JEREMIAH 8:6 - Edisana ñwed Abasi Ibom

⁶ Ŋkakpaŋ utɔŋ ŋkop, mmɔ idɔhɔke se inende: baba owo kiet ituaha mkpɔfiɔk ke idiɔk ido esie, ete, Ŋkanam nso? Kpukpru mmɔ ekabare eduk ke mbuba mmɔ, kpa nte horse obumerede oduk ke ekɔŋ.

JEREMIAH 8:6 Referans Kwoze

ŊWED MME PSALM 14:2

Jehovah etie ke enyɔŋ, osuk iso ese nditɔ owo, ete ise mme enyene owo eti-ibuot, owo eke ebinede Abasi.

EZEKIEL 18:28

Koro enye abakde, onyuŋ ɔkpɔŋde kpukpru mme idiɔk ido esie eke enye akanamde, afiak, enye iditreke ndidu uwem, idikpaha.

2 PETER 3:9

Ɔbɔŋ iduɔnke ke erinam uŋwɔŋɔ Esie, ke ido nte ndusuk owo ekerede ete, Enye ɔduɔn; Enye akam enyene anyan ime ye mbufo, inyuŋ iyomke baba owo kiet atak, edi oyom kpukpru owo etua mkpɔfiɔk ekabare esit.

MALACHI 3:16

Ndien mme abak Jehovah eneme kiet ye kiet: ndien Jehovah akpaŋ utɔŋ, onyuŋ okop, mmɔ enyuŋ ewet ŋwed eriti ke iso esie enɔ mme abak Jehovah ye mme ekere enyiŋ esie.

MICAH 7:2

Owo eke amade Abasi atak ke isɔŋ: baba owo kiet eke enende ke otu owo iduhe: kpukpru mmɔ edibe eyom iyip, kiet ada iyire ebine eken.

ERIYARARE 9:20

Ndien owo eke esuhɔde, eke miwotke mmɔ ke ufen emi, ikabakere esit ikpɔŋ ubɔk-utom mmɔ; mmɔ inyuŋ itreke ndituak ibuot nnɔ mme demon, ye ndem o-gold ye silver ye okpoho ye itiat ye eto, eke mikemeke ndikut usuŋ, ndinyuŋ ŋkop ikɔ, ndinyuŋ nsaŋa.

HAGGAI 1:7

Ntem ke Jehovah mme udim ɔdɔhɔ, ete, Mbufo etim ekere usuŋ mbufo.

HAGGAI 1:5

Jehovah mme udim ɔdɔhɔ kemi, ndien, ete, Mbufo etim ekere usuŋ mbufo.

EZEKIEL 22:30

Ndien ami nyom owo eke edinamde ɔkɔ, onyuŋ adade ke ebiet emi owurede ke iso mi, ke abaŋa isɔŋ, man enye okubiara: edi ŋkwe.

JEREMIAH 5:1

MBUFO ekanare mme efak Jerusalem, enyuŋ ese, enyuŋ efiɔk, enyuŋ eyom ke mme aŋwa esie, Mbufo ema ekut owo, owo eke anamde edinen ido, onyuŋ oyomde akpanikɔ, ama odu, ndien nyedahado nnɔ enye.

ISAIAH 59:16

Ndien enye okut ete ke owo baba kiet iduhe, onyuŋ eyik koro baba esine-ufɔt miduhe: ndien ubɔk esie anyaŋa ɔnɔ enye: edinen ido esiemɔ onyuŋ omum enye akama.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

ŊWED JOB 10:2

Nyedɔhɔ Abasi, nte, Kunam ikpe obiom mi; sian mi se afo ɔtɔhɔde ye ami abaŋa.

JEREMIAH 23:25

Mmokop uyo mme prophet emi etiŋde nsunsu o-prophecy ke enyiŋ mi, ete, “Mmadaba ndap, mmadaba ndap.”

ŊWED JOB 34:31

Nte owo edidɔhɔ abasi, ndien, ete, Mmada ufen, ndien nnamke idiɔk?

ŊWED JOB 34:32

Afo teme mi kɔrɔ ye se ŋkutde: edieke ŋkanamde idiɔk, ndinamke aba.

ISAIAH 57:17

Ŋkayat esit mbaŋa idiɔk mbumek esie, nnyuŋ mmiŋa enye: ŋkedibe nnyuŋ nyat esit: ndien enye asaŋa akabare akabare ke usuŋ esit esiemɔ.

JEREMIAH 3:5

Nte enye edikɔkɔhɔre ke nsinsi? Nte enye edinim iyaresit tutu amama? Sese, afo ɔmɔdɔhɔ, omonyuŋ anam mme idiɔk ŋkpɔ adaŋa nte ekemede.

DANIEL 9:11

Ofuri Israel ŋko ema ebiat mbet fo, enyuŋ ekabare ete ikukop uyo fo. Ndien afo aŋwaŋa nnyin isuŋi ke idem, ye uŋwɔŋɔ emi ewetde ke ŋwed mme ewuhɔ Moses owo Abasi, koro nnyin iduede ye enye.

ZEPHANIAH 3:7

Ŋkɔdɔhɔ nte, Kam bak mi, bɔ item; ndien idisibeke iduŋ esie ifep, kpa kpukpru se ŋkonimde nnɔ enye: edi mmɔ ebak edemere enam kpukpru ido mmɔ ediɔk.