JEREMIAH 9:15 - Edisana ñwed Abasi Ibom

¹⁵ mmɔdo ntem ke Jehovah mme udim, Abasi Israel ɔdɔhɔ, ete, Sese, ami nyenɔ mbio emi ndot-ndot ikɔŋ eta, nnyuŋ nnɔ mmɔ mmɔŋ etidot eŋwɔŋ.

JEREMIAH 9:15 Referans Kwoze

JEREMIAH 8:14

“Nsinam nnyin itiede? Mbufo esop idem, ndien nnyin iyeduk ke obio ibibene, inyuŋ itie do suŋ: koro Jehovah Abasi nnyin esinde nnyin ke ndobo, onyuŋ ɔnɔde nnyin mmɔŋ etidot iŋwɔŋ: koro nnyin inamde idiɔk ye Jehovah.

ŊWED ESEME 3:15

Enye ɔnɔ mi ndot-ndot ŋkpɔ nyuhɔ, onyuŋ anam mi ŋŋwɔŋ etidot ŋkpa.

ŊWED MME PSALM 80:5

Afo ɔnɔ mmɔ uyo mmɔŋeyet; onyuŋ odomo mmɔŋeyet ɔnɔ mmɔ eŋwɔŋ.

JEREMIAH 23:15

Mmɔdo ntem ke Jehovah mme udim ɔdɔhɔ abaŋa mme prophet, ete, Sese, mmɔŋ nnɔ mmɔ wormwood edia, nnyuŋ nnɔ mmɔ mmɔŋ etidot eŋwɔŋ: koro oburobut ido otode mme prophet Jerusalem osim ofuri isɔŋ.

ERIYARARE 8:11

Enyiŋ ntantafiɔŋ oro ekere Etidot. Ndien ubak mmɔŋ kiet ke itie ita akabare etidot, ediwak owo enyuŋ ekpaŋa oto ke mmɔŋ oro, koro enamde enye odoro.

ŊWED ESEME 3:19

Ti ukut mi ye ndutuhɔ mi, ndot-ndot ikɔŋ ye etidot.

JEREMIAH 25:15

Koro ntem ke Jehovah Abasi Israel ɔdɔhɔ mi, ete, Bɔ mi cup wine ifuresit emi ke ubɔk, nyuŋ da enye nɔ kpukpru mme idut oro ami ŋkɔdɔŋde fi utom ke otu mmɔ, ete eŋwɔŋ.

ISAIAH 2:22

Mbufo ekubuɔt aba idem ye owo, emi ibifik esie odude enye ke ibuo: koro ebat enye ke nso?

ISAIAH 2:17

Ndien mmenere owo eyesuhɔre, ntaŋ-idem mbɔŋ onyuŋ ɔduɔ: ndien Jehovah ikpɔŋ-ikpɔŋ okoŋ ke usen oro.

ŊWED MME PSALM 75:8

Koro cup odude Jehovah ke ubɔk; wine onyuŋ ofut mbuaha ɔyɔhɔ ke esit; enye onyuŋ ada enye ɔtɔhɔ: kpu-kpru mme idiɔk owo ke ererimbot enyene ndikɔrɔde nnyuŋ ŋŋwɔŋ ntak esie.

ŊWED MME PSALM 69:21

Ndien mmɔ enɔ etidot ke udia mi; enyuŋ enɔ mi vinegar ŋŋwɔŋ ke nsatitɔŋ mi.

ŊWED MME PSALM 60:3

Afo okowut ikɔt fo nsɔŋido: akanam nnyin iŋwɔŋ wine eke esinde owo eteŋ.

DEUTERONOMY 29:18

mbak eren-owo, mme ŋwan, mme ufɔk, mme esien edidu ke otu mbufo, emi esit esie akabarede mfin emi ɔkpɔŋ Jehovah Abasi nnyin, onyuŋ aka akanam ŋkpɔ mme abasi mme idut emi; mbak oruŋ eke oŋwumde ibɔk ubio ye ndot-ndot ŋkpɔ, edidu ke otu mbufo;

DEUTERONOMY 28:36

Jehovah eyeda fi, ye edidem fo eke afo edinimde ke idem fo, aka idut eke afo ye mme usɔ mikɔfiɔkke; ndien do ke afo edinam ŋkpɔ mme abasi efen, eke eto ye itiat.

JEREMIAH 24:10

Nyenyuŋ ndɔŋ ofut, ye biɔŋ, ye idiɔk udɔŋɔ etiene mmɔ, tutu mmɔ etaha ekure ke isɔŋ emi ŋkɔnɔde mmɔ ye mme ete mmɔ.

JEREMIAH 44:27

Sese, ami nyekpeme mmɔ nnɔ idiɔk, ŋkpemeke nnɔ eti ŋkpɔ: ndien ofut ye biɔŋ eyesobo kpukpru nditɔ Judah, emi edude ke isɔŋ Egypt, tutu mmɔ ekure.

JEREMIAH 49:37

Ndien nyesin Elam ndik ke iso mme asua mmɔ, ye ke iso mmɔ eke eyomde ukpɔŋ mmɔ; ndien nyeda idiɔk-ŋkpɔ ntiene mmɔ, kpa ikaŋ iyaresit mi, Jehovah ɔdɔhɔ; nyenyuŋ ndɔŋ ofut, nte ebine mmɔ tutu nsobo mmɔ mma.

EZEKIEL 5:2

Da ɔyɔhɔ ubak ita fɔp ke ikaŋ ke ufɔt obio, ke adaŋemi ini ukuk obio okurede; nyuŋ da ɔyɔhɔ ubak ita kpi enye ke ofut kan kuk, nyuŋ suan ɔyɔhɔ ubak ita nɔ ofum; ndien ami nyesio ofut mbine mmɔ.

EZEKIEL 5:12

Ɔyɔhɔ ubak mbufo ita eyekpaŋa ke udɔŋɔ, eyenyuŋ ekpa idem ke akaŋ ke otu mbufo; ɔyɔhɔ ubak ita eyenyuŋ ekpaŋa ke ofut ekan mbufo ekuk; nyenyuŋ nsuan ɔyɔhɔ ubak ita nsin ke kpukpru mme ofum, nnyuŋ nsio ofut mbine mmɔ.