JOHN 1:15 - Edisana ñwed Abasi Ibom

¹⁵ John etie ntiense abaŋa. Enye, onyuŋ ofiori ete, Enye edi owo oro ŋketiŋde mbaŋa, nte Enye emi etienede mi ke edem akabare ebem mi iso, koro Enye ekebemde mi iso odu.

JOHN 1:15 Referans Kwoze

MATTHEW 3:11

Ami nda mmɔŋ nnim mbufo baptism, man ekabare esit: edi Enye emi etienede Mi ke edem enyene odudu akan mi, emi mmendotke ndikama ikpa-ukɔt Esie; Enye eyenim mbufo baptism ke Edisana Spirit ye ikaŋ.

ŊWED MBON COLOSSAE 1:17

Ndien Enye ebem kpukpru ŋkpɔ iso odu, kpukpru ŋkpɔ enyuŋ ekpaha ediana ke Enye.

JOHN 17:5

Ndien ke emi, Ete, da ubɔŋ, eke ŋkenyenede ye Afo ndien ererimbot edidu, nɔ Mi.

LUKE 3:16

John ɔbɔrɔ mmɔ kpukpru ete, Ami nda mmɔŋ nnim mbufo baptism; edi Enye emi enyenede odudu akan mi ɔmɔŋ edi, emi mmendotke nditat ikpaukot Esie: Enye eyenim mbufo baptism ke Edisana Spirit ye ikaŋ.

MICAH 5:2

Ndien afo Beth-lehem Ephrathah, emekpri ke otu mme tɔsin Judah, edi owo eyeto fi ke esit ɔnɔ mi, eke edidide andikara ke Israel; enye emi eriwɔrɔ esie okodude tutuko, kpa ke eyo eset.

JOHN 8:58

Jesus ɔbɔrɔ mmɔ ete, Ke akpanikɔ ke ndɔhɔ mbufo nte, Ami ndudu ndien Abraham edimana.

ERIYARARE 2:8

Nyuŋ nɔ ŋwed esɔk angel ufɔk Abasi emi odude ke Smyrna, ete: Ntem ke Enye emi edide Mbemiso ye Akpatre, emi akakabarede akpa-mkpa, edi osuk odude uwem, ɔdɔhɔ ete,

MME HEBREW 13:8

Jesus Christ etie ukem-ukem, mkpɔŋ, ye mfin, ye ke nsinsi.

JOHN 1:27

edi Enye etiene mi ke edem, emi ami mmendotke nditat uruk ikpa-ukot Esie.

MARK 1:7

Ndien enye ɔkwɔrɔ ete, Enye emi enyenede odudu akan mi etiene mi ke edem edi, emi mmendotke ndinuhɔ ntat uruk ikpa-ukot Esie.

ERIYARARE 1:11

Wet se afo okutde sin ke ŋwed, nyuŋ nɔ esɔk mme ufɔk Abasi itiaba oro; nɔ esɔk Ephesus, ye Smyrna, ye Pergamum, ye Thyatira, ye Sardis, ye Philadelphia, ye Laodicea.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

MME ŊKE 8:22

Jehovah ekenyene mi ke akpa eritɔŋɔ usuŋ esie, ke enye mikainamke ŋkpɔ esie, ke ata eset.