JOHN 10:15 - Edisana ñwed Abasi Ibom

¹⁵ Ami nnyuŋ mfiɔkde Ete; mmonyuŋ nyak uwem Mi nduɔk ke ibuot mme erɔŋ.

JOHN 10:15 Referans Kwoze

JOHN 10:11

Ami ndi eti ekpeme-erɔŋ; eti ekpeme-erɔŋ ayak uwem Esie ɔduɔk kabaŋa mme erɔŋ.

ŊWED MBON GALATIA 1:4

Emi akayakde Idem Esie ɔnɔ kabaŋa mme idiɔk-ŋkpɔ nnyin, man Enye akpanyaŋa nnyin osio ke idiɔk eyo emi odude ke emi, nte ekemde ye se Abasi ye Ete nnyin aduakde:

1 JOHN 2:2

Enye onyuŋ edi usio-isop mme idiɔk-ŋkpɔ nnyin, inyuŋ idige eke nnyin ikpɔŋ, edi eke ofuri ererimbot nde.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

ISAIAH 53:10

Ndien Jehovah ama enye ndinuak; esin enye ɔdɔŋɔ: ukpɔŋ esie ama osio isop idiɔk-ŋkpɔ, enye eyekut ubɔŋ esiemɔ, mme usen esie eyebigi, ndien se Jehovah amade eyesiaha enye ke ubɔk.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

JOHN 15:13

Baba owo kiet inyeneke ima eke okponde akan enye emi, owo ndikpayak uwem esie nduɔk kabaŋa mme ufan esie.

MATTHEW 20:28

kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

JOHN 6:46

Emi ɔwɔrɔ ete owo baba kiet ikwe Ete, ebe Enye emi otode ke ɔtɔ Abasi: Enye okokut Ete.

JOHN 1:18

Akanam baba owo kiet ikwe Abasi; ikpoŋ-ikpɔŋ Eyen emi Abasi obonde, emi odude ke ikpanesit Ete, kpa Enye amayarare Abasi.

LUKE 10:21

Ke ini oro Jesus okop idaresit ke Edisana Spirit, onyuŋ ɔdɔhɔ ete, Mmɔkɔm Fi, O Ete, Ɔbɔŋ enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek-nditɔ. Edi ntre, Ete, koro enemde Fi ntem ke enyin.

DANIEL 9:26

Ndien adaŋemi urua ata ye iba ekurede, eyesibe Messiah efep, edi ibaŋake idem esie; ndien ikɔt ɔbɔŋ emi edidide eyebiat obio ye edisana ebiet; ndien utit esie eyedi ke mmɔŋ ukwɔ; ndien ewuk ete nsobo odu tutu osim ke utit ekɔŋ.

ISAIAH 53:8

Esio enye ke ukut ye ke ikpe: ndien anie ekeme ndibuk emana esie? Koro esibede enye efep ke isɔŋ mme odu-uwem: ke abaŋa mme idiɔk ido ikɔt mi ke enye ada ufen.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

ŊWED MBON GALATIA 3:13

Christ akafak nnyin osio ke isuŋi ibet emi odorode nnyin, sia Enye amakabare edi ŋkpɔ isuŋi ke ibuot nnyin; koro ewetde ete, owo eke eyiride ke eto edi ŋkpɔ isuŋi Abasi;

JOHN 8:55

ndien mbufo ikɔfiɔkke Enye; edi Ami mmɔfiɔk Enye. Edieke ŋkpɔdɔhɔde nte, Mfiɔkke Enye, nyedi osu-osu nte mbufo: edi Ami mmɔfiɔk Enye, nnyuŋ nnim ikɔ Esie.

LUKE 10:22

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke enye emi Eyen edide ke mibɔhɔke Ete: owo inyuŋ ifiɔkke enye emi Ete edide ke mibɔhɔke Eyen, ye owo ekededi eke Eyen amade ndiyarare Enye nnɔ.