JOHN 13:18 - Edisana ñwed Abasi Ibom

¹⁸ Ntiŋke mbaŋa mbufo kpukpru; mmɔfiɔk mmɔ emi ŋkemekde: edi ŋkpɔ etie ntem man osu nte ewetde ete, Adia-udia Mi osio ukot atiga Mi.

JOHN 13:18 Referans Kwoze

ŊWED MME PSALM 41:9

Kpa owo emi edide ufan mi, emi mbuɔtde idem mi ye enye, emi adiade udia mi, ememen ukot etiga mi.

MATTHEW 26:23

Ndien Enye ɔbɔrɔ ete, Owo eke edebide ubɔk ye Ami ke usan, kpa enye eyeda Mi ɔnɔ.

JOHN 17:12

Ke adaŋemi ŋkodude ye mmɔ, Ami mma nda enyiŋ Fo ŋkama mmɔ emi Afo ɔkɔnɔde Mi; mma nnyuŋ ŋkpeme mmɔ, ndien baba owo mmɔ kiet ikatakke, ke mibɔhɔke eyen nsobo; man se ewetde osu.

MARK 14:20

Edi Enye ete mmɔ, Edi, owo kiet ke otu mbufo mboduopeba, owo emi edebide udia ke usan ye Ami.

JOHN 13:26

Jesus ɔbɔrɔ ete, Edi enye emi ndidebide uyo nyak nnɔ enye. Ntre ke Enye ama ekedebi uyo, emen ayak ɔnɔ Judas, eyen Simon Iscariot.

JOHN 6:70

Jesus ɔbɔrɔ mmɔ ete, Nte ŋkemekke mbufo owo duopeba? ndien owo kiet ke otu mbufo edi demon.

JOHN 15:19

Edieke mbufo ekpedide mbon ererimbot, ererimbot akpama ikɔt esie: edi sia mbufo midige mbon ererimbot, edi Ami ŋkemekde mbufo nsio ke ererimbot, ke ntak oro ererimbot asua mbufo.

MME HEBREW 4:13

Baba ŋkpɔ kiet eke odibede Enye ke enyin inyuŋ iduhe; edi kpukpru ŋkpɔ ena iferi ye ata iŋwaŋ-iŋwaŋ ke enyin Abasi, emi nnyin isaŋade ŋkpɔ ye Enye.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

MATTHEW 10:36

ndien mme asua owo eyedi mbon ufɔk esie.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.

JOHN 21:17

Jesus obup enye ɔyɔhɔ utim ikata, ete, Simon eyen John nte amama Mi? Peter ɔfuhɔ, koro Enye obupde ɔyɔhɔ ikata, ete, Nte amama Mi? Enye onyuŋ ɔdɔhɔ Jesus ete, Ɔbɔŋ, ɔmɔfiɔk kpukpru ŋkpɔ; Afo ɔmɔfiɔk ete mmama Fi. Jesus ete enye, Bɔk mme erɔŋ Mi.

2 ŊWED CORINTH 4:5

Koro idige idem nnyin ke nnyin ikwɔrɔ, edi Christ Jesus, ite, Enye edi Ɔbɔŋ, inyuŋ ikwɔrɔ ibaŋa idem nnyin, ite, idi ifin mbufo kabaŋa Jesus.

JEREMIAH 41:2

Ndien Ishmael eyen Nethaniah, ye owo duop oro edude ye enye, edaha ke enyɔŋ ekpi Gedaliah eyen Ahikam, eyen Shaphan, ke ofut, ewot enye, emi edidem Babylon okonimde ke etubom isɔŋ.

MATTHEW 26:21

ndien nte mmɔ ediade, Enye ɔdɔhɔ ete, Ke akpanikɔ ke ndɔhɔ mbufo, owo kiet ke otu mbufo eyeda Mi ɔnɔ.

MARK 14:17

Ndien ke mbubreyo Enye asaŋa ye mbet duopeba edi.

MARK 14:18

Ndien nte mmɔ etiede edia ŋkpɔ, Jesus ete, Ke akpanikɔ ke ndɔhɔ mbufo, owo kiet ke otu mbufo eyeda Mi ɔnɔ kpa owo eke adiade ŋkpɔ ye Ami.

LUKE 22:21

Edi sese, ubɔk andida Mi nnɔ odu ye Ami ke okpokoro.

JOHN 13:21

KE Jesus ama eketiŋ ntem; spirit otimere Enye, Enye onyuŋ ɔsɔŋ uyo ɔdɔhɔ ete, Ke akpanikɔ ke ndɔhɔ mbufo nte, Owo kiet ke otu mbufo eyeda Mi ɔnɔ.

JOHN 13:22

Mbet ese kiet eken, eyik mme Enye etiŋ abaŋa anie.

JOHN 15:25

Edi emi ɔwɔrɔ, man osu nte ewetde ke ibet mmɔ, ete, Mmɔ ekesua Mi ke unana ntak.

JOHN 18:32

man ikɔ nte Jesus eketiŋde owut oruk mkpa eke Enye edikpade osu.

JOHN 19:24

Ntem ke mmɔ eneme ye kiet eken ete, Eyak nnyin ikusiak enye emi, edi isin afia, man ifiɔk owo eke edinyenede enye: man okposu nte ewetde, ete, mmɔ edeme edisine-ŋkpɔ Mi ke otu idem mmɔ, Enyuŋ esin afia ebaŋa ɔfɔŋ-idem Mi.

JOHN 19:36

Koro mme ŋkpɔ emi ewɔrɔ, man okposu nte ewetde, ete, Idibuŋde ndomo ɔkpɔ Esie kiet.

UTOM MME APOSTLE 1:2

tutu osim usen oro emende Enye edɔk ke enyɔŋ, ke Enye ama ɔkɔnɔ mme apostle emi Enye ekemekde item oto ke Edisana Spirit:

UTOM MME APOSTLE 1:16

kpa se Edisana Spirit akadade inua David ebem iso etiŋ abaŋa Judas, emi ekedide andida mme andimum Jesus usuŋ, enyene ndisu.