JOHN 10:25 - Edisana ñwed Abasi Ibom

²⁵ Jesus ɔbɔrɔ mmɔ ete, Mma ntiŋ nnɔ mbufo, ndien mbufo inimke ke akpanikɔ: mme utom eke Ami nnamde ke enyiŋ Ete Mi edi ntiense enɔ Mi.

JOHN 10:25 Referans Kwoze

JOHN 10:38

Edi edieke nnamde, okposuk edi nte mbufo minimke Mi ke akpanikɔ, enim utom naŋa ke akpanikɔ; man mbufo efiɔk enyuŋ eneŋere ekut ete, Ete odu Mi ke idem, Ami nnyuŋ ndu ke Ete.

JOHN 8:58

Jesus ɔbɔrɔ mmɔ ete, Ke akpanikɔ ke ndɔhɔ mbufo nte, Ami ndudu ndien Abraham edimana.

JOHN 14:11

Enim Mi ke akpanikɔ ete, Ami ndu ke Ete, Ete onyuŋ odu Mi ke idem; midige, enim se ntiŋde ke akpanikɔ ke ntak utom Mi.

MME HEBREW 2:3

Nnyin idinam didie ibɔhɔ edieke nnyin isinde erinyaŋa eke okponde ntem? eke Ɔbɔŋ ekebemde iso etiŋ, mmɔ emi ekekopde Enye enyuŋ esɔŋɔ ikɔ oro enɔ nnyin;

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

JOHN 20:30

Jesus okonyuŋ anam ediwak mme idiɔŋɔ eŋwen ke iso mbet Esie, emi miwetke isin ke ŋwed emi.

JOHN 12:37

Edi okposuk edi oro Enye akanamde adaŋa uwak-uwak mme idiɔŋɔ ke iso mmɔ, mmɔ ibuɔtke idem ye Enye:

JOHN 11:47

Ntre ke ikpɔ oku ye mme Pharisee ekot akwa esop ebono, enyuŋ edɔhɔ ete, Inam didie? koro owo emi ke ananam ediwak idiɔŋɔ.

JOHN 10:32

Jesus ɔbɔrɔ mmɔ ete, Ŋkowut mbufo ediwak nti utom eke etode Ete; mbufo etɔ Mi ke itiat kabaŋa utom ewe ke otu mmɔ?

JOHN 8:24

Mmɔdo ndɔhɔ mbufo nte, Mbufo eyekpaŋa ke mme idiɔk-ŋkpɔ mbufo. Koro ke mbufo minimke ke akpanikɔ ite Ami ndi Enye, mbufo eyekpaŋa ke mme idiɔk-ŋkpɔ mbufo.

JOHN 8:12

Ntre ke Jesus ɔtɔŋɔ ntak etiŋ ɔnɔ mmɔ, ete, Ami ndi uŋwana ererimbot; owo eke etienede Mi idisaŋake ke ekim, edi eyenyene uŋwana uwem.

JOHN 7:31

Edi ediwak owo emi edude ke otu oro ebuɔt idem ye Enye: mmɔ enyuŋ edɔhɔ ete, Ke adaŋemi Christ edidide, nte Enye eyenam idiɔŋɔ eke ewakde ekan se owo emi akanamde?

JOHN 3:2

Owo emi etiene Jesus ke okoneyo ɔkɔdɔhɔ Enye ete, Rabbi, nnyin imɔfiɔk ite Afo edi Andikpep emi Abasi osiode ɔdɔŋ; koro baba owo kiet ikemeke ndinam mme idiɔŋɔ emi Afo ananam, ibɔhɔke Abasi odu ye enye.

UTOM MME APOSTLE 2:22

Mbufo nditɔ Israel, ekop ikɔ emi: Jesus eyen Nazareth, owo emi Abasi onyimede ke otu mbufo ke mkpɔsɔŋ utom ye mme utibe ŋkpɔ ye mme idiɔŋɔ eke Abasi adade ubɔk Esie anam ke otu mbufo, nte mbufo ke idem mbufo efiɔkde;

JOHN 8:56

Ete mbufo Abraham akadat esit ndikut eyo Mi; enye okokut onyuŋ adat esit.

JOHN 10:37

Edieke mmenamke utom Ete Mi, ekunim Mi ke akpanikɔ.