JOHN 15:14 - Edisana ñwed Abasi Ibom

¹⁴ Mbufo edi mme ufan Mi edieke mbufo enamde ŋkpɔ eke ntemede mbufo.

JOHN 15:14 Referans Kwoze

MATTHEW 12:50

Koro owo ekededi eke anamde se Ete Mi emi odude ke heaven amade, enye edi eyen-eka Mi eren ye eyen-eka Mi aŋwan, ye eka Mi.

1 JOHN 5:3

Koro ndima Abasi edi emi, ete, nnyin inim mbet Esie; ndien mbet Esie ibiakke owo idem.

JAMES 2:23

Ntem se ekewetde osu, ete, Abraham onim Abasi ke akpanikɔ, ndien ebat oro enɔ enye ke edinen ido; enyuŋ ekot enye, ete, Ufan Abasi.

JOHN 14:21

Owo eke enyenede mbet Mi, onyuŋ onimde mmɔ, enye edi owo eke amade Mi: ndien owo eke amade Mi, Ete Mi eyema enye, Ami nyenyuŋ mma enye, nnyuŋ nyarare Idem Min ɔ enye.

JOHN 14:15

Mbufo ema ema Mi, eyenim mbet Mi.

LUKE 12:4

Edi mmɔdɔhɔ mbufo, mme ufan Mi, nte, Ekufehe mmɔ emi ewotde ikpɔhidem, ndien ke ebede oro, mikemeke ndinam nkpɔ efen.

JOHN 13:17

Edieke mbufo efiɔkde mme ŋkpɔ emi, ɔfɔfɔn ɔnɔ mbufo ke mbufo enamde mmɔ.

ISAIAH 41:8

Edi afo, Israel, owo mi, Jacob emi mmekde fi, ubon Abraham ufan mi:

JOHN 2:5

Eka Esie ɔdɔhɔ mme asaŋutom ete, Enam se Enye edidɔdɔhɔ mbufo.

JOHN 14:28

Mbufo ema ekop ete ŋkɔdɔhɔ mbufo, nte, Mmɔŋ ndinyɔŋ, ndien nyefiak ntiene mbufo. Edieke mbufo emade Mi, mbufo ekpadara, sia nnyɔŋde ntiene Ete: koro Ete omokpon akan Mi.

2 CHRONICLES 20:7

Nte afo, O Abasi nnyin, ukebinke mme andiduŋ isɔŋ emi ke iso ikɔt fo Israel ufep, ukonyuŋ udaha enye unɔ ubon Abraham andima fi ke nsinsi?

IKWƆ SOLOMON 5:1

O EYEN-EKA mi, ŋwan mi, mmoduk ke iŋwaŋ mi: mmɔŋ ntaŋ myrrh mi, ye ufuɔŋkpɔ mi, mmɔŋ ndia aran-ɔkwɔk mi, ye obukpa ɔkwɔk mi; mmɔŋ ŋŋwɔŋ wine mi ye mmɔŋ-eba mi. O mme ufan, mbufo edia: mbufo, mbon ima, eŋwɔŋ, eŋwɔŋ uwak-uwak.

MME ŊKE 18:24

Owo (ediwak) ufan eyebiat idem esie: edi andima odu emi eyirede owo akan eyen-eka.

EXODUS 7:6

Ndien Moses ye Aaron enam kpa nte emi Jehovah eketemede mmɔ, ntem ke mmɔ enam.

RUTH 3:6

Ekem enye ɔsuhɔre aka ke ebiet ubek, onyuŋ anam kpukpru se eka ebe esie eketemede enye.

1 NDIDEM 4:5

Azariah eyen Nathan onyuŋ edi etubom mme andidaha: Zabud eyen Nathan ata akpan owo onyuŋ edi ufan edidem;

2 NDIDEM 18:6

Ndien enye eyire ye Jehovah, inyuŋ itreke nditiene enye, edi onim mbet esie oro Jehovah eketemede Moses.

JEREMIAH 32:23

ndien mmɔ eduk edida enye enyene; ndien mmɔ ikopke uyo fo, inyuŋ isaŋake ke ibet fo; mmɔ inamke kpukpru se afo okowukde mmɔ, ete enam: ndien afo anam ofuri idiɔk-ŋkpɔ emi osim mmɔ.

EZEKIEL 12:7

Ndien ami nnam ntre kpa nte ekewukde mi: ŋkosioŋo mkpoduoho mi nte mkpoduoho uwɔrɔ-iduŋ ke uwemeyo: ndien ke mbubreyo nda ubɔk mi ntibi odudu ke ibibene ke idem mi; ŋkobiom ke ekim, mbiom ke afara ke enyin mmɔ ŋwɔrɔ.