JOEL 3:7 - Edisana ñwed Abasi Ibom

⁷ Sese, nyedemere mmɔ ke ebiet emi mbufo ekenyamde mmɔ do mfep, nnyuŋ nda usiene mbufo ndori mbufo ke ibuot:

JOEL 3:7 Referans Kwoze

JEREMIAH 23:8

edi eyedɔhɔ ete, Ma uwem Jehovah emi okosiode ubon ufɔk Israel efep ke isɔŋ edere, ye ke kpukpru mme idut eke ŋkebinde mmɔ nsin do, ada ɔdɔk; ndien mmɔ eyeduŋ ke isɔŋ mmɔ.

2 ŊWED THESSALONICA 1:6

Edieke enende Abasi ke enyin ndida ukut nsio usiene nnɔ mmɔ emi esinde mbufo ekut ukut,

JEREMIAH 30:16

Mmɔdo eyedia kpukpru mmɔ eke ediade fi; kpukpru mme asua fo, kpukpru mmɔ eyeka ke otu mbon ntaŋ-mfep; ndien mmɔ eke ebumede fi eyedi se edibumede: nyenyuŋ nda mmɔ eke ewode fi nnim ke se ewode.

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

ERIYARARE 19:2

koro mme ikpe Esie edi ata akpanikɔ enyuŋ enen; koro Enye ama ebiere ikpe akwa akpara, emi akadade use esie abiat isɔŋ, Enye onyuŋ ada usiene iyip ikɔt Esie odori enye ke ibuot.

ERIYARARE 16:6

koro owo ema eduɔk iyip nti ikɔt Fo ye mme prophet Fo; ndien Afo omonyuŋ ɔnɔ mmɔ iyip eŋwɔŋ: mmɔ edot ufen emi.

ERIYARARE 13:10

Edieke ekenimde enɔ owo ndidi ibuot-ekɔŋ, enye eyedi ibuot-ekɔŋ; edieke owo owotde owo ke ofut, eyeda ofut ewot enye. Edi mi ke ime ye mbuɔtidem ikɔt Abasi ewut idem.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.

MATTHEW 7:2

Koro nte mbufo esioŋode owo ndo, kpa ntre ke edisioŋo mbufo ndo. Ndien udomo eke mbufo edade edomo, ke edida edomo enɔ mbufo.

JOEL 3:4

Ndien ŋko mbufo esaŋa nso ŋkpɔ ye ami Tyre, ye Zidon, ye ofuri edem Philistia? Nte mbufo esio usiene ye ami? Ndien edieke mbufo esiode usiene ye ami, nyesɔp nda usiene mbufo iwiwa ndori mbufo ke ibuot.

EZEKIEL 38:8

Ke ediwak usen ema ebe eyenim fi ke etubom: ke utit mme isua oro afo eyesim idut emi ekesiode enye efep ke ubɔk ofut efiak edi, emi eketaŋde ke ediwak mme idut ebon, ke enyɔŋ obot Israel, emi ekedide nditaha kpukpru ini: edi esioŋo mmɔ ke mme idut efep, kpukpru mmɔ enyuŋ eduŋ ke ifure.

EZEKIEL 36:24

Nyenyuŋ mmen mbufo mfep ke mme idut, nnyuŋ ntaŋ mbufo ke kpukpru mme obio; ndien nda mbufo ndi ke isɔŋ mbufo

JEREMIAH 32:37

sese, ami nyetaŋ mmɔ ke kpukpru mme idut emi ŋkebinde mmɔ nsin do, ke iyaresit mi, ye ke ifuresit mi, ye ke akwa ikpahesit, mbon; ndien nda mmɔ mfiak ke ɔtɔ emi, nnyuŋ nyak mmɔ eduŋ ke ifure.

JEREMIAH 31:8

Sese, ami nyeda mmɔ ke edem edere ndi, nnyuŋ ntaŋ mmɔ ke ŋkaŋ ererimbot mbon, nnan, ye mbuŋɔ, ye oyomo idibi, ye aŋwan uman ɔtɔ kiet: akwa udim eyefiak edi ken.

ISAIAH 49:12

Sese, mme mmɔ emi eyeto ke anyan idut edi: sese, mmɔ emi ŋko eto ke edem edere, ye ke edem inyaŋ; mme mmɔ emi ŋko enyuŋ eto ke idut Sinim.

ISAIAH 11:12

Ndien enye eyemenere banner ke enyɔŋ ɔnɔ mme idut, onyuŋ obon nditɔ Israel emi ekebinde efep, ndien nditɔ Jacob emi esuanade ke enye editaŋ ke edem isɔŋ mbinaŋ.

ESTHER 7:10

Ntre ke mmɔ eyiri Haman ke eto oro enye ekebemde onim ɔnɔ Mordecai. Ndien ikpahesit edidem ɔsuhɔ.

1 SAMUEL 15:33

Ndien Samuel ɔdɔhɔ ete, Kpa nte ofut fo ama ɔkɔbɔ iban nditɔ, kpa ntre ŋko ke uka edinana eyen akan iban. Ndien Samuel okpok Agag mbio-mbio ke iso Jehovah ke Gilgal.

JUDGES 1:7

Ndien Adoni-bezek ɔdɔhɔ, ete, Ndidem ata ye duop, emi ekekpokde mmɔ obodom nnuenubɔk ye obodom nnuenukot etetaŋ ŋkpɔ ke idak okpokoro mi: kpa nte ŋkanamde, kpa ntre ke Abasi onyuŋ anam mi usiene. Ndien mmɔ eda enye edi ke Jerusalem, ndien enye akpa do.

ISAIAH 66:6

Uyom ndutime oto ke obio! uyo oto ke temple! uyo Jehovah emi osiode usiene ye mme asua esie.

ZECHARIAH 9:13

Koro ndudide Judah ke idem mi nda Ephraim nsin ke utiga, nnyuŋ ndemere nditɔ fo, O Zion, nte eŋwana ye nditɔ fo, O Greece, nnyuŋ nnim fi ke ofut owo uko.