JEREMIAH 9:8 - Edisana ñwed Abasi Ibom

⁸ Edeme mmɔ edi idaŋ afai; enye ɔdɔhɔ nsu: owo eyeda inua-inua eneme ye mbɔhiduŋ esie ufan-ufan, ndien enye anam ŋkari esie ke esit esie.

JEREMIAH 9:8 Referans Kwoze

ŊWED MME PSALM 28:3

Kududi mi ufep ye mme idiɔk owo, ye mme anam idiɔk, emi edɔhɔde ikɔ emem ye mbɔhɔiduŋ mmɔ, ndien idiɔk-ŋkpɔ odude mmɔ ke esit.

JEREMIAH 9:3

Ndien mmɔ enuk utiga mmɔ, kpa edeme mmɔ etop nsu: idaha akpanikɔ inam uko ke isɔŋ; koro mmɔ edediɔŋ eka iso ke idiɔk ido, ndien ifiɔkke mi: ke edi Jehovah ɔdɔhɔ.

ŊWED MME PSALM 120:3

Enye edinɔ fi nso, edinyuŋ ada nso adian ye afo, O edeme abiaŋa?

ŊWED MME PSALM 57:4

Ukpɔŋ mi odu ke otu mme lion: nyena ke otu mmɔ eke esakde nte ikaŋ, kpa nditɔ owo emi edet mmɔ edide eduat ye idaŋ, ndien edeme mmɔ edi edisɔp ofut.

ŊWED MME PSALM 55:21

Inua esie emem akan mmɔŋ-eba, edi ekɔŋ odu enye ke esit: ikɔ esie edɔbɔ ekan aran, edi mmɔ edi ofut afai.

ŊWED MME PSALM 12:2

Mmɔ esu nsu enɔ mbɔhiduŋ mmɔ; eda nnem-inua ke esit iba etiŋ ikɔ.

2 SAMUEL 3:27

Ekem ke ini Abner afiakde okosim Hebron, Joab ada enye ɔkpɔnɔre ada ke inua-otop, ete idɔhɔ ikɔ suŋ-suŋ ye enye; ndien okim enye do ke idibi owot, abaŋa iyip Asahel eyen-eka esie.

JEREMIAH 9:5

Ndien kpukpru owo eyebiaŋa nsaŋa mmɔ, idinyuŋ idɔhɔke akpanikɔ: edeme mmɔ emehe ndisu nsu, enam idiɔk tutu idem emem mmɔ.

JEREMIAH 5:26

Koro mmɔ ekutde mme idiɔk owo ke otu ikɔt mi: owo odibe nte ata-ikɔt ɔnuhɔde; mmɔ ekɔk afia, emum owo.

ŊWED MME PSALM 64:8

Ndien emeduɔk mmɔ ke isɔŋ; edeme mmɔ omosim mmɔ; kpukpru owo eke ekutde mmɔ efeŋe.

ŊWED MME PSALM 35:20

Koro mmɔ mitiŋke ikɔ emem: edi ekere ikɔ nsu etuk suŋ-suŋ owo ke obio.

MME ŊKE 25:18

Owo eke ɔbɔrɔde ikɔ nsu abaŋa mbɔhiduŋ esie, edi hammer, ye ofut, ye edisɔp idaŋ:

JEREMIAH 9:4

Mbufo kpukpru ekpeme idem mbak nsaŋa mbufo, ekunyuŋ ebuɔt idem ye baba eyen-eka kiet: koro kpukpru nditɔ-eka eyekari ŋkari, kpukpru nsaŋa eyesaŋa mbiari.

MICAH 6:12

Koro afai ɔyɔhɔde mbɔŋ esie ke idem, mme andiduŋ enye enyuŋ esu nsu; edeme mmɔ onyuŋ abiaŋa ke inua mmɔ.

ŊWED MME PSALM 12:3

Jehovah eyekpok kpukpru mmɔ eke eyaŋde ke mkpɔk-inua, ye edeme eke ɔdɔhɔde ikpɔ ŋkpɔ.

ŊWED MME PSALM 62:5

O ukpɔŋ mi, dop nɔ Abasi ikpɔŋ-ikpɔŋ: koro idorienyin mi otode enye.

JEREMIAH 5:9

Jehovah ɔdɔhɔ, ete, Nte ndinɔŋɔ ufen mbaŋa ŋkpɔ emi? Nte ukpɔŋ mi idinyuŋ isioho usiene ye oruk idut emi?