JOHN 1:1 - Edisana ñwed Abasi Ibom

¹ IKƆ okodu ke eritɔŋɔ, IKƆ okonyuŋ odu ye Abasi, IKƆ onyuŋ edi Abasi.

JOHN 1:1 Referans Kwoze

GENESIS 1:1

KE eritɔŋɔ Abasi okobot enyɔŋ ye isɔŋ.

JOHN 17:5

Ndien ke emi, Ete, da ubɔŋ, eke ŋkenyenede ye Afo ndien ererimbot edidu, nɔ Mi.

ERIYARARE 19:13

Enye onyuŋ esine ɔfɔŋidem emi ekedebide ke iyip: enyiŋ Esie onyuŋ ekere IKƆ ABASI.

ŊWED MBON COLOSSAE 1:17

Ndien Enye ebem kpukpru ŋkpɔ iso odu, kpukpru ŋkpɔ enyuŋ ekpaha ediana ke Enye.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

ERIYARARE 22:13

Ami ndi Alpha ye Omega, mbemiso ye akpatre, ntɔŋɔ ye utit.

JOHN 1:2

Kpa Enye okodu ye Abasi ke eritɔŋɔ.

ERIYARARE 1:8

Ami ndi Alpha ye Omega; ntem ke Jehovah Abasi, emi odude-du, okonyuŋ odude-du, edinyuŋ edide, Andikara kpukpru ŋkpɔ, ɔdɔhɔ.

ŊWED MBON PHILIPPI 2:6

Okposuk edi nte enye ekedide mbiet Abasi, Enye ikabatke ndida ŋka-ŋka ye Abasi ke ŋkpɔ eke okpomumde akama:

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

MATTHEW 1:23

Sese, eyenɔwɔŋ aŋwan eyeyomo, onyuŋ aman eyeneren; Enyeyuŋ esio enye enyiŋ Immanuel, oro ɔwɔrɔ ete, Abasi ke ododu ye nnyin.

ERIYARARE 21:6

Enye ɔdɔhɔ mi ŋko ete, Kpukpru ŋkpɔ ema esu ema. Ami ndi Alpha ye Omega, ntɔŋɔ ye utit. Owo eke okopde nsat-itɔŋ, Ami nyekoi mmɔŋ ke idim mmɔŋ uwem nnɔ enye ɔŋwɔŋ ke ikpikpu.

MME HEBREW 13:8

Jesus Christ etie ukem-ukem, mkpɔŋ, ye mfin, ye ke nsinsi.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

JOHN 16:28

Ŋkoto ke ɔtɔ Ete ndi ke ererimbot; nnyuŋ mmɔŋ ŋkpɔŋ ererimbot nnyɔŋ ntiene Ete.

ERIYARARE 1:17

Ndien ke adaŋemi ŋkutde Enye, nduɔ Enye ke ukot nte akpa-mkpa. Ndien Enye odori mi ubɔk nnasia Esie ke idem, ete, Kufehe;

JOHN 20:28

Thomas ɔbɔrɔ Enye ete, Ɔbɔŋ mi ye Abasi mi.

TITUS 2:13

inyuŋ itie ibet eti idori-enyin ye eriyarare Ubɔŋ Akwa Abasi ye Andinyaŋa nnyin Christ Jesus;

MME HEBREW 7:3

Edidem emem; enye inyeneke ete, inyuŋ inyeneke eka, inyuŋ inyeneke oruk iman, inyuŋ inyeneke eritɔŋɔ eyo uwem ye utit uwem, edi enam enye ebiet Eyen Abasi) - osuk ada oku ke nsinsi.

ERIYARARE 3:14

Nyuŋ nɔ ŋwed esɔk angel ufɔk Abasi emi odude ke Laodicea, ete: Ntem ke Enye, emi edide Amen, ata ntiense akpanikɔ, ebe-iso ke kpukpru se Abasi obotde, ɔdɔhɔ ete,

ŊWED MBON EPHESUS 3:9

nnyuŋ nnam aŋwaŋa kpukpru owo enyin nte Abasi akadade ayarare ndibe-ŋkpɔ Esie, emi ɔtɔŋɔde mme eyo odibe ke Abasi, emi edide Andibot kpukpru ŋkpɔ:

ERIYARARE 1:2

emi eketiede ntiense abaŋa ikɔ Abasi, ye ikɔ-ntiense eke Jesus Christ ɔnɔde, kpa kpukpru ŋkpɔ eke enye okokutde.

1 JOHN 5:7

Ndien Spirit etie ntiense, koro Spirit edide akpanikɔ.

ŊWED MBON ROME 9:5

Christ okonyuŋ oto ke otu mmɔ ke obukidem Esie: Enye edi Andikara kpukpru ŋkpɔ, Abasi, emi enyenede itoro ke nsinsi. Amen.

JOHN 1:18

Akanam baba owo kiet ikwe Abasi; ikpoŋ-ikpɔŋ Eyen emi Abasi obonde, emi odude ke ikpanesit Ete, kpa Enye amayarare Abasi.

ŊWED MME PSALM 45:6

O Abasi, ebekpo fo odu ke nsinsi: mmɔnyɔ edinen ido edi mmɔnyɔ ubɔŋ fo.

ERIYARARE 2:8

Nyuŋ nɔ ŋwed esɔk angel ufɔk Abasi emi odude ke Smyrna, ete: Ntem ke Enye emi edide Mbemiso ye Akpatre, emi akakabarede akpa-mkpa, edi osuk odude uwem, ɔdɔhɔ ete,

2 PETER 1:1

SIMON PETER, emi edide owo ye apostle Jesus Christ, ewet ŋwed emi ɔnɔ esɔk mmɔ emi ekɔbɔde utɔ ɔsɔŋ-urua mbuɔtidem eke ebietde eke nnyin, ke edinen ido Abasi nnyin ye Andinyaŋa Jesus Christ.

ERIYARARE 1:11

Wet se afo okutde sin ke ŋwed, nyuŋ nɔ esɔk mme ufɔk Abasi itiaba oro; nɔ esɔk Ephesus, ye Smyrna, ye Pergamum, ye Thyatira, ye Sardis, ye Philadelphia, ye Laodicea.

LUKE 24:53

mmɔ enyuŋ edu ke temple kpukpru ini, enɔ Abasi itoro.

JOHN 8:58

Jesus ɔbɔrɔ mmɔ ete, Ke akpanikɔ ke ndɔhɔ mbufo nte, Ami ndudu ndien Abraham edimana.

ŊWED MBON COLOSSAE 1:15

Enye edi mbiet Abasi emi enyin owo mikwe; Abasi okobon Enye ete edi Akpan, ndien edibot ofuri ererimbot.