JOHN 10:34 - Edisana ñwed Abasi Ibom

³⁴ Jesus ɔbɔrɔ mmɔ ete, Nte ikewetke ke ibet mbufo, ite, Ami ndɔdɔhɔ nte, Mbufo edi mme abasi?

JOHN 10:34 Referans Kwoze

EXODUS 7:1

NDIEN Jehovah ɔdɔhɔ Moses, ete, Sese, mmonim fi ke Abasi nnɔ Pharaoh: ndien Aaron eyen-uka eyedi prophet fo.

ŊWED MME PSALM 82:1

ABASI ada ke esop ata mkpɔsɔŋ; ke otu mme ebierikpe ke enye ekpe ikpe.

EXODUS 4:16

Enye eyenyuŋ ɔdɔhɔ ye mbio oro ɔnɔ fi: ke ntre ke enye editie nte inua fo, afo edinyuŋ etie nte Abasi ɔnɔ enye.

ŊWED MME PSALM 138:1

NYEKƆM fi ke ofuri esit mi: nyekwɔ nnɔ fi ke iso mme abasi.

EXODUS 22:28

Kusuŋi Abasi, kunyuŋ usue ebierikpe ke otu mbio-obio mbufo.

JOHN 8:17

Ŋko ewet ke ibet mbufo ete, ikɔ-ntiense ke inua owo iba edi akpanikɔ.

JOHN 15:25

Edi emi ɔwɔrɔ, man osu nte ewetde ke ibet mmɔ, ete, Mmɔ ekesua Mi ke unana ntak.

JOHN 12:34

Ntem ke otu owo ebɔrɔ Enye ete, Nnyin ima ikop nte edɔhɔde ke ibet, ete Christ eyesuk odu ke nsinsi: ndien Afo anam didie ɔdɔhɔ ete, Enyene ndimen Eyen Owo ke enyɔŋ? anie edi Eyen Owo emi?

1 ŊWED CORINTH 14:21

Ke ŋwed ibet ewet ntem ete, Jehovah ɔdɔhɔ ete, Nyeda mmɔ emi esemde esen usem ye mkpɔk-inua isen owo ntiŋ ŋkpɔ ye mbio emi; edi kpa ke ini nnamde ntem, mmɔ idikopke uyo Mi.

JOHN 10:35

Edieke Abasi okokotde mmɔ emi uyo Abasi osimde mmɔ ete, mme abasi (ndien ŋwed Abasi ikemeke ndikpu),