JOEL 3:4 - Edisana ñwed Abasi Ibom

⁴ Ndien ŋko mbufo esaŋa nso ŋkpɔ ye ami Tyre, ye Zidon, ye ofuri edem Philistia? Nte mbufo esio usiene ye ami? Ndien edieke mbufo esiode usiene ye ami, nyesɔp nda usiene mbufo iwiwa ndori mbufo ke ibuot.

JOEL 3:4 Referans Kwoze

JEREMIAH 47:4

kabaŋa usen eke edide ndisobo kpukpru mme Philistine, nnyuŋ nsibe kpukpru mme andiŋwam eke esukhɔde ke Tyre ye Zidon mfep: koro Jehovah mmɔŋ osobo mme Philistine, kpa nditɔ isuo Caphtor emi esuhɔde.

ISAIAH 59:18

Kpa nte ido mmɔ asaŋade, kpa ntre ke enye edinɔ, ɔnɔ mme usua esie iyat esit, ɔnɔ mmɔ eke etɔhɔde ye enye se mmɔ edotde; eyenɔ mme isuo se mmɔ edotde.

ISAIAH 34:8

Koro Jehovah onimde usen usiene, onim isua utip abaŋa ikɔ Zion.

2 ŊWED THESSALONICA 1:6

Edieke enende Abasi ke enyin ndida ukut nsio usiene nnɔ mmɔ emi esinde mbufo ekut ukut,

UTOM MME APOSTLE 9:4

ndien enye ɔduɔ ke isɔŋ, onyuŋ okop uyo nte ɔdɔhɔde ete, Saul, Saul, nsinam afo ɔkɔbɔde Mi?

LUKE 18:7

Nte Abasi idinyuŋ isioho usiene inɔ ndimek ikɔt Esie, emi esemede enɔ Enye uwem-eyo ye okoneyo, okposuk edi nte Enye emede anyan ime ke ikɔ mmɔ?

MATTHEW 11:21

Eyedɔdiɔk ɔnɔ fi Chorazin! Eyedɔdiɔk ɔnɔ fi Bethsaida! Koro edieke ekpekenamde ke Tyre ye Sidon mme utom odudu eke ekanamde ke esit mbufo, mmɔ ekpakabare esit anyan ini ke ɔfɔŋ-ikpo ye ntɔŋ-ukut.

JEREMIAH 51:6

Mbufo eto ke ufɔk Babylon efeŋe, enyuŋ ebɔhɔ kiet kiet ke uwem mbufo: mbufo ekutak ke idiɔk ido esie; koro ini usiene Jehovah edi emi; Enye eyenɔ enye utip.

2 CHRONICLES 21:16

Ndien Jehovah edemere esit mme Philistine, ye eke mme Arabian, emi ekperede mme Ethiopian, ɔnɔ Jehoram:

JUDGES 11:12

Ekem Jephthah ɔdɔŋ mme isuŋ-utom ke ɔtɔ edidem nditɔ Ammon, ete, Mmenyene nso ikɔ ye afo, emi afo edide ndiŋwana ekɔŋ ye ami ke isɔŋ mi?

DEUTERONOMY 32:35

Ufen ye usiene edi okim; ukot mmɔ eyefiɔnɔde ke ekem ini: koro usen nditaha mmɔ emekpere, ndien se ibeŋede mmɔ ke ɔnyuŋ ɔsɔp itɔk edi.

MATTHEW 11:22

Edi ndɔhɔ mbufo nte, Ŋkpɔ eyefɔn ye Tyre ye sidon ke usen ikpe akan ye mbufo.

LUKE 10:13

Eyedɔdiɔk ɔnɔ fi Chorazin! eyedɔdiɔk ɔnɔ fi Bethsaida! koro edieke ekpanamde ke Tyre ye sidon utom odudu emi ekanamde ke esit mbufo, mmɔ ekpakabare esit anyan ini esine ɔfɔŋ-ikpo, enyuŋ etie ke ntɔŋ.

LUKE 10:14

Edi ŋkpɔ eyefɔn ye Tyre ye Sidon ke ikpe akan ye mbufo.

ISAIAH 14:29

O Philistia, kudat esit baba, koro eto oro akamiade fi ɔbuŋɔde: koro ibɔm eyewɔrɔ ke oruŋ uruk-ikɔt, ndien mfri esie eyedi edisak urukikɔt eke efede.

JEREMIAH 47:1

UYO Jehovah emi okosim Jeremiah prophet abaŋa mme Philistine, ke Pharaoh mika isuanke Gaza.

JOEL 2:2

kpa ata ɔkpɔsɔŋ ekim, usen obubit enyɔŋ, kpa ata idiɔk enyɔŋ eti-eti: ebiet usiere eke asuanade ke ikpɔ obot: idut emi awakde, onyuŋ ɔsɔŋɔde; oruk oro akananam iduhe totoko idinyuŋ itieneke enye idi, tutu osim isua ediwak emana.

JOEL 2:10

Isɔŋ enyek ke iso mmɔ; enyɔŋ onyuŋ etimere: utin ye ɔfiɔŋ ebire, ntantafiɔŋ enyuŋ enimi uyama mmɔ.