JOHN 10:4 - Edisana ñwed Abasi Ibom

⁴ Ke enye ama okosioŋo kpukpru mme erɔŋ esiemɔ, enye ebem mmɔ iso, merɔŋ enyuŋ etiene enye, koro mmɔ ediɔŋɔde uyo esie.

JOHN 10:4 Referans Kwoze

DEUTERONOMY 1:30

Jehovah Abasi mbufo emi ebemde mbufo iso aka, edi enye edi ŋwana ekɔŋ inɔ mbufo, kpa nte enye akanamde kpukpru ŋkpɔ ɔnɔ mbufo ke Egypt ke iso mbufo;

JOHN 10:16

Mmonyuŋ nnyene mme erɔŋ eŋwen, emi mitoho ke ufɔk-erɔŋ emi; nnyene ndida mmɔ ŋko ndi, ndien mmɔ eyekop uyo Mi; ndien mmɔ eyekabare edi otu-erɔŋ kiet, Ekpeme-erɔŋ kiet eyenyuŋ odu.

JOHN 12:26

Edieke owo ekededi anamde ŋkpɔ ɔnɔ Mi, yak enye etiene Mi; ndien ebiet eke Ami ndude, asaŋutom Mi edidu do ŋko. Edieke owo anamde ŋkpɔ ɔnɔ Mi, Ete Mi eyekpono enye.

JOHN 18:37

Ntem Pilate obup Enye ete, Nte Afo edi edidem naŋa? Jesus ɔbɔrɔ ete, Omotim etiŋ ete ndi Edidem. Nkamana kabaŋa ntak emi, ŋkonyuŋ nduk ke ererimbot kabaŋa ŋkpɔ emi, man ndi ntiense nnɔ akpanikɔ. Kpukpru mmɔ eke edide eke akpanikɔ, ekop uyo Mi.

1 PETER 2:21

Ekekot mbufo ete edinam oro; koro Christ ke Idem Esie ama okut ndutuhɔ kabaŋa mbufo, onyuŋ ɔkpɔŋ uwut-ŋkpɔ ɔnɔ mbufo, ete, mbufo ekpetiene esaŋa ke nde ikpat Imɔ.

1 PETER 5:3

ekunyuŋ ebre odudu ye mmɔ emi ekeyakde esin mbufo ke ubɔk, edi enim idem nte uwut-ŋkpɔ enɔ mme erɔŋ.

1 ŊWED CORINTH 11:1

MBUFO ekabare ekpebe mi kpa nte ami ŋkpebede Christ.

JOHN 10:8

Kpukpru owo eke ekebemde Mi iso edi edi inɔ ye mbon ŋwo: edi mme erɔŋ ikopke mmɔ uyo.

MATTHEW 16:24

Ekem Jesus ɔdɔhɔ mbet Esie ete, Edieke owo ekededi oyomde nditiene Mi, yak enye otuk idem esie, onyuŋ emen cross esie, etiene Mi.

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.

MME HEBREW 6:20

ke ebiet emi Jesus ama ebe oduk ke esit nte Ebe-iso ɔnɔ nnyin, ke Enye ama akabare edi Akwa Oku ke nsinsi, nte utɔ Melchizedek asaŋade.

ŊWED MBON EPHESUS 5:1

MMƆDO edi mme andikpebe Abasi, nte ndima nditɔ

JOHN 3:29

Enyene-aŋwan-ndɔ edi ebe-ŋwan: edi ufan ebeŋwan, emi adade da okop enye uyo, adara eti-eti ndikop uyo ebeŋwan: ntem ke idara mi emi ama akabare ɔyɔhɔ.

IKWƆ SOLOMON 2:8

Uyo ama mi! sese, edi enye ke edi, ke ɔfrɔ ke ikpɔ obot, ke ɔfrɔ akaŋa ŋkpri obot.

JOHN 13:15

Koro mmɔnɔ mbufo uwut-ŋkpɔ nte, mbufo nde enam kpa nte Ami ŋkanamde mbufo.

1 PETER 4:1

SIA Christ okokutde ukut ke obukidem, mbufo nde eda ekikere emi esine nte ŋkpɔ-ekɔŋ esɔŋɔ idem mbufo esit; koro enye emi okokutde ukut ke obukidem ama adianare ke idiɔk-ŋkpɔ ama;

IKWƆ SOLOMON 5:2

Ami ŋkede idap, edi esit mi edemere. Uyo ama mi! enye atuak, ete, O eyen-eka mi, ŋwan ima mi, ibiom mi, emi eyede ama, sio usuŋ nɔ mi: koro mbara ɔyɔhɔde mi ke ibuot, ntɔi okoneyo enyuŋ eyɔhɔ mi ke idet.

JOHN 10:3

Etie-usuŋ eberere usuŋ ɔnɔ enye; mme erɔŋ enyuŋ ekop uyo esie: ndien enye okot mme erɔŋ esiemɔ ke enyin ke enyiŋ, onyuŋ ada mmɔ ɔwɔrɔ.

JOHN 10:5

Edi mmɔ iditieneke esen owo, edi eyefeŋe ekpɔŋ enye: koro mmɔ midiɔŋɔke uyo isen owo.

JOHN 10:27

Mme erɔŋ Mi ekop Mi uyo, Ami mmonyuŋ mfiɔk mmɔ, mmɔ enyuŋ etiene Mi.