JOHN 14:3 - Edisana ñwed Abasi Ibom

³ Ndien edieke ŋkade ŋkotim itie ntre nnɔ mbufo, nyefiak ndi ndida mbufo nnɔ Idem Mi; man mbufo enyuŋ edu ke ebiet eke Ami ndude.

JOHN 14:3 Referans Kwoze

JOHN 12:26

Edieke owo ekededi anamde ŋkpɔ ɔnɔ Mi, yak enye etiene Mi; ndien ebiet eke Ami ndude, asaŋutom Mi edidu do ŋko. Edieke owo anamde ŋkpɔ ɔnɔ Mi, Ete Mi eyekpono enye.

2 ŊWED TIMOTHY 2:12

Edieke imede ime, iyeda ubɔŋ ye Enye; Edieke ikaŋde Enye, Enye eyekaŋ nnyin;

UTOM MME APOSTLE 1:11

Mbufo mbon Galilee, nsinam mbufo edade ese ikpa-enyɔŋ? Jesus emi, emi emende Enye ekpɔŋ mbufo eduk ke heaven, eyedi kpa ke ido emi mbufo ekutde Enye ɔnyɔŋde oduk ke heaven.

MME HEBREW 9:28

kpa ntre ŋko Christ, ke ekewade Enye ini kiet ete obiom idiɔk ŋkpɔ ediwak owo, eyetɔŋɔ ntak ɔbiɔŋɔre; edi Enye ididige ndinyene mbubehe ye idiɔk-ŋkpɔ, edi edidi ndinyaŋa mmɔ emi etiede ebet Enye.

ŊWED MBON ROME 8:17

Edi edieke nnyin idide nditɔ, imonyuŋ inyene udeme ke se enimde enɔ nditɔ; imenyene udeme ke se Abasi onimde; imasaŋa ye Christ inyene udeme: koro ana nte nnyin ima ikut ndutuhɔ ye Enye, inyenyuŋ ida ubɔŋ ye Enye.

JOHN 14:28

Mbufo ema ekop ete ŋkɔdɔhɔ mbufo, nte, Mmɔŋ ndinyɔŋ, ndien nyefiak ntiene mbufo. Edieke mbufo emade Mi, mbufo ekpadara, sia nnyɔŋde ntiene Ete: koro Ete omokpon akan Mi.

JOHN 17:24

Ete, mmoyom nte mmɔ emi Afo ɔkɔnɔde Mi edidu ye ami ke ebiet eke ndude; man mmɔ ekut ubɔŋ Mi emi Afo ɔkɔnɔde Mi: koro Afo akamama Mi, ndien ediwuk adaha ererimbot.

2 ŊWED THESSALONICA 1:12

man enyiŋ Ɔbɔŋ nnyin enyene ubɔŋ ke idem mbufo, mbufo enyuŋ enyene ubɔŋ ke Enye, oto ke mfɔn Abasi nnyin ye Ɔbɔŋ nnyin Jesus Christ.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.

ŊWED MBON PHILIPPI 1:23

Ekikere asiaha mi iba; ɔdɔŋ mi ndidaha nnyɔŋ ŋkodu ye Christ, koro edi oro otim ɔfɔn akan:

JOHN 14:4

Mbufo emenyuŋ efiɔk usuŋ ebiet eke Ami ŋkade.