JOHN 16:21 - Edisana ñwed Abasi Ibom

²¹ Ke ini uman otukde ŋwan, enye odu ke mfuhɔ koro ekemde ini esie: edi ke ini enye ama aman eyen, enye itihi aba ndutuhɔ ɔnɔ idara, emi owo amanade oduk ererimbot.

JOHN 16:21 Referans Kwoze

ŊWED MME PSALM 113:9

Enye anam ada ke ufɔk oduŋ nte eka nditɔ emi adatde esit. Mbufo etoro Jehovah.

ISAIAH 13:8

ubiak ye ndutuhɔ emum mmɔ; mmɔ emiaŋa nte ŋwan uman; kiet ese kiet eyik; iso mmɔ esak nte ikaŋ.

1 ŊWED THESSALONICA 5:3

Ini mme owo edɔhɔde ete, idu ke emem ye ifure, kpa adaŋoro ke nsobo abuat mmɔ, nte emi uman abuatde ŋwan idibi; ndien mmɔ idikwe usuŋ ubɔhɔ.

MICAH 4:10

Kop ubiak, nyuŋ man eyen, O adiaha Zion, kpa nte ŋwan uman: koro afo eyeto ke obio ɔwɔrɔ ke idahemi, eyenyuŋ oduŋ ke iŋwaŋ, onyuŋ osim Babylon: eyenyaŋa fi do: do ke Jehovah edifak fi osio mme asua fo ke ubɔk.

ŊWED MBON GALATIA 4:27

koro ewet ete, Dara O ada emi mumanke eyen; Bumere, fiori, afo emi mufiɔkke ubiak uman: Koro nditɔ ikpɔŋ aŋwan ewak ekan nditɔ ŋwan ndɔ.

GENESIS 3:16

Enye ɔdɔhɔ ŋwan ete, Nyenam ubiak uman fo awawak: ke ubiak ke afo ediman nditɔ; eyenyuŋ osuk idem ɔnɔ uberi ndien enye eyekan fi.

ISAIAH 21:3

Oro esin ata ndik ɔyɔhɔ mi ke isin: ubiak omum mi, nte ubiak aŋwan uman: se ŋkopde anam idem esiŋede mi; se ŋkutde esin mi ndutime.

ISAIAH 66:7

Ke uman mika-itukke enye, enye aman; ke ubiak mika-isimke enye, enye aman eyen-eren.

MICAH 4:9

Ke emi nsinsm afo ofioride mfiori? Nte edidem iduhe ke otu mbufo? nte owo item fo amatak? koro ubiak omomum fi kpa nte ŋwan uman.

ŊWED JOB 11:16

Koro afo eyefre ukut fo, onyuŋ eti enye nte mmɔŋ eke ekebede aka;