edaha ekayak enɔ Pilate andikara.

JUDGES 16:21

Ndien mme Philistine emum enye, enyuŋ etibe enye enyin, enyuŋ eda enye esuhɔre ke Gaza, ndien ekɔbi enye ke ibuka okpoho, ndien enye etie ke ufɔk ŋkpɔkɔbi ɔkɔk.

GENESIS 22:9

mbiba esaŋa ɔtɔ kiet. Ekem mmɔ edisim ebiet oro Abasi ɔkɔdɔhɔde enye; ndien Abraham anam itie-uwa do, onyuŋ otim obon ifia, ndien ɔbɔp Isaac eyen esie emen odori ke itie-uwa ke enyɔŋ ifia.

UTOM MME APOSTLE 23:10

Ndien ke ini eneni ɔsɔŋde, akamba etubom efehe ndik, ete mmɔ eyewai Paul mbai-mbai, onyuŋ ɔnɔ mbon-ekɔŋ uyo ete, esuhɔre ekewamare enye esio mmɔ ke ubɔk, eda enye eduk edi ke ufɔk mbon-ekɔŋ.

ŊWED MME PSALM 118:27

Jehovah edi Abasi, enye omonyuŋ aŋwaŋa nnyin. Mbufo eda uruk etebe uwa tutu esim ke nduk itie-uwa.

GENESIS 40:3

Ndien enye ada mmɔ ɔnɔ ete ekpeme mmɔ ke ufɔk etubom mme andikpeme enye, ke ufɔk ukpeme ebiet emi ekɔbide Joseph do.

MATTHEW 27:27

Ekem mbon-ekɔŋ andikara eda Jesus eduk ke akwa ufɔk andikara, enyuŋ ekot ɔfuri ŋka mmɔ edi ke ɔtɔ Esie.

UTOM MME APOSTLE 10:1

OWO kiet okodu ke Caesarea emi ekerede Cornelius; enye edi centurion udim mbon-ekɔŋ emi ekerede eke Italy.