JOHN 18:11 - Edisana ñwed Abasi Ibom

¹¹ Jesus ete Peter, Sin ofut ke efɔk; nte ndiŋwɔŋke cup emi Ete Mi ɔkɔnɔde Mi?

JOHN 18:11 Referans Kwoze

MATTHEW 26:39

Ndien Enye aka ke iso esisit, ɔduɔ okibi iso ke isɔŋ, ɔbɔŋ akam ete, O Ete Mi, edieke usuŋ odude, yak cup emi ebe ɔkpɔŋ Mi; edi yak okudi nte Ami nnyimede; edi yak edi nte Afo onyimede.

MATTHEW 20:22

Edi Jesus ɔbɔrɔ ete, Mbufo ifiɔkke se ebeŋede. Nte mbufo emekeme ndiŋwɔŋ cup emi Ami ndiŋwɔŋde? Mmɔ ete Enye, Nnyin imekeme.

JOHN 20:17

Jesus ete enye, Kutuk Mi; koro ndɔkke kaŋa ntiene Ete; edi bine nditɔ-ete Mi kɔdɔhɔ mmɔ ete, Mmɔŋ ndidɔk ntiene Ete Mi ye Ete mbufo, Abasi Mi ye Abasi mbufo.

JOHN 15:10

Edieke mbufo enimde mbet Mi, mbufo eyeduŋ ke ima Mi; kpa nte ami ŋkonimde mbet Ete Mi, nnyuŋ nduŋde ke ima Esie.

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.

2 ŊWED CORINTH 10:4

(koro ŋkpɔ-ekɔŋ, eke idade iŋwana ekɔŋ, idige ŋkpɔ-ekɔŋ obukidem, edi se ikopde idem ke enyin Abasi ndiwuri mkpɔsɔŋ ebiet);

LUKE 22:42

Ete, edieke Afo onyimede, men Mi cup emi fep: edi okudi nte Ami nnyimede, yak edi nte Afo oyimede.

MATTHEW 26:42

Enye ɔtɔŋɔ ntak aka ɔyɔhɔ utim ikaba ɔkɔbɔŋ akam ete, O Ete Mi, edieke cup emi mikemeke ndibe ŋkpɔŋ Mi ke mmeŋwɔŋke enye, yak edi nte Afo onyimede.

2 ŊWED CORINTH 6:7

ke erisaŋa ye ŋkpɔ-ekɔŋ edinen ido ke ubɔk nnasia ye ufien;

JOHN 18:36

Jesus ɔbɔrɔ ete, Obio Ubɔŋ Mi idige eke ererimbot emi: edieke Obio Ubɔŋ Mi ekpedide eke ererimbot emi, ikɔt Mi ekpe-ŋwana eŋwan, mbak ediyak Mi esin mme Jew ke ubɔk: edi Obio Ubɔŋ Mi itoho do.

JOHN 17:24

Ete, mmoyom nte mmɔ emi Afo ɔkɔnɔde Mi edidu ye ami ke ebiet eke ndude; man mmɔ ekut ubɔŋ Mi emi Afo ɔkɔnɔde Mi: koro Afo akamama Mi, ndien ediwuk adaha ererimbot.

LUKE 12:30

Koro mme idut ererimbot eyom kpukpru mme ŋkpɔ emi: edi Ete mbufo ɔmɔfiɔk ete mme ŋkpɔ emi enana mbufo.

EZEKIEL 23:31

Afo asaŋa ke usuŋ eyen-uka aŋwan; ndien mmɔŋ nda cup esie nsin fi ke ubɔk.

ŊWED MME PSALM 75:8

Koro cup odude Jehovah ke ubɔk; wine onyuŋ ofut mbuaha ɔyɔhɔ ke esit; enye onyuŋ ada enye ɔtɔhɔ: kpu-kpru mme idiɔk owo ke ererimbot enyene ndikɔrɔde nnyuŋ ŋŋwɔŋ ntak esie.

2 SAMUEL 16:10

Ndien edidem ete, Nsaŋa nso ye mbufo, nditɔ Zeruiah? Edieke enye osuŋide, edieke Jehovah onyuŋ ɔdɔhɔde ete, Yak enye osuŋi David, anie edidɔhɔ ndien, ete,