JOHN 12:25 - Edisana ñwed Abasi Ibom

²⁵ Owo eke amade uwem esie ɔduɔk uwem esie; edi owo eke asuade uwem esie ke ererimbot emi eyemum uwem esie onim tutu osim uwem nsinsi.

JOHN 12:25 Referans Kwoze

MATTHEW 10:39

Owo eke anyaŋade uwem esie eyeduɔk enye; edi owo eke ɔduɔkde uwem esie ke abaŋa Mi eyenyaŋa enye.

LUKE 17:33

Owo eke oyomde ndiyaŋa uwem esie eyeduɔk enye: edi owo eke ɔduɔkde uwem esie eyenyaŋa enye.

MARK 8:35

Koro owo ekededi eke oyomde ndinyaŋa uwem esie eyeduɔk enye; edi owo ekededi eke ɔduɔkde uwem esie kabaŋa Mi ye gospel, eyenyaŋa enye.

MATTHEW 16:25

Koro owo ekededi eke ediyomde ndinyaŋa uwem esie eyeduɔk enye, edi owo ekededi eke ediduɔkde uwem esie kabaŋa mi eyeda uwem esie enyene.

LUKE 14:26

Edieke owo etienede Mi, ndien misuaha ete esie, ye eka esie, ye ŋwan esie, ye nditɔ esie, ye nditɔ-eka esie iren, ye nditɔ-eka esie iban, ye uwem esie ŋko, enye ikemeke ndidi owo mbet Mi.

ERIYARARE 12:11

Mmɔ ema ekan enye oto ke iyip Eyen-erɔŋ, Onyuŋ oto ke se mmɔ etiŋde nte ntiense. Mmɔ imaŋa uwem mmɔ tutu osim mkpa.

MATTHEW 19:29

Ndien kpukpru owo emi ekɔkpɔŋde ufɔk, mme nditɔ-eka iren, mme nditɔ-eka iban, mme ete, mme eka, mme nditɔ, mme isɔŋ, kabaŋa enyiŋ Mi, eyebɔ utip utim ikikie, eyenyuŋ enyene nsinsi uwem.

UTOM MME APOSTLE 20:24

Edi mbatke uwem mi ke ŋkpɔ, man ŋkeme ndifehe mbuba mi mma, nnyuŋ nnam utom oro Ɔbɔŋ Jesus ɔnɔde mi, ete ŋkwɔrɔ gospel mfɔn Abasi.

ECCLESIASTES 2:17

Ndien nsua uwem emi: koro ŋkpɔ eke enamde ke idak utin akabarede ɔdiɔk ye ami: koro kpukpru edide ikpikpu ye idomo eke miwɔrɔke usuŋ.

UTOM MME APOSTLE 21:13

Edi Paul ɔbɔrɔ ete, Nsinam mbufo etuaŋade, enam esit ɔduɔ mi? Mmebeŋe idem ndiduk ŋkpɔkɔbi, ndiyuŋ ŋkpa ke Jerusalem kabaŋa enyiŋ Ɔbɔŋ Jesus.

MME HEBREW 11:35

Iban ebɔ mme akpa-mkpa ke eriset ke mkpa; mmɔ eken ekut ndutuhɔ, inyuŋ inyimeke ndibɔhɔ, man mmɔ ekpenyene eriset ke mkpa eke ɔfɔnde akan.