JOEL 2:23 - Edisana ñwed Abasi Ibom

²³ Mbufo nditɔ Zion ebre ndien mbre, enyuŋ edara Jehovah Abasi mbufo; koro enye ɔnɔde mbufo akpa edim nte enende, onyuŋ anam akpa edim ye akpatre edep ɔnɔ mbufo, kpa nte eke akpa.

JOEL 2:23 Referans Kwoze

ŊWED MBON PHILIPPI 4:4

Edat esit ke Ɔbɔŋ kpukpru ini; nyetɔŋɔ ntak ndɔhɔ, Edat esit.

LEVITICUS 26:4

ndien nyenɔ mbufo edim ke ekem ini, isɔŋ eyenyuŋ oduk ekese, mme eto iŋwaŋ eyenyuŋ esioŋo mfri mmɔ.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

DEUTERONOMY 11:14

ndien nyenɔ edim isɔŋ mbufo ke ekem ini, akpa edim ye ekpere-edem, man afo obon ibokpot fo, ye obufa wine fo, ye aran fo.

ISAIAH 41:16

Afo eyesak mmɔ, ndien ofum eyemen mmɔ efep, idio eyenyuŋ asuan mmɔ: ndien afo eyedara Jehovah, onyuŋ obure mbure ke Edisana Abasi Israel.

ŊWED MME PSALM 149:2

Yak Israel adat esit abaŋa andibot enye: yak nditɔ Zion ebre ebaŋa edidem mmɔ.

ŊWED MBON PHILIPPI 3:1

NTE ukperedem ikɔ, nditɔ-ete mi, edat esit ke Ɔbɔŋ. Ndiwet kpa ŋkpɔ oro nnɔ esɔk mbufo ifekke mi, edi ɔfɔn ye mbufo.

ZECHARIAH 10:1

MBUFO ebeŋe Jehovah edim ke ini akpatre edim: Jehovah anam mineŋ-mineŋ, ndien enye eyeda ɔkpɔsɔŋ edim ɔnɔ mmɔ, ɔnɔ kpukpru owo mbiet iŋwaŋ.

ŊWED MME PSALM 28:7

Jehovah edi odudu mi, ye otu-ekɔŋ mi; esit mi ebere enye, ndien enye eyenyaŋa mi: esit mi onyuŋ adara; ndien nyeda ikwɔ mi ntoro enye.

ISAIAH 30:23

Ndien enye eyeda edim ɔnɔ mkpasip fo emi afo adade ɔtɔ ke iŋwaŋ; ye udia eke iŋwaŋ oŋwumde, enye eyenyuŋ esehe onyuŋ awak. Ufene fo eyedia udia ke akwa ebiet mbiet ke usen oro:

DEUTERONOMY 32:2

Item mi eyedep nte edim, uyo mi eyetɔi nte mbara, nte asak-asak edim ke mbiet, ye nte ɔkpɔsɔŋ edim ke ikɔŋ.

DEUTERONOMY 28:12

Jehovah eyesio usuŋ ebiet unim nti ŋkpɔ esie ɔnɔ fi, eke enyɔŋ, ndinɔ isɔŋ fo edim ke ekem ini, nnyuŋ ndiɔŋ kpukpru se ubɔk fo anamde: ndien afo eyenɔ ediwak mme idut ebuɔt, edi mmɔ idibuɔtke fi.

ŊWED MBON PHILIPPI 3:3

Koro nnyin idi mme ana mbobi, kpa nnyin emi ituakde ibuot inɔ Abasi ke Spirit, inyuŋ iburede mbure ke Christ Jesus minyuŋ iberike idem ke obukidem.

ZECHARIAH 10:7

Ndien Ephraim eyekabare ebiet owo uko, esit eyenyuŋ adat mmɔ nte ke wine; ndien nditɔ mmɔ eyekut enyuŋ edat esit; esit mmɔ eyedara Jehovah.

JEREMIAH 5:24

Mmɔ inyuŋ idɔhɔke ke esit mmɔ, ite, Mbɔk, eyak nnyin ibak Jehovah Abasi nnyin emi ɔnɔde edim, kpa mbemiso ye ukperedem edim ke ekem ini mmɔ: enye onim mme urua ukpeŋe eke ekedoride, ɔnɔ nnyin.

ŊWED MME PSALM 104:34

Ekikere mi eke abaŋade enye eyenem mi esit: ami nyedara Jehovah.

JEREMIAH 3:3

Mmɔdo ekekpande ukwɔ, ukperedem edim mikonyuŋ idige; ndien afo emenyene ɔkpɔ-iso akpara, unyimeke ndikut but.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ISAIAH 30:21

ndien utɔŋ fo eyekop uyo ke edem fo, ete, “Emi edi ɔkpɔ-usuŋ, mbufo esaŋa ke esit,” ke mbufo ediŋwɔŋɔrede eka nnasia, mme enyuŋ eka ufien.

MME ŊKE 16:15

Uwem odu ke uŋwana iso ɔbɔŋ: ndien ufɔn esie nte obubit enyɔŋ ekperedem edim.

ŊWED MME PSALM 32:11

Mbufo nti owo, edara Jehovah, enyuŋ ebre: yak kpukpru mbon esit kiet enyuŋ esio mkpo idara.

ŊWED JOB 33:23

Edieke isuŋutom odude ye enye, andisine-ke-ufɔt, kiet ke otu tɔsin, eke owutde owo eti ido esiemɔ:

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

AMOS 4:7

Ndien ŋko ami ŋkesin mbufo edim, ke ɔsuhɔde kaŋa ɔfiɔŋ ita nte ekpekemde ke ini ukpeŋe: ami nnyuŋ nnam edim edep ke obio kiet, edi nyakke edep ke obio eken: edim edep ke ubak kiet, ndien ubak eke midepke ke esit asat.

ŊWED ESEME 4:2

Ndiye nditɔ-iren Zion emi ekemde ye ata eti gold, anam didie ebat mmɔ nte abaŋ mbat eso eke ubɔk obot-eso anamde!

ZECHARIAH 9:13

Koro ndudide Judah ke idem mi nda Ephraim nsin ke utiga, nnyuŋ ndemere nditɔ fo, O Zion, nte eŋwana ye nditɔ fo, O Greece, nnyuŋ nnim fi ke ofut owo uko.

UTOM MME APOSTLE 14:17

Edi Enye iyakke ŋkpɔ-ntiense anana ɔnɔ Enye, ke emi Enye ɔfɔnde ido, onyuŋ ɔnɔde mbufo edim heaven ye ini eduek, onyuŋ ɔnɔde mbufo udia, anam esit mbufo ɔyɔhɔ ye idaresit.

ŊWED MME PSALM 84:6

Ke esaŋade ke itihere Mmɔŋeyet, enam enye obube mmɔŋ; (itihere) Moreh onyuŋ esine eti ŋkpɔ ke idem.

1 NDIDEM 8:36

afo tie ndien ke enyɔŋ kop, nyuŋ dahado ke mme idiɔk ido ifin fo, ye eke ikɔt fo Israel, adaŋemi afo etemede mmɔ eti usuŋ eke edisaŋade ke esit; nyuŋ nam edim edep ke isɔŋ fo, emi afo ɔkɔnɔde ikɔt fo ke udeme.

ŊWED JOB 37:13

Enye anam enye edi, edide ke ufen, onyuŋ edide abaŋa isɔŋ esiemɔ, onyuŋ edide ke ima.

ŊWED MME PSALM 147:8

emi adade obubit enyɔŋ ofuk ikpa-enyɔŋ, emi ɔkɔde edim ɔnɔ isɔŋ, emi anamde obot etibe mbiet.

EZEKIEL 34:26

Ndien nyenam mmɔ ye akamba obot mi emi akande okuk, edi se idiɔŋde (owo): nyenyuŋ nnam edim edep ke ekem ini esie; edim nti ŋkpɔ eyedu.