JOHN 1:16 - Edisana ñwed Abasi Ibom

¹⁶ Koro nnyin kpukpru ikɔbɔ mfɔn ikɔrɔ ke mfɔn oto ke uyɔhɔ Esie.

JOHN 1:16 Referans Kwoze

ŊWED MBON COLOSSAE 1:19

Koro ofuri uyɔhɔ Abasi onyime ndiduŋ enye ke idem,

ŊWED MBON ROME 5:2

Ndien oto ke Enye ke nnyin ikasaŋa ke mbuɔtiden iduk ke itie mfɔn eke nnyin idade ke esit, imonyuŋ ibure mbure ke idori-enyin ubɔŋ Abasi.

ŊWED MBON EPHESUS 3:19

man mbufo eyɔhɔ esim ofuri uyɔhɔ Abasi.

ŊWED MBON EPHESUS 1:23

emi edide Idem Esie, kpa se iyɔhɔde ye Enye emi ɔyɔhɔde ke kpukpru ŋkpɔ.

ŊWED MBON ROME 5:17

Koro edieke okotode ke ndudue owo kiet ke mkpa ada ubɔŋ oto owo kiet oro, ŋwaŋwaediso ke mmɔ emi ebɔde uwak mfɔn ye uwak enɔ edinen ido eyeda ubɔŋ ke uwem oto owo kiet, Jesus Christ.

JOHN 3:34

Koro Enye emi Abasi okosiode ɔdɔŋ etiŋ ikɔ Abasi: koro Abasi idomoke domo Spirit inɔ Enye.

1 PETER 1:2

emi Abasi Ete ekemekde mmɔ, nte asaŋade ekekem ye mbem-iso ifiɔk Esie, emi Spirit onyuŋ osuk ananam mmɔ esana, man mmɔ ekpesuk ibuot enɔ Jesus Christ, Enye okponyuŋ ada iyip Esie osime mmɔ ke idem. Mfɔn ye emem akpakam osim mbufo uwak-uwak.

MATTHEW 13:12

Koro eyenɔ owo ekededi eke enyenede ekɔrɔ, ndien enye eyenyene uwak-uwak; edi owo ekededi eke minyeneke, eyebɔ enye kpa se enye enyenede.

ŊWED MBON COLOSSAE 2:3

emi ofuri inyene ɔniɔŋ ye ifiɔk edibede enye ke idem.

ŊWED MBON ROME 8:9

Edi mbufo iduhe ke obukidem, edi edu ke spirit, edieke Spirit Abasi oduŋde ke esit mbufo. Edi edieke owo minyeneke Spirit Christ, enye idige owo Christ.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

MATTHEW 3:14

Edi John aŋwana ndibiɔŋɔ Enye, ete, Ŋkam nyom Afo onim mi baptism, ndien Afo etiene mi?

MATTHEW 3:11

Ami nda mmɔŋ nnim mbufo baptism, man ekabare esit: edi Enye emi etienede Mi ke edem enyene odudu akan mi, emi mmendotke ndikama ikpa-ukɔt Esie; Enye eyenim mbufo baptism ke Edisana Spirit ye ikaŋ.

ZECHARIAH 4:7

Afo akamba obot edi nso ŋkpɔ? Afo eyekabare edi una-isɔŋ ke iso Zerubbabel: ndien enye eyesio itiat ibuot ke mkpo idara, ete, Ufɔn, ufɔn enyene enye.

1 PETER 1:11

mmɔ eduŋɔre eyom ndifiɔk ini mme oruk ini eke Spirit Christ emi odude mmɔ ke esit asiakde, ke ini Enye ebemde iso etiŋ abaŋa mme ndutuhɔ Christ, ye ubɔŋ eke editienede mmɔ ke edem.

ŊWED MBON ROME 5:20

Edi ibet oduk edi man ndudue ewak ekan: edi ɔtɔ nte idiɔk-ŋkpɔ awakde, mfɔn ɔdɔdiɔŋ awak do akan:

ŊWED MME PSALM 84:7

Mmɔ eda nsɔŋ-idem edediɔŋ eka iso; kpukpru mmɔ ebiɔŋɔre ke iso Abasi ke Zion.