4 Mbufo emenyuŋ efiɔk usuŋ ebiet eke Ami ŋkade.
Ami ndi inua-otop: edieke owo ekededi ebede Mi oduk, enye eyekut erinyaŋa, eyenyuŋ ebe oduk, onyuŋ ebe ɔwɔrɔ, okut se adiade.
Ŋkoto ke ɔtɔ Ete ndi ke ererimbot; nnyuŋ mmɔŋ ŋkpɔŋ ererimbot nnyɔŋ ntiene Ete.
Ediwak ufɔk edu ke ebiet Ete Mi; edieke mikpedige ntre, ŋkpɔdɔhɔ mbufo; koro mmɔŋ ŋka ŋkotim itie nnim nnɔ mbufo.
sia Jesus ɔfiɔkde ete Ete amayak kpukpru ŋkpɔ esin Imɔ ke ubɔk, Imɔ ikonyuŋ ito Abasi, inyuŋ inyɔŋ itiene Abasi,
Koro emi edi uduak Ete Mi, ete, kpukpru owo eke ekutde Eyen, enyuŋ ebuɔtde idem ye Enye, enyene nsinsi uwem; Ami nyenyuŋ nnam enye eset ke Akpatre usen.
Owo eke ɔbuɔtde idem ye Eyen enyene nsinsi uwem; edi owo eke mibuɔtke idem ye Eyen idikwe uwem, edi iyaresit Abasi osuk ɔkɔbɔ enye.
Mbufo ema ekop ete ŋkɔdɔhɔ mbufo, nte, Mmɔŋ ndinyɔŋ, ndien nyefiak ntiene mbufo. Edieke mbufo emade Mi, mbufo ekpadara, sia nnyɔŋde ntiene Ete: koro Ete omokpon akan Mi.
Edieke owo ekededi anamde ŋkpɔ ɔnɔ Mi, yak enye etiene Mi; ndien ebiet eke Ami ndude, asaŋutom Mi edidu do ŋko. Edieke owo anamde ŋkpɔ ɔnɔ Mi, Ete Mi eyekpono enye.
Nte inaŋa nte Christ okut mme ukut emi, ndien ebe oduk ke Ubɔŋ Esie?
Ndien edieke ŋkade ŋkotim itie ntre nnɔ mbufo, nyefiak ndi ndida mbufo nnɔ Idem Mi; man mbufo enyuŋ edu ke ebiet eke Ami ndude.
Thomas ete Enye, Ɔbɔŋ, nnyin ifiɔkke ebiet eke akade; nnyin idinyuŋ didie ifiɔk usuŋ?
