JOHN 10:11 - Edisana ñwed Abasi Ibom

¹¹ Ami ndi eti ekpeme-erɔŋ; eti ekpeme-erɔŋ ayak uwem Esie ɔduɔk kabaŋa mme erɔŋ.

JOHN 10:11 Referans Kwoze

JOHN 15:13

Baba owo kiet inyeneke ima eke okponde akan enye emi, owo ndikpayak uwem esie nduɔk kabaŋa mme ufan esie.

ŊWED MME PSALM 23:1

JEHOVAH edi andibɔk mi, ndinanake ŋkpɔ.

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.

ISAIAH 40:11

Enye eyebɔk ikɔt esiemɔ nte ɔbɔk ufene: eyetaŋ nditɔ erɔŋ ke ubɔk esie, akama ke ikpanesit esie, onyuŋ ada mme ɔnɔ-mmɔŋeba usuŋ.

1 JOHN 3:16

Nnyin ida emi ifiɔk ima, koro Enye akayakde uwem Esie ɔnɔ kabaŋa nnyin: nnyin nde ikponyuŋ iyak uwem nnyin inɔ kabaŋa nditɔ-ete.

2 SAMUEL 24:17

Ndien David ɔdɔhɔ Jehovah, ke ini enye okutde angel oro owotde mbio-mbio, ete, Sese, ami ŋkedue, ŋkonyuŋ nnam se ikwaŋade: edi ŋkpri ufene emi ekenam nso? Mbɔk, yak ubɔk fo odoro mi, ye ufɔk ete mi.

MME HEBREW 13:20

Ndien Abasi emem, emi akanamde akwa Ekpeme-erɔŋ asaŋa ye iyip nsinsi ediomi eset ke mkpa,

EZEKIEL 34:23

Ndien nyenam ɔbɔk kiet eke edibɔkde mmɔ adaha ada akan mmɔ, kpa owo mi David; enye eyebɔk mmɔ, ndien mmɔ eyenyene enye ke andibɔk.

EZEKIEL 37:24

Owo mi David eyenyuŋ edi edidem mmɔ; kpukpru mmɔ eyenyuŋ enyene ɔbɔk-erɔŋ kierakiet: ndien mmɔ eyesaŋa ke mme item mi, enyuŋ ekpeme mme ewuhɔ mi, enyuŋ enam mmɔ.

1 PETER 5:4

Ndien ke adaŋemi Akwa Andikpemerɔŋ ediyararede idem, mbufo eyebɔ anyanya ubɔŋ eke midibiarake.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

MATTHEW 20:28

kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

ISAIAH 53:6

Kpukpru nnyin idiyo nte erɔŋ: kpukpru nnyin ikabare iduk ke usuŋ nnyin; ndien Jehovah ada idiɔk ido nnyin kpukpru odori enye ke idem.

ŊWED MME PSALM 80:1

O ANDIBƆK Israel, emi adade Joseph usuŋ nte otu ufene, kpaŋ utɔŋ; emi etiede ke otu mme cherubim, yama.

MICAH 5:4

Ndien enye eyeda edibɔk ke odudu Jehovah, ke ubɔŋ enyiŋ Jehovah Abasi esie; ndien mmɔ eyebigi: koro ke emi ke enye edikpon tutu osim utit ererimbot.

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

EZEKIEL 34:2

tiŋ prophecy, nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ mme ɔbɔk erɔŋ, ete: Ɔdɔdiɔk ɔnɔ mme ɔbɔk-erɔŋ Israel emi ebɔkde idem mmɔ. Nte mme ɔbɔk ikpebɔkke ufene?

JOHN 10:2

Edi owo eke asaŋade ebe inua-otop oduk edi ekpeme-erɔŋ.