JOHN 16:26 - Edisana ñwed Abasi Ibom

²⁶ Adaŋoro mbufo eyebeŋe ŋkpɔ ke enyiŋ Mi: ndien ndɔhɔke nte nyekpe Ete ubɔk nnɔ mbufo:

JOHN 16:26 Referans Kwoze

ŊWED MBON ROME 8:34

Edi Abasi etebe mmɔ ikpe; anie edibiom mmɔ? Ndi Christ Jesus emi akakpade, ŋkpakam ndɔhɔ nte, Jesus emi ekesetde ke mkpa, emi odude ke ubɔk nnasia Abasi, emi onyuŋ anamde mkpe-ubɔk ɔnɔ nnyin?

JOHN 17:24

Ete, mmoyom nte mmɔ emi Afo ɔkɔnɔde Mi edidu ye ami ke ebiet eke ndude; man mmɔ ekut ubɔŋ Mi emi Afo ɔkɔnɔde Mi: koro Afo akamama Mi, ndien ediwuk adaha ererimbot.

JOHN 17:19

Ndien kabaŋa mmɔ ndianare Idem Mmi nnim nnɔ Fi, man ekpada akpanikɔ edianare mmɔ ŋko enim enɔ Fi.

JOHN 17:9

Mmebeŋe Fi mbaŋa mmɔ, mbeŋeke mbaŋa ererimbot, edi mbeŋe mbaŋa mmɔ oro ɔkɔnɔde Mi: koro mmɔ edi Okuo:

JOHN 16:23

Ekem ke usen oro mbufo idibupke Mi baba ŋkpɔ kiet. Ke akpanikɔ ke ndɔhɔ mbufo, ŋkpɔ ekededi eke edibeŋede Ete, Enye eyenɔ mbufo ke enyiŋ Mi.

JOHN 14:16

Nyenyuŋ mbeŋe Ete, ndien Enye eyenɔ mbufo Iberedem efen, man Enye edidu ye mbufo ke nsinsi;

JOHN 14:20

Adaŋoro mbufo eyefiɔk ete Ami ndu ke Ete Mi, mbufo enyuŋ edu ke Ami, Ami nnyuŋ ndu mbufo ke idem.

JOHN 16:19

Nnyin ifiɔkke se ikɔ Esie ɔwɔrɔde. Jesus ɔfiɔk ete ɔdɔŋ mmɔ ndibup Imɔ; ntre ke Enye ete mmɔ, Nte ebup mbume ke idem mbufo ebaŋa ikɔ eke ntiŋde, nte, Ke ekpri ibio ini mbufo idikwe Mi, ke ekpri ibio ini ŋko mbufo eyekut Mi?

JOHN 16:30

Ke emi ke nnyin imokut ite Afo ɔmɔfiɔk kpukpru ŋkpɔ, unyuŋ uyomke owo obobup Fi: imada emi inim ke akpanikɔ ite Afo oto Abasi edi.