JOHN 11:42 - Edisana ñwed Abasi Ibom

⁴² Ami nnyuŋ mfiɔk nte okop uyo Mi kpukpru ini; edi kabaŋa otu owo emi edade ekan ekuk, ŋkɔdɔhɔ ntem, man mmɔ enim ke akpanikɔ ete Afo ɔkɔdɔŋ Mi.

JOHN 11:42 Referans Kwoze

JOHN 3:17

Koro Abasi ikɔdɔŋke Eyen Esie ke ererimbot ete ekpe ikpe ererimbot, edi ɔkɔdɔŋ, man enyaŋa ererimbot oto ke Enye.

JOHN 17:21

man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

1 JOHN 4:14

Ndien nnyin ima ikut, inyuŋ idi ntiense, ite, Ete ɔkɔdɔŋ Eyen Esie edidi Andinyaŋa ererimbot.

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

MME HEBREW 5:7

Ke mme usen emi Enye odude ke obukidem Enye ɔkɔbɔŋ akam onyuŋ anam mkpe-ubɔk ye ɔkpɔsɔŋ eseme ye mmɔŋ-eyet ɔnɔ Abasi emi ekemede ndinyaŋa Enye nsio ke mkpa, Abasi onyuŋ eyere Enye, koro Enye eteŋede Abasi;

ŊWED MBON ROME 8:3

Koro se ibet mikikemeke ndinam, ke emi obukidem esinde enye edi mmem-mmen, Abasi akanam; ke emi Enye osiode Eyen Esie ɔdɔŋ ke mbiet obukidem idiɔk-ŋkpɔ, onyuŋ adade Enye nte isop, anam ikpe obiom idiɔk-ŋkpɔ ke obukidem Esie:

JOHN 20:31

Edi ewet mmɔ emi, man mbufo enim ke akpanikɔ ete Jesus edi Christ, Eyen Abasi; man ke erinim ke akpanikɔ, mbufo ekpenyene uwem ke enyiŋ Esie.

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

JOHN 17:8

koro mmayak mme ikɔ emi ɔkɔnɔde Mi nnɔ mmɔ: mmɔ ekɔbɔ mme ikɔ oro, enyuŋ eneŋere efiɔk ete ŋkoto ke ɔtɔ Fo ŋwɔrɔ, enyuŋ enim ke akpanikɔ ete edi Afo ɔkɔdɔŋ Mi.

JOHN 11:22

Edi kpa ke emi mmɔfiɔk nte Abasi eyenɔ Fi ŋkpɔ ekededi eke Afo edibeŋede Enye.

MATTHEW 26:53

Mme ese ete ŋkemeke ndikpe Ete Mi ubɔk, mbɔ Enye se ibede legion mme angel duopeba idaha emi?

ŊWED MBON GALATIA 4:4

edi ke adaŋemi ekemde uyɔhɔ ini, Abasi osio Eyen Esie ɔdɔŋ ŋwan aman Enye, Enye onyuŋ esine ke idak-ibet

JOHN 11:31

Ntem ke ini mme Jew, emi etiede ye Mary ke ufɔk edɔŋ enye esit, ekutde nte enye adahade ke enyɔŋ iwiwa ɔwɔrɔ, mmɔ etiene enye, ese ete, enye aka udi nditua eyet do.

JOHN 8:42

Jesus ete mmɔ, Edieke Abasi ekpedide Ete mbufo, mbufo ekpema Mi: koro Ami ŋkoto ke Abasi ŋwɔrɔ ndi; ŋkonyuŋ ndige ke odudu Idem Mi, edi Enye ɔkɔdɔŋ Mi.

JOHN 8:29

Andidɔŋ Mi onyuŋ odu ye Ami: Enye ikɔkpɔŋke Mi ikpɔŋ; koro Ami nnamde se inemde Enye esit kpukpru ini.

JOHN 8:16

Onyuŋ edieke Ami mbierede-biere, ubiere-ikpe Mi edi ata ikpe; koro mmenduhe ikpɔŋ, edi Ami ye Enye emi ɔkɔdɔŋde Mi.

JOHN 11:43

Ndien ke Enye ama ɔkɔdɔhɔ ntem, Enye ofiori ke ɔkpɔsɔŋ uyo, ete, Lazarus, wɔrɔ di.

JOHN 12:11

koro oto ke ntak esie ediwak mme Jew edaha ebuɔt idem ye Jesus.

JOHN 12:17

Ntem ke otu owo emi ekedude ye Enye ke ini Enye okotde Lazarus ɔwɔrɔ ke udi anam enye eset ke mkpa, etiŋ se mmɔ ekekutde.