JOEL 1:12 - Edisana ñwed Abasi Ibom

¹² Vine amasat: eto fig ŋko etie meŋe-meŋe: pomegranate, ye eyop ŋko, ye apple, kpa kpukpru eto iŋwaŋ, emesat; koro idara asatde ke otu nditɔ owo.

JOEL 1:12 Referans Kwoze

ISAIAH 24:11

Eseme wine ke aŋwa; ofuri idaresit omokure, idara ererimbot amatak.

ISAIAH 16:10

Emenyuŋ esio idaresit ye mbre ke eti iŋwaŋ efep; ndien mmɔ idikwɔhɔ ikwɔ, idinyuŋ ifiorike, ke mme iŋwaŋ vine: andidigi ididigike aba wine ke itie udigi: ami nnam mkpo odop.

JOEL 1:16

Nte isibeke udia ke enyin nnyin ifep? Nte ifepke idaresit ye mbre ke ufɔk Abasi nnyin?

JOEL 1:10

Iŋwaŋ omosobo, isɔŋ eseme; koro ibokpot osobode: obufa wine amasat, aran etie meŋe-meŋe.

IKWƆ SOLOMON 2:3

Nte apple ke otu eto akai, kpa ntre ke ama mi etie ke otu mkparawa. Mmama nditie ke mfut esie, mfri esie onyuŋ eniŋe mi ke nsiŋ.

HAGGAI 2:19

Nte mkpasip odu kaŋa ke ebiet unim udia? Vine ŋko, ye eto fig, ye pomegranate, ye eto olive ika-iŋwumke kaŋa. Toto ke mfin emi nyediɔŋ mbufo.

JEREMIAH 48:33

Enyuŋ esioŋo idara ye mbre ke eti iŋwaŋ ye ke isɔŋ Moab efep; mma nnyuŋ nnam wine etre ke ebiet udigi: owo ididigike ye mkpo: mkpo ididige mkpo.

JEREMIAH 48:3

Uyo eseme oto ke Horonaim, mbume ye akwa ŋwure.

ISAIAH 9:3

Afo amanam idut ɔtɔt, amanam idaresit esie okpon: mmɔ edat esit ke iso fo, kpa nte edatde esit ke ini ukpeŋe, kpa nte ebrede ke ini mmɔ edemede mbume.

IKWƆ SOLOMON 4:13

Nsehe fo edi mbaha pomegranate, ye edinem mfri eto; ye mme cypress, ye mme nard;

ŊWED MME PSALM 92:12

Edinen owo eyesiaha nte eyop: onyuŋ ɔkɔri nte cedar ke Lebanon.

ŊWED MME PSALM 4:7

Afo esin mi idara ke esit akan ini eke ibokpot mmɔ ye wine mmɔ ewakde.

NUMBERS 13:23

Ekem mmɔ edisim ke itihere Eshcol, enyuŋ esibe ŋkɔk vine ye etuek grape kiet do, ndien owo iba esin ɔkɔŋ ebiom enye; mmɔ enyuŋ eda pomegranate ye fig enyɔŋɔ edi.

ISAIAH 24:7

Obufa wine ke atua, vine ke eyemere, kpukpru mbon idaresit emum.

JONAH 4:7

Ndien Abasi onim utuŋ kiet, ke ini eyo esierede mkpɔŋ, ndien enye ata eto oro, ndien eto asat.

MALACHI 3:11

Ndien nyeduat andita nnɔ mbufo, ndien enye idibiatke aba mbuŋwum iŋwaŋ mbufo: vine ke iŋwaŋ idinyuŋ iforoke ayara inɔ mbufo, Jehovah mme udim ɔdɔhɔ.