JEREMIAH 8:21 - Edisana ñwed Abasi Ibom

²¹ Mmowure mbaŋa ŋwure adiaha ikɔt mi: mmakabare mbire; mkpa-idem omomum mi akama.

JEREMIAH 8:21 Referans Kwoze

JEREMIAH 14:17

Nyuŋ dɔhɔ ikɔ emi, ete, enyin mi eyeyak mmɔŋeyet ɔsuhɔre ke okoneyo ye uwemeyo, idinyuŋ idopke: koro emenuak adiaha ikɔt mi eyenɔwɔŋ eti-eti, unan ɔmɔdiɔk akan.

NAHUM 2:10

Enye etie ukpɔk ye ikpikpu, ye ubɔk-ubɔk: ndien esit atara; edɔŋ enyuŋ enyek: ɔkpɔsɔŋ ubiak onyuŋ odu ke kpukpru isin; iso kpukpru mmɔ enyuŋ ekabare kpai.

JOEL 2:6

Iso mmɔ esin mme idut enyek idem kpukpru iso enyuŋ ekabare kpai.

JEREMIAH 9:1

IBUOT mi akpakam edi mmɔŋ! enyin mi ekpekam enyuŋ edi idim mmɔŋeyet! ndien ŋkpatua ke uwemeyo ye ke okoneyo mbaŋa nditɔ adiaha ikɔt mi emi ekewotde.

JEREMIAH 4:19

Nsia mi! nsia mi! ɔwɔŋ esit mi abiak mi; esit mi eseme ɔnɔ mi; ndidopke uyo, koro, O ukpɔŋ mi, ŋkopke uyo ukorowo ye mkpo ekɔŋ.

LUKE 19:41

Ke ini Enye asaŋade ekpere, Enye okut obio, onyuŋ atua eyet abaŋa enye, ete,

JEREMIAH 17:16

Ndien ami ŋkawarake ndiwɔŋɔre ke eritiene fi nte ekpemerɔŋ, ŋkonyuŋ nyomke usen ata ukut; afo ɔmɔfiɔk: se itode mi ke inua ana fi ke iso.

NEHEMIAH 2:3

ami nnyuŋ ndɔhɔ edidem, nte, Yak edidem akam odu uwem ke nsinsi: ke didie ke iso mikpɔfuhɔke mi ke ini obio emi edide ebiet udi mme ete mi edide ndon, mme itim esie ema enyuŋ eta ikaŋ?

JEREMIAH 8:20

Ukpeŋe emebe, ndaeyo omokure, ndien ika-inyaŋake nnyin.

JEREMIAH 14:2

Judah ke atua, mme inua-otop esie enyuŋ ekpa idem; mmɔ etie ikpo ke isɔŋ; eseme Jerusalem omonyuŋ ɔdɔk.

ŊWED ESEME 3:1

AMI ndi owo eke okutde ukut eke otode ke eto iyaresit esie.