JOHN 15:15 - Edisana ñwed Abasi Ibom

¹⁵ Ŋkotke aba mbufo mme asaŋutom, koro asaŋutom mifiɔkke se ete-ufɔk esie anamde; edi ŋkot mbufo mme ufan, koro mma mmen kpukpru se ŋkokopde ke inua Ete Mi nyarare nnɔ mbufo.

JOHN 15:15 Referans Kwoze

ŊWED MME PSALM 25:14

Jehovah etie ufan ye mmɔ eke ebakde enye, ndien enye eyeteme mmɔ ediomi esie.

MATTHEW 13:11

Enye ɔbɔrɔ ete, Eyak enɔ mbufo ndifiɔk ndibe ŋkpɔ Obio Ubɔŋ Heaven, edi iyakka inɔ mmɔ.

JAMES 2:23

Ntem se ekewetde osu, ete, Abraham onim Abasi ke akpanikɔ, ndien ebat oro enɔ enye ke edinen ido; enyuŋ ekot enye, ete, Ufan Abasi.

ŊWED MBON COLOSSAE 1:26

kpa ndibe-ŋkpɔ eke okodibede toto ke eritɔŋɔ eyo ye emana; edi ke emi Abasi ama ayarare enye ɔnɔ nti ikɔt Esie,

ERIYARARE 1:1

IKƆ eriyarare Jesus Christ, emi Abasi ɔkɔnɔde Enye, ete owut ikɔt Esie, kpa ŋkpɔ eke enyenede ndisu ke ekpri ibio ini: ndien Enye ɔkɔdɔŋ angel Esie okowut ŋkpɔ emi ɔnɔ owo Esie John;

ŊWED MBON EPHESUS 3:5

emi nditɔ owo mikɔfiɔkke ke mme eyo oko, nte Spirit ama ayarare enye ke emi ɔnɔ nti apostle ye prophet;

ŊWED MBON EPHESUS 1:9

ke erinɔ nnyin kpukpru ɔniɔŋ ye asian, onyuŋ anam nnyin ifiɔk ŋkpɔ eke okodibede ke esit Esie, kpa nte enemde Enye esit ndiduak ke Christ;

JOHN 20:17

Jesus ete enye, Kutuk Mi; koro ndɔkke kaŋa ntiene Ete; edi bine nditɔ-ete Mi kɔdɔhɔ mmɔ ete, Mmɔŋ ndidɔk ntiene Ete Mi ye Ete mbufo, Abasi Mi ye Abasi mbufo.

2 PETER 1:1

SIMON PETER, emi edide owo ye apostle Jesus Christ, ewet ŋwed emi ɔnɔ esɔk mmɔ emi ekɔbɔde utɔ ɔsɔŋ-urua mbuɔtidem eke ebietde eke nnyin, ke edinen ido Abasi nnyin ye Andinyaŋa Jesus Christ.

ŊWED MBON GALATIA 4:6

Ndien sia mbufo edide nditɔ, Abasi ama ɔdɔŋ Spirit Eyen Esie edidu nnyin ke esit ete, ikot Enye ite, Abba Ete.

JOHN 12:26

Edieke owo ekededi anamde ŋkpɔ ɔnɔ Mi, yak enye etiene Mi; ndien ebiet eke Ami ndude, asaŋutom Mi edidu do ŋko. Edieke owo anamde ŋkpɔ ɔnɔ Mi, Ete Mi eyekpono enye.

JOHN 8:26

Mmenyene ediwak ŋkpɔ nditiŋ nnyuŋ mbiere mbaŋa mbufo: edi Andidɔŋ Mi edi akpanikɔ; ndien se Ami ŋkokopde Enye ke inua, ŋkpɔ oro ke ntetiŋ nnɔ ererimbot.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.

1 PETER 1:11

mmɔ eduŋɔre eyom ndifiɔk ini mme oruk ini eke Spirit Christ emi odude mmɔ ke esit asiakde, ke ini Enye ebemde iso etiŋ abaŋa mme ndutuhɔ Christ, ye ubɔŋ eke editienede mmɔ ke edem.

JAMES 1:1

JAMES, emi edide owo Abasi ye Ɔbɔŋ Jesus Christ, ewet ɔnɔ esɔk esien duopeba emi esuanade, ete ikɔm mmɔ.

PHILEMON 1:16

idige aba nte ofin, edi nte se ikande oro, nte edima eyen-ete: mmama enye eti-eti; adaŋa didie ke afo edima enye akan, ke idem esie, ye eke Ɔbɔŋ.

JOHN 17:26

Ndien mmayarare enyiŋ Fo nnɔ mmɔ, nyenyuŋ nyarare: man ima emi Afo akamade Mi odu mmɔ ke esit, Ami nnyuŋ ndu mmɔ ke esit.

JOHN 15:20

Eti ikɔ eke ŋketiŋde nnɔ mbufo nte, Asaŋutom ikponke ikan ete-ufɔk. Edieke mmɔ ekesinde Mi enyin, eyesin mbufo ŋko: edieke mmɔ ekenimde uyo Mi, mmɔ eyenim uyo mbufo ŋko.

JOHN 13:16

Ke akpanikɔ ke ndɔhɔ mbufo, asaŋutom ikponke ikan ete-ufɔk, isuŋutom inyuŋ ikponke ikan andidɔŋ enye utom.

JUDE 1:1

JUDAS emi edide owo Jesus Christ, ye eyen-eka James ewet ŋwed emi ɔnɔ esɔk mmɔ emi ekekotde, emi Abasi Ete amade, emi enyuŋ ekpemede mmɔ enɔ Jesus Christ.

UTOM MME APOSTLE 20:27

Koro mmeŋkefeheke ndikwɔrɔ ofuri uduak Abasi nnɔ mbufo.

JOHN 4:19

Ŋwan oro ete Enye, Ɔbɔŋ, mmokut nte Afo edi prophet.

LUKE 10:23

Ekem Enye ɔwɔŋɔre ese mbet Esie, onyuŋ ɔdɔhɔ mmɔ ke ndibe ete, Ɔfɔfɔn ɔnɔ mme enyin emi ekutde mme ŋkpɔ eke mbufo ekutde. Koro mmɔdɔhɔ mbufo nte,

MME ŊKE 18:24

Owo (ediwak) ufan eyebiat idem esie: edi andima odu emi eyirede owo akan eyen-eka.

JOHN 16:12

Mmenyene ediwak ŋkpɔ kaŋa ndineme ye mbufo, edi mbufo ikemeke ndiyɔ mmɔ ke emi.

ŊWED MBON ROME 7:15

Koro mfiɔkke se nnanam; koro idige se idɔŋde mi nndinam, ke nnanam; edi se nsuade, ke nnanam.

1 ŊWED CORINTH 2:16

Koro anie owo ɔmɔfiɔk ekikere Ɔbɔŋ, nte ɔkpɔnɔde Enye item? Edi nnyin imenyene ekikere Christ.