JOEL 1:2 - Edisana ñwed Abasi Ibom

² Mbufo mbiowo ekop uyo mi, mbufo kpukpru mme andiduŋ isɔŋ ekpaŋ utɔŋ ŋko-ŋko. Nte oruk ŋkpɔ nte emi okodu ke eyo mbufo, ye ke eyo mme ete mbufo?

JOEL 1:2 Referans Kwoze

JOEL 2:2

kpa ata ɔkpɔsɔŋ ekim, usen obubit enyɔŋ, kpa ata idiɔk enyɔŋ eti-eti: ebiet usiere eke asuanade ke ikpɔ obot: idut emi awakde, onyuŋ ɔsɔŋɔde; oruk oro akananam iduhe totoko idinyuŋ itieneke enye idi, tutu osim isua ediwak emana.

HOSEA 5:1

MBUFO mme oku ekop ikɔ emi; ufɔk Israel, mbufo enyuŋ etiŋ enyin: ufɔk edidem, mbufo enyuŋ ekpaŋ utɔŋ: koro ikpe otipde mbufo, koro mbufo ekedide afia ke Mizpah, ye iyire emi ekɔbide ke Tabor.

JEREMIAH 30:7

Mbɔm, mbɔm, koro usen oro okponde! ndien baba kiet eke ebietde enye inyuŋ iduhe: enye onyuŋ edi ini ukut Jacob; edi eyenyaŋa enye esio ke esit.

ŊWED JOB 8:8

Kam bup, ndien, emana oko, nyuŋ nim ibuot ke se mme ete mmɔ ekeyararede:

MATTHEW 24:21

koro ke ini oro akwa ukut eyedu, oruk eke akanam miduhe toto ke eritɔŋɔ ererimbot tutu osim emi, eke midinyuŋ iduhe aba.

MATTHEW 13:9

Owo eke enyenede utɔŋ, yak okop.

MICAH 3:9

Mbɔk, mbufo mme etubom ufɔk Jacob, ye mbɔŋ ufɔk Israel, ekop uyo emi, mbufo emi item etekde mbufo esit, mbufo enyuŋ ekwaŋa kpukpru se inende.

MICAH 3:1

NDIEN ami ndɔhɔ, nte, Mbɔk mbufo mme etubom Jacob, ye mbon ufɔk Israel, ekop; nte idotke mbufo ndifiɔk ikpe?

MICAH 1:2

Mbufo kpukpru owo ekop! O isɔŋ, ye se iyɔhɔde ke esit, mbufo ekpaŋ utɔŋ! ndien yak Ɔbɔŋ Jehovah edi ntiense abaŋa mbufo, kpa Ɔbɔŋ ke edisana temple esie.

AMOS 5:1

MBUFO ekop uyo emi ami mmende ntiŋ mbaŋa mbufo, kpa ikwɔ eseme, O ufɔk Israel.

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

AMOS 3:1

NDITƆ Israel, mbufo ekop uyo emi Jehovah ɔdɔhɔde abaŋa mbufo, abaŋa ofuri oruk owo oro ami ŋkosiode ke isɔŋ Egypt ndɔk, nte,

JOEL 1:14

Mbufo enim utre-udia: ekwɔrɔ usɔrɔ; ebon mbiowo, kpukpru mme andiduŋ isɔŋ, edi ufɔk Jehovah Abasi mbufo, enyuŋ eseme enɔ Jehovah.

HOSEA 4:1

MBUFO nditɔ Israel ekop uyo Jehovah: koro Jehovah ɔtɔhɔde utɔk ye mme andiduŋ isɔŋ, koro baba akpanikɔ ye ima ye ifiɔk Abasi miduhe ke isɔŋ.

DANIEL 12:1

NDIEN ke ini oro Michael akwa ɔbɔŋ emi adade abaŋa nditɔ oruk fo, eyedaha ada: ndien ini oro eyedi ini ukut emi oruk esie akanam miduhe toto nte idut okodu, tutu osim ini oro: ndien ke ini oro oruk fo eyebɔhɔ, kpukpru mmɔ emi ewetde esin ke ŋwed oro.

JEREMIAH 5:21

Mbufo, ndisime ye mbio unana-ibuot, ekop ikɔ emi; mmɔ enyene enyin, ndien ikwe; mmɔ enyene utɔŋ, ndien ikopke: Jehovah ɔdɔhɔ, ete,

ISAIAH 34:1

MBUFO mme idut edi edikop; mbufo mme obio enyuŋ ekpaŋ utɔŋ: yak ererimbot ye se iyɔhɔde ke esit ekop; ye isɔŋ ye se itibede ke esit.

ISAIAH 7:17

Jehovah eyeda oruk usen emi akananam midige toto ke usen oro Ephraim akadahade ɔkpɔŋ Judah, etiene fi, ye ikɔt fo, ye ufɔk usɔ, kpa edidem Assyria.

ŊWED MME PSALM 49:1

MBUFO kpukpru mme idut ekop ikɔ emi; kpukpru mme andiduŋ ererimbot,

ŊWED JOB 21:7

Mme idiɔk owo enam didie edu uwem, ekabare ŋkani, enyuŋ edobi ke inyene?

ŊWED JOB 15:10

Mbon iwat ye ŋkani iren, emi esɔŋde ekan usɔ, edu ke otu nnyin.

ŊWED JOB 12:12

Ifiɔk odu ye mbon iwat, anyan uwem onyuŋ edi eti ibuot.

ERIYARARE 2:7

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyenɔ enye ndidia mfri eto uwem, emi odude ke Paradise Abasi.