JOHN 15:11 - Edisana ñwed Abasi Ibom

¹¹ Mma ntiŋ mme ŋkpɔ emi nnɔ mbufo, man idaresit Mi odu ke mbufo, idaresit mbufo onyuŋ ɔyɔhɔ.

JOHN 15:11 Referans Kwoze

ŊWED MBON ROME 15:13

Abasi idori-enyin akpakam ɔyɔhɔ mbufo ye kpukpru idaresit ye emem ke mbuɔtidem mbufo, man mbufo enyene uwak idori-enyin oto ke odudu Edisana Spirit.

JOHN 17:13

Edi ke emi mmɔŋ nnyɔŋ ntiene Fi; ndien ntiŋ mme ŋkpɔ emi ke ererimbot, man mmɔ enyene idaresit Mi ɔyɔhɔ-ɔyɔhɔ ke esit mmɔ.

JOHN 16:24

Tutu osim ini emi mbufo ikebeŋeke baba ŋkpɔ kiet ke enyiŋ Mi: ebeŋe, ndien mbufo eyebɔ, man idaresit mbufo ɔyɔhɔ.

1 JOHN 1:4

nnyin inyuŋ iwet ŋkpɔ emi, man idaresit nnyin ɔyɔhɔ.

1 PETER 1:8

Akanam mbufo ikwe Enye, edi emama Enye. Okposuk edi nte mbufo mikwe Enye ke emi, mbufo ebuɔt idem ye Enye, enyuŋ esɔŋɔ edara ye idaresit eke ayaŋade owo nditiŋ onyuŋ ɔyɔhɔde ye ubɔŋ;

2 JOHN 1:12

Mmenyene ediwak ŋkpɔ ndiwet nnɔ mbufo; edi mmaŋa ndida ŋwed ye mmɔŋ-ŋwed ŋwet. Edi mmenyene idori-enyin, nte nyedi ke ɔtɔ mbufo, nneme nneme ye mbufo iso ye iso, man mbufo enyene ɔyɔhɔ idaresit.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

2 ŊWED CORINTH 1:24

Idige nte nnyin idedi mme andikara mbufo ke ŋkpɔ mbuɔtidem, edi nte idedi mme andiŋwam mbufo ndiyene idaresit. Koro ke mbuɔtidem ke mbufo edada.

1 ŊWED THESSALONICA 5:16

Edat esit kpukpru ini;

LUKE 15:32

Edi odot nnyin ndidara nnyuŋ nnem esit, koro eyen-eka fo emi ama akpa, onyuŋ odu uwem: ama osop, ndien ikut enye.

LUKE 15:9

Ndien ama ɔfiɔhɔ, okot mufan ye mbɔhiduŋ esie edi, ete mmɔ, Edara ye ami, koro mma mfiɔhɔ okuk emi okosopde.

ŊWED MBON PHILIPPI 1:25

Ndien sia nnimde nte edi ntem, mmɔfiɔk nte nyesuk ndu uwem, nnyuŋ ndu ye mbufo kpukpru, man mbufo ekɔri enyuŋ edara ke mbuɔtidem:

ŊWED MBON EPHESUS 5:18

Ekunyuŋ ekpa mmin; oro ɔwɔrɔ otime -otime ido: edi eyɔhɔ ye spirit.

JOHN 3:29

Enyene-aŋwan-ndɔ edi ebe-ŋwan: edi ufan ebeŋwan, emi adade da okop enye uyo, adara eti-eti ndikop uyo ebeŋwan: ntem ke idara mi emi ama akabare ɔyɔhɔ.

LUKE 15:5

Ndien ama okut enye, odori ke afara esie adat esit.

LUKE 15:23

enyuŋ eda-enaŋ emi enyenede isek ewot, eyak nnyin idia inyuŋ idat esit:

JEREMIAH 32:41

Ndien nyedat esit mbaŋa mmɔ ndifɔn ye mmɔ, nnyuŋ ntɔ mmɔ ke isɔŋ emi ke akpanikɔ, ye ke ofuri esit mi, ye ke ofuri ukpɔŋ mi.

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

ZEPHANIAH 3:17

Jehovah Abasi fo odu ke ufɔt fo, ɔmɔsɔŋ; enye eyenyaŋa, eyedat esit abaŋa fi ke idara; enye eyedop uyo ke ima esie, eyebre abaŋa fi ke ikwɔ.

JEREMIAH 33:9

Ndien enye eyedi okimmɔ ke enyiŋ idara ye itoro ye ke mbana ke otu kpukpru mme idut ererimbot, eke edikopde ofuri ufɔn emi ami ndifɔnde ye mmɔ: ndien mmɔ eyefehe ndik enyuŋ enyek idem ebaŋa kpukpru ufɔn ye kpukpru unen emi ami ndinamde ye enye.

ISAIAH 62:4

Udukereke aba Azuvah (ŋwan eke ekpɔŋde): isɔŋ fo idinyuŋ ikereke aba Shemamah (desert): edi eyesio fi enyiŋ Hephzibah (ŋwan oro enem mi esit): eyesio isɔŋ fo enyiŋ Beulah (ŋwan emi edɔde): koro afo eyenem Jehovah esit; eyenyuŋ eda isɔŋ fo edɔ.