JOHN 17:8 - Edisana ñwed Abasi Ibom

⁸ koro mmayak mme ikɔ emi ɔkɔnɔde Mi nnɔ mmɔ: mmɔ ekɔbɔ mme ikɔ oro, enyuŋ eneŋere efiɔk ete ŋkoto ke ɔtɔ Fo ŋwɔrɔ, enyuŋ enim ke akpanikɔ ete edi Afo ɔkɔdɔŋ Mi.

JOHN 17:8 Referans Kwoze

JOHN 17:14

Ami ŋkayak ikɔ Fo nnɔ mmɔ; ndien ererimbot asasua mmɔ, koro mmɔ midige eke ererimbot, kpa nte ami mmendige eke ererimbot.

JOHN 15:15

Ŋkotke aba mbufo mme asaŋutom, koro asaŋutom mifiɔkke se ete-ufɔk esie anamde; edi ŋkot mbufo mme ufan, koro mma mmen kpukpru se ŋkokopde ke inua Ete Mi nyarare nnɔ mbufo.

JOHN 16:30

Ke emi ke nnyin imokut ite Afo ɔmɔfiɔk kpukpru ŋkpɔ, unyuŋ uyomke owo obobup Fi: imada emi inim ke akpanikɔ ite Afo oto Abasi edi.

JOHN 16:27

koro Ete ke Idem Esie amama mbufo, sia mbufo ekamamade Mi, enyuŋ enimde ke akpanikɔ ete Ami ŋkoto ke ɔtɔ Ete ndi.

1 ŊWED THESSALONICA 2:13

Ndien ke ntak emi nnyin itreke ndinɔ Abasi ekɔm, ite, ke ini mbufo ebɔde ikɔ emi Abasi ɔnɔde ke ubɔk nnyin esɔk mbufo, mbufo idaha enye nte ikɔ owo, edi eda enye nte ikɔ Abasike akpanikɔ edi oroikɔ oro onyuŋ anam utom ke esit mbufo emi enimde ke akpanikɔ.

1 JOHN 4:14

Ndien nnyin ima ikut, inyuŋ idi ntiense, ite, Ete ɔkɔdɔŋ Eyen Esie edidi Andinyaŋa ererimbot.

JOHN 17:21

man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

JOHN 8:42

Jesus ete mmɔ, Edieke Abasi ekpedide Ete mbufo, mbufo ekpema Mi: koro Ami ŋkoto ke Abasi ŋwɔrɔ ndi; ŋkonyuŋ ndige ke odudu Idem Mi, edi Enye ɔkɔdɔŋ Mi.

JOHN 14:10

Nte unimke ke akpanikɔ ete, Ami ndu ke Ete, Ete onyuŋ odu Mi ke idem? mme ikɔ eke ntiŋde nnɔ mbufo, ntiŋke ke uyo Idem Mi: edi Ete emi odude Mi ke Idem ke anam utom Esie.

JOHN 12:49

Koro Ami mmeŋketiŋke ŋkpɔ ke uyo Idem Mi; edi Ete emi ɔkɔdɔŋde Mi ke Idem Esie ɔkɔnɔ Mi item abaŋa se ŋkpɔdɔhɔde ye se ŋkpetiŋde.

JOHN 6:68

Simon Peter ɔbɔrɔ Enye ete, Ɔbɔŋ, nnyin iditiene anie? Afo enyene ikɔ uwem nsinsi.

MME ŊKE 1:3

Man owo ada item mbufiɔk, eti ido, ye ikpe, ye se inende;

1 ŊWED THESSALONICA 4:1

KE akpatre itie, nditɔ-ete, nnyin imebeŋe mbufo, inyuŋ isɔŋɔ ikpe ye mbufo ke Ɔbɔŋ Jesus, ite, kpa nte mbufo ekekopde ke inua nnyin nte mbufo ekpesaŋade ekenem Abasi esit, kpa nte mbufo enyuŋ esaŋade, mbufo edɔdiɔŋ enam ntre.

1 ŊWED CORINTH 15:1

NDITƆ-ETE mi, mmanam mbufo efiɔk gospel oro ŋkɔkwɔrɔde nnɔ mbufo, emi mbufo ekenyuŋ ebɔde, enyuŋ esɔŋɔde eda ke esit;

JOHN 17:23

man Ami ndu ke esit mmɔ, Afo onyuŋ odu ke esit Mi, man mmɔ ekabare efɔn ema edi kiet edehe; man ererimbot efiɔk ete edi Afo okosio Mi ɔdɔŋ, omonyuŋ ama mmɔ, kpa nte akamade Mi.

JOHN 17:18

Nte Afo ɔkɔdɔŋde Mi ndi ke ererimbot, kpasuk ntre ke Ami ndɔŋ mmɔ eka ke ererimbot.

MATTHEW 13:11

Enye ɔbɔrɔ ete, Eyak enɔ mbufo ndifiɔk ndibe ŋkpɔ Obio Ubɔŋ Heaven, edi iyakka inɔ mmɔ.

MME ŊKE 8:10

Mbufo ebɔ item mi, ekubɔ silver; ebɔ ifiɔk ekan ata edimek gold.

1 ŊWED CORINTH 11:23

Koro ŋkɔbɔde ke ubɔk Ɔbɔŋ se ŋkonyuŋ nyakde nnɔ mbufo, nte, ke okoneyo oro edade Enye enɔ,

JOHN 3:33

Owo emi akadade ikɔ-ntiense Esie ekesin ubɔk etiense owut ete Abasi edi akpanikɔ.

JOHN 3:17

Koro Abasi ikɔdɔŋke Eyen Esie ke ererimbot ete ekpe ikpe ererimbot, edi ɔkɔdɔŋ, man enyaŋa ererimbot oto ke Enye.

MME ŊKE 1:23

Mbufo ekabare ke nduari mi: sese, nyeŋwaŋa spirit mi nduɔk mbufo ke idem, nyenam mbufo efiɔk ikɔ mi.

MME ŊKE 4:10

Eyen mi, kop, nyuŋ nim ikɔ mi; ndien isua uwem fo eyewak.

MME ŊKE 2:1

EYEN mi, afo ama ɔbɔ ikɔ mi, onyuŋ onim mbet mi ke idem fo;

DEUTERONOMY 18:18

Nyenam prophet kiet, ebiet fi, adaha ada ke otu nditɔ-ete mmɔ, nyenyuŋ nda ikɔ mi nsin enye ke inua; ndien enye eyeda kpukpru se ami ntemede enye etiŋ ɔnɔ mmɔ.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

ERIYARARE 1:1

IKƆ eriyarare Jesus Christ, emi Abasi ɔkɔnɔde Enye, ete owut ikɔt Esie, kpa ŋkpɔ eke enyenede ndisu ke ekpri ibio ini: ndien Enye ɔkɔdɔŋ angel Esie okowut ŋkpɔ emi ɔnɔ owo Esie John;