JOHN 12:43 - Edisana ñwed Abasi Ibom

⁴³ Koro mmɔ emama ubɔŋ eke otode owo akan ubɔŋ eke etode Abasi.

JOHN 12:43 Referans Kwoze

JOHN 5:44

Mbufo edikeme didie ndinim ke akpanikɔ, kpa mbufo emi ebɔde ubɔŋ ke ubɔk kiet eken, ndien miyomke ubɔŋ eke otode ke Abasi kierakiet?

JOHN 5:41

Mbɔhɔ ubɔŋ ke ubɔk owo,

LUKE 16:15

Ndien Enye ɔdɔhɔ mmɔ ete, Mbufo edi mmɔ emi enamde owo ebat mbufo ke nti owo, edi Abasi ɔmɔfiɔk esit mbufo: koro se ikponde owo ke enyin edi mbubiam ke iso Abasi.

1 ŊWED THESSALONICA 2:6

Nnyin iyomke ubɔŋ ke ubɔk owo, mme ke ubɔk mbufo, mme ke ubɔk owo efen, okposuk edi nte nnyin inyenede unen ndidi mbiomo nnɔ mbufo, sia idide mme apostle Christ.

2 ŊWED CORINTH 10:18

Koro idige owo emi otorode idem ke ebat ke eti, edi owo emi Ɔbɔŋ otorode.

MATTHEW 6:2

Mmɔdo ke ini ɔnɔde eyen ubuene ŋkpɔ, kutaŋ ese, nte mbio mbubik enamde ke mme synagogue ye mme efak, ete owo ekpono mme imɔ. Ke akpanikɔ ke ndɔhɔ mbufo, Mmɔ ema ebɔ utip mmɔ.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

JOHN 12:26

Edieke owo ekededi anamde ŋkpɔ ɔnɔ Mi, yak enye etiene Mi; ndien ebiet eke Ami ndude, asaŋutom Mi edidu do ŋko. Edieke owo anamde ŋkpɔ ɔnɔ Mi, Ete Mi eyekpono enye.

JOHN 8:54

Jesus ɔbɔrɔ ete, Edieke Ami ŋkpadade ubɔŋ nnɔ Idem Mi, ubɔŋ Mi idige baba ŋkpɔ kiet. Edi Enye emi mbufo edɔhɔde ete, Enye edi Abasi mme imɔ;

LUKE 19:17

Ndien ɔbɔŋ esie ɔdɔhɔ enye ete, Omotim anam, afo eti owo: sia afo akanamde akpanikɔ ke ekpri ŋkpɔ, di andikara obio duop.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.

1 PETER 3:4

edi eda edisine-ŋkpɔ eke midibiarake, kpa suŋ-suŋ spirit eke enyenede iso but, ebana idem ke esit-esit uwem mbufo; koro oro edi se isɔŋde urua ke enyin Abasi.

ŊWED MBON ROME 2:7

Enye eyeda nsinsi uwem ɔnɔ mmɔ emi eyirede ke erinam eti ido eyom ubɔŋ ye ukpono ye uwem eke midibiarake:

ŊWED MME PSALM 22:29

Kpukpru ikpɔ owo ererimbot eyedia, enyuŋ etuak ibuot: kpukpru mmɔ eke esu-hɔrede ke ntan eyenuhɔ ke iso esie: ye owo eke minimke uwem esiemɔ.

1 SAMUEL 15:30

Ndien enye ɔdɔhɔ ete, Mma nnam idiɔk ido: edi kam kpono mi, mbɔk, ke iso mbiowo ikɔt mi, ye ke iso Israel, nyuŋ tiene mi fiak edem, man ntuak ibuot nnɔ Jehovah Abasi fo.

MME ŊKE 29:25

Uteŋe owo ɔkɔk afia onim: edi eda owo eke ɔbuɔtde idem esie ye Jehovah emenere enye enim ke enyɔŋ.

JOHN 7:18

Owo eke etiŋde oto idem esie oyom ubɔŋ ɔnɔ idem esie; edi owo eke oyomde ubɔŋ andidɔŋ enye, owo oro edi akpanikɔ, ukwaŋido inyuŋ iduhe enye ke esit.

ŊWED MBON ROME 2:29

edi ata Jew edi enye edide Jew ke esit-esit; ata mbobi onyuŋ edi ŋkpɔ ɔwɔŋesit, odu ke spirit, iduhe ke item eke ewetde; itoro esie inyuŋ itoho owo, edi oto Abasi.