JOHN 1:14 - Edisana ñwed Abasi Ibom

¹⁴ Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

JOHN 1:14 Referans Kwoze

1 JOHN 4:9

Abasi akada emi ayarare ima emi Enye amade nnyin, ke emi Enye okosiode edibon Eyen Esie kierakiet ɔdɔŋ ke ererimbot, kpaŋ nnyin ikpodu uwem oto ke Enye.

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

JOHN 1:1

IKƆ okodu ke eritɔŋɔ, IKƆ okonyuŋ odu ye Abasi, IKƆ onyuŋ edi Abasi.

ŊWED MBON GALATIA 4:4

edi ke adaŋemi ekemde uyɔhɔ ini, Abasi osio Eyen Esie ɔdɔŋ ŋwan aman Enye, Enye onyuŋ esine ke idak-ibet

ISAIAH 40:5

ndien ubɔŋ Jehovah eyeyarare, kpukpru owo ɔtɔ kiet eyenyuŋ ekut enye: koro uyo Jehovah ɔdɔhɔde.

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

JOHN 6:51

Ami ndi odu uwem uyo emi okotode ke heaven ɔsuhɔre: edieke owo ekededi adiade uyo emi, enye eyedu uwem ke nsinsi: ndien uyo emi ndinɔde edi obukidem Mi, man ererimbot odu uwem.

ŊWED MBON COLOSSAE 1:19

Koro ofuri uyɔhɔ Abasi onyime ndiduŋ enye ke idem,

1 ŊWED CORINTH 15:47

Akpa owo okoto isɔŋ, eke ntan-isɔŋ; udiana-akpa owo oto ke heaven.

ŊWED MBON ROME 8:3

Koro se ibet mikikemeke ndinam, ke emi obukidem esinde enye edi mmem-mmen, Abasi akanam; ke emi Enye osiode Eyen Esie ɔdɔŋ ke mbiet obukidem idiɔk-ŋkpɔ, onyuŋ adade Enye nte isop, anam ikpe obiom idiɔk-ŋkpɔ ke obukidem Esie:

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

ŊWED MME PSALM 2:7

Yak ntiŋ mbaŋa ewuhɔ: Jehovah ɔmɔdɔhɔ mi, ete, Afo edi eyen mi ami mmobon fi mfin emi.

1 JOHN 4:14

Ndien nnyin ima ikut, inyuŋ idi ntiense, ite, Ete ɔkɔdɔŋ Eyen Esie edidi Andinyaŋa ererimbot.

ŊWED MBON COLOSSAE 2:9

Koro ofuri Uyɔhɔ Abasi ke ododuŋ Enye ke idem; mbufo enyuŋ enyene uyɔhɔ mbufo ke Enye;

2 JOHN 1:7

Koro ediwak mbon abiaŋa ema ewɔŋɔ ekeduk ke ererimbot, kpa mmɔ emi minyimeke ite, Jesus Christ ama edi ke obukidem. Utɔ owo oro edi owo abiaŋa ye andibiɔŋɔ Christ.

ISAIAH 53:2

Ndien enye okotibe nte nsehe ke iso esie, ye nte oruŋ eke otode edisat isɔŋ: enye inyeneke ubɔŋ, inyuŋ inyeneke uyai; ndien nnyin ise enye, edi inyeneke ŋwut-idem eke nnyin ikoyomde enye.

ERIYARARE 21:3

Ndien ŋkop ɔkpɔsɔŋ uyo nte otode ke ebekpo ɔwɔrɔ ete, Sese, ebiet iduŋ Abasi omodu ye owo. Enye eyenyuŋ oduŋ ye mmɔ; ndien mmɔ eyedi ikɔt Esie, Abasi ke Idem Esie eyenyuŋ odu ye mmɔ, onyuŋ edi Abasi mmɔ.

MME HEBREW 5:5

Kpasuk ntre Christ ikɔnɔŋɔ Idem Esie ubɔŋ iyom ite enim Imɔ nte Akwa Oku; edi Andinɔ Enye ubɔŋ oro edi Enye emi eketiŋde ɔnɔ Enye ete, Afo edi Eyen Mi, Mmobon Fi mfin emi.

MME HEBREW 10:5

Mmɔdo ke adaŋemi Enye odukde ke ererimbot, Enye ɔdɔhɔ ete, Afo umaŋa uwa ye enɔ, Afo emebeŋe ikpɔhidem ɔnɔ Mi;

JOHN 11:40

Jesus ete enye, Nte ŋkɔdɔhɔke fi nte, edieke onimde ke akpanikɔ, eyekut ubɔŋ Abasi?

JOHN 3:16

Koro Abasi akamama erimbot ntem, tutu Enye osio ikpɔŋ-ikpɔŋ Eyen emi Enye obonde ɔnɔ, man owo ekededi eke ɔbuɔtde idem ye Enye okutak, edi enyene nsinsi uwem.

JOHN 2:11

Jesus akanam akpa idiɔŋɔ emi ke Cana ke Galilee, ayarare ubɔŋ Esie; mbet Esie enyuŋ ebuɔt idem ye Enye.

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

MME HEBREW 1:5

Koro akananam Abasi ɔdɔhɔ angel ewe ete, Afo edi Eyen Mi Mmobon Fi mfin emi? Onyuŋ ɔdɔhɔ ete, Ami nyedi Ete Esie, Enye eyenyuŋ edi Eyen Mi?

JOHN 14:9

Jesus ete enye, Nte mmodu ye mbufo adaŋa anyan ini emi, ndien udiɔŋɔke Mi, Philip? Owo eke okokutde Mi okokut Ete; anam didie ndien ɔdɔhɔ ete, Wut nnyin Ete?

LUKE 9:32

Edi idap omum Peter ye mmɔ emi edude ye enye eti-eti: edi ke adaŋemi enyin etarade mmɔ, mmɔ ekut ubɔŋ Esie, ye owo iba oro edade ye Enye.

JOHN 17:22

Mmonyuŋ nyak ubɔŋ emi Afo ɔkɔnɔde Mi nnɔ mɔ; man mmɔ edi kiet, kpa nte nnyin idide kiet;

JOHN 3:18

Owo eke ɔbuɔtde idem ye Enye ikaha ikpe; ema ekekpe ikpe owo eke mibuɔtke idem ye Enye ema, koro enye mibuɔtke idem ke enyiŋ Edibon Eyen Abasi kierakiet.

LUKE 2:11

koro Andinyaŋa, emi edide Christ Ɔbɔŋ, amana ɔnɔ mbufo mfin ke obio David.

ŊWED MME PSALM 45:2

Afo emeye akan nditɔ owo: emeŋwaŋa uyai esin fi ke mkpɔk-inua: mmɔdo Abasi ɔmɔdiɔŋ fi ke nsinsi.

MME HEBREW 2:11

Koro Andinam owo esana, ye mmɔ emi Enye anamde esana eto kiet: ntre ke inamke Jesus but ndikot mmɔ nditɔ-ete,

2 ŊWED CORINTH 12:9

Edi Enye ete mi, Mfɔn mi ke ekekem fi; koro enamde odudu Mi ɔfɔn ama ke mmem-idem. Ntre ke adat mi esit eti-eti ndinam mbure ke mmem-idem mi, man odudu Christ odoro ofuk mi.

MATTHEW 1:16

Jacob onyuŋ obon Joseph ebe Mary, emi amande Jesus, emi ekerede Christ.

ŊWED MBON COLOSSAE 2:3

emi ofuri inyene ɔniɔŋ ye ifiɔk edibede enye ke idem.

ŊWED MBON EPHESUS 3:8

Ekenɔ mi, emi ŋkpride ŋkan ata andikpri ŋkan ke otu ikɔt Abasi, ufɔn emi, ete ŋkwɔrɔ nnɔ mme Gentile uwak inyene Christ, eke owo mikemeke ndiduŋɔre mma:

ŊWED MBON ROME 9:5

Christ okonyuŋ oto ke otu mmɔ ke obukidem Esie: Enye edi Andikara kpukpru ŋkpɔ, Abasi, emi enyenede itoro ke nsinsi. Amen.

LUKE 2:7

Ndien enye aman akpan esie; onyuŋ ada ɔfɔŋ awaŋ Enye ke idem, onyuŋ onim Enye ke usin-udia ufene; koro itie miduhe inɔ mmɔ ke ufɔk-isen-owo.

UTOM MME APOSTLE 13:33

Abasi ama anam uŋwɔŋɔ oro osu ɔnɔ nditɔ nnyin, ke emi Enye anamde Jesus eset; nte emi enyuŋ ewetde ke udiana psalm, ete, Afo edi Eyen mi; mmobon Fi mfin emi.

ŊWED MME PSALM 85:9

Erinyaŋa esie emekpere mmɔ eke ebakde enye ikpɔŋ-ikpɔŋ, man ubɔŋ oduŋ ke edem nnyin.

EZEKIEL 37:27

Iduŋ mi eyenyuŋ odu ye mmɔ: ndien ami nyedi Abasi mmɔ, mmɔ eyenyuŋ edi ikɔt mi.

JOHN 8:32

ndien mbufo eyefiɔk akpanikɔ, akpanikɔ eyenyuŋ anam mbufo ewɔrɔ ufin.

JOHN 17:24

Ete, mmoyom nte mmɔ emi Afo ɔkɔnɔde Mi edidu ye ami ke ebiet eke ndude; man mmɔ ekut ubɔŋ Mi emi Afo ɔkɔnɔde Mi: koro Afo akamama Mi, ndien ediwuk adaha ererimbot.

JOHN 18:37

Ntem Pilate obup Enye ete, Nte Afo edi edidem naŋa? Jesus ɔbɔrɔ ete, Omotim etiŋ ete ndi Edidem. Nkamana kabaŋa ntak emi, ŋkonyuŋ nduk ke ererimbot kabaŋa ŋkpɔ emi, man ndi ntiense nnɔ akpanikɔ. Kpukpru mmɔ eke edide eke akpanikɔ, ekop uyo Mi.

ERIYARARE 19:13

Enye onyuŋ esine ɔfɔŋidem emi ekedebide ke iyip: enyiŋ Esie onyuŋ ekere IKƆ ABASI.