JOHN 1:10 - Edisana ñwed Abasi Ibom

¹⁰ Enye okodu ke ererimbot, enyuŋ enam ererimbot oto ke Enye, ndien ererimbot idiɔŋɔke Enye.

JOHN 1:10 Referans Kwoze

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

1 JOHN 3:1

ESE utɔ akwa ima emi Ete ɔkɔnɔde nnyin, ete nnyin ikpekere nditɔ Abasi: ndien oro ke nnyin inyuŋ idi. Ke ntak emi ererimbot ifiɔkke nnyin, koro mikɔfiɔkke Enye.

1 ŊWED CORINTH 2:8

Edi mme andikara eyo emi baba kiet ikenyeneke ifiɔk emi: koro edieke mmɔ ekpe-nyenede, mmɔ ikpowotke Edidem Ubɔŋ ke cross;

1 ŊWED CORINTH 1:21

Sia Abasi okonimde ke ɔniɔŋ Esie, ete ererimbot ekuda eti ibuot eke mmɔ efiɔk Imɔ, ɔfɔn Abasi ke enyin ndida ukwɔrɔ-ikɔ, emi owo esede ke ndisime, nnyaŋa mmɔ emi enimde ke akpanikɔ.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

MME HEBREW 11:3

Oto mbuɔtidem nnyin inim ite, ekeda ikɔ-inua Abasi ebot ererimbot; ntem ke ikadaha mme ŋkpɔ eke ewɔrɔde ewut idem ibot se ekutde ke emi.

JOHN 1:18

Akanam baba owo kiet ikwe Abasi; ikpoŋ-ikpɔŋ Eyen emi Abasi obonde, emi odude ke ikpanesit Ete, kpa Enye amayarare Abasi.

JOHN 1:5

Ndien uŋwana oro ayama ke ekim; ekim inyuŋ ikanke enye.

UTOM MME APOSTLE 14:17

Edi Enye iyakke ŋkpɔ-ntiense anana ɔnɔ Enye, ke emi Enye ɔfɔnde ido, onyuŋ ɔnɔde mbufo edim heaven ye ini eduek, onyuŋ ɔnɔde mbufo udia, anam esit mbufo ɔyɔhɔ ye idaresit.

JOHN 5:17

Edi Jesus ɔbɔrɔ mmɔ ete, Ete Mi ke ananam utom tutu osim emi,

GENESIS 16:13

Ndien enye okot enyiŋ Jehovah emi ɔdɔhɔde ye enye, ete, Afo edi Abasi erikut: koro enye ɔdɔhɔde ete. Nte nsuk ndu uwem ke mma ŋkokut?

GENESIS 18:33

Ndien enye ɔdɔhɔ, ete, Ndibiatke mbaŋa duop. Ndien Jehovah ɔnyɔŋ, ke adaŋoro ama ɔkɔdɔhɔ ye Abraham ama: Abraham onyuŋ afiak aka ke ebiet esiemɔ.

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

ISAIAH 53:3

Owo ese enye ke ndek, enyuŋ esin enye; enye edi owo ukut, onyuŋ emehe ke mfuhɔ; onyuŋ etie nte owo eke odipde nnyin iso; esin enye ke ndek, nnyin inyuŋ ibatke enye ke owo.

JOHN 1:3

Oto ke Enye ekenam kpukpru ŋkpɔ; ndien mitoho ke Enye, inamke ŋkpɔ baba kiet eke ekenamde.

JOHN 1:11

Enye ekedi ke ebiet Esiemɔ, edi mmɔ emi edide iman Esiemɔ idarake Enye.

1 ŊWED CORINTH 8:6

Nnyin imenyene Abasi kiet kpɔt, emi edide Ete, emi kpukpru ŋkpɔ etode Enye ewɔŋɔ, emi nnyin inyuŋ idude uwem inɔ Enye: imonyuŋ inyene Ɔbɔŋ kiet, kpa Jesus Christ, emi otode Enye ke kpukpru ŋkpɔ edu, onyuŋ otode Enye ke nnyin idu.

ŊWED MBON COLOSSAE 1:16

Koro ke Enye ke ekebot kpukpru ŋkpɔ ke enyɔŋ ye ke isɔŋ, se enyin owo okutde ye se enyin owo mikwe, mme mmɔ edide ndidem, mme edide mbɔŋ, mme edide mme andikara, mme edide mme ada-idaha; ekebot kpukpru ŋkpɔ oto ke Enye, enyuŋ ebot kpukpru ŋkpɔ enɔ Enye.