JEREMIAH 9:21 - Edisana ñwed Abasi Ibom

²¹ Koro mkpa ɔdɔkde ke window nnyin, oduk ke ikpɔ ufɔk nnyin, ndisibe nditɔwɔŋ ke efak mfep ye mkparawa ke aŋwa obio.

JEREMIAH 9:21 Referans Kwoze

JEREMIAH 6:11

Ndien iyaresit Jehovah ɔyɔhɔ mi ke idem; idem emem mi ke mmum-ŋkama: nyeŋwaŋa enye ke idem eyenɔwɔŋ ke esien, ye ke otu mkparawa ini kiet: koro eyeda ebe ye ŋwan ŋko, ye mbiowo ye owo eke uwem ɔyuhɔde enye.

JEREMIAH 15:7

Ndien nyeda usak-ŋkpɔ nsak mmɔ ke inua-otop isɔŋ; mmɔbɔ ikɔt mi nditɔ mmɔ, nnyuŋ nsobo mmɔ, mmɔ ikabakede ikpɔŋ usuŋ mmɔ.

2 CHRONICLES 36:17

Ekem enye ada edidem mme Chaldean ɔdɔk etiene mmɔ, ndien enye owot mkparawa mmɔ ke ofut ke ufɔk edisana ebiet mmɔ, inyuŋ inyeneke mbɔm ye mkparawa, ye nditɔ-iban, ye akani-eren ye owo iwat: enye ada kpukpru esin enye ke ubɔk.

ISAIAH 40:30

Idem mkparawa eyekpa mba enyuŋ ekpɔt, nyara owo eyenyuŋ eduɔŋɔ:

JEREMIAH 6:21

Mmɔdo ntem ke Jehovah ɔdɔhɔ, ete, Sese, ami mmɔŋ nda ŋkpɔ ntuaha-nduɔ nnim nnɔ mbio emi, ndien mme ete ye nditɔ eyetuaha ke esit eduɔŋɔ ɔtɔ kiet, mbɔhiduŋ ye ufan esie eyetak.

JEREMIAH 18:21

Da ndien nditɔwɔŋ mmɔ nɔ biɔŋ, nyuŋ men mmɔ sin ke ubɔk ofut; yak iban mmɔ ekabare edi mme anana nditɔ, ye mme ebe-akpa; yak mkpa onyuŋ owot irenowo mmɔ; yak ofut onyuŋ ekpeŋe mkparawa mmɔ ke ekɔŋ.

JEREMIAH 44:7

Ndien kemi ntem ke Jehovah Abasi mme udim Abasi Israel ɔdɔhɔ, ete, Mbufo enam didie enam akamba idiɔk-ŋkpɔ etuk idem mbufo, ke esibe mbufo eren ye ŋwan, eyenɔwɔŋ ye eyen nsek efep ke Judah, ekusuhɔ baba nsuhɔ enɔ idem mbufo?

JEREMIAH 50:30

Mmɔdɔ mkparawa esie eyeduɔŋɔ ke aŋwa, kpukpru mbon ekɔŋ esie eyenyuŋ etak ke usen oro, Jehovah ɔdɔhɔ.

JOEL 2:9

Mmɔ eyɔrɔ ke obio; efeŋe ke enyɔŋ ibibene; edɔk ke ufɔk; eduk ke window nte inɔ.

AMOS 6:9

Ndien ama ekem, edieke owo duop esuhɔde ke ufɔk kiet, mmɔ ŋko eyekpaŋa.

JEREMIAH 7:33

Ndien ama ekem, mme okpo mbio emi eyekabare edi udia mme inuen enyɔŋ ye eke unam-isɔŋ; baba owo kiet eke ebinde mmɔ efep idinyuŋ iduhe.

JEREMIAH 8:2

enyuŋ esuan mmɔ enɔ utin ye ɔfiɔŋ, ye ofuri udim enyɔŋ, emi mmɔ emade, emi mmɔ enyuŋ enamde ŋkpɔ enɔ mmɔ, emi mmɔ enyuŋ etienede, enyuŋ ebupde mmɔ ŋkpɔ, enyuŋ etuakde ibuot enɔ mmɔ: iditaŋke mmɔ, idinyuŋ ibukke mmɔ ke isɔŋ; mmɔ eyekabare edi ifum ke iso isɔŋ.

AMOS 5:2

Adiaha Israel ɔmɔduɔ, idinyuŋ idahake aba ke enyɔŋ: eduɔk enye ke isɔŋ esie; baba owo kiet eke emenerede enye ke enyɔŋ iduhe.

ZEPHANIAH 1:17

Ndien nyeda ukut ntiene owo, ndien mmɔ eyesaŋa nte nnan, koro mmɔ eduede Jehovah: ndien eyeduɔk iyip mmɔ nte ntan, ye obukidem mmɔ nte ifuɔ.