JOHN 1:33 - Edisana ñwed Abasi Ibom

³³ Ndien ŋkɔdiɔŋɔke Enye; edi Enye emi ɔkɔdɔŋde mi ete nda mmɔŋ nnim baptism ɔdɔhɔ mi ete, Owo eke edikutde nte Spirit ɔsuhɔrede odoro Enye ke idem edi Enye emi onimde owo baptism ke Edisana Spirit.

JOHN 1:33 Referans Kwoze

UTOM MME APOSTLE 1:5

Koro John akadade mmɔŋ onim baptism, edi eyenim mbufo baptism ke Edisana Spirit ke usen ifaŋ mibehe kaŋa.

LUKE 3:16

John ɔbɔrɔ mmɔ kpukpru ete, Ami nda mmɔŋ nnim mbufo baptism; edi Enye emi enyenede odudu akan mi ɔmɔŋ edi, emi mmendotke nditat ikpaukot Esie: Enye eyenim mbufo baptism ke Edisana Spirit ye ikaŋ.

MATTHEW 3:11

Ami nda mmɔŋ nnim mbufo baptism, man ekabare esit: edi Enye emi etienede Mi ke edem enyene odudu akan mi, emi mmendotke ndikama ikpa-ukɔt Esie; Enye eyenim mbufo baptism ke Edisana Spirit ye ikaŋ.

JOHN 3:34

Koro Enye emi Abasi okosiode ɔdɔŋ etiŋ ikɔ Abasi: koro Abasi idomoke domo Spirit inɔ Enye.

1 ŊWED CORINTH 12:13

Koro ke Spirit kiet ke ema enim kpukpru nnyin baptism esin ke ikpɔhidem kiet, ye idide Jew inyuŋ idide Greek, idide ifin inyuŋ idide nditɔ: ema enyuŋ enam kpukpru nnyin iŋwɔŋ Spirit kiet isin ke idem.

JOHN 3:5

Ke akpanikɔ ke ndɔhɔ fi nte, Edieke owo mimanake oto ke mmɔŋ ye Spirit, enye ikemeke ndiduk ke Obio Ubɔŋ Abasi.

UTOM MME APOSTLE 2:4

Ndien Edisana Spirit ɔyɔhɔ kpukpru mmɔ ke idem, mmɔ enyuŋ etɔŋɔ ndisem nsio-nsio usem, nte spirit ɔnɔde mmɔ ukeme nditiŋ.

JOHN 1:31

Ami ŋkonyuŋ ndiɔŋɔke Enye; edi ŋkedi ndida mmɔŋ nnim baptism, man eyarare Enye enɔ Israel.

JOHN 7:39

Enye ɔdɔhɔ emi abaŋa Spirit emi mmɔ emi ebuɔtde idem ye Enye edibɔde; koro ikɔnɔŋɔ Spirit kaŋa sia Jesus midukke kaŋa ke ubɔŋ.

JOHN 14:26

Edi Iberedem, kpa Edisana Spirit, emi Ete edinɔde edi ke enyiŋ Mi, Enye eyekpep mbufo kpukpru ŋkpɔ, onyuŋ anam mbufo eti kpukpru se Ami ŋketiŋde nnɔ mbufo.