JEREMIAH 7:30 - Edisana ñwed Abasi Ibom

³⁰ Koro nditɔ Judah enamde idiɔk ke enyin mi, Jehovah ɔdɔhɔ: mmɔ emen ŋkpɔ mbubiam mmɔ esin ke ufɔk emi ekerede enyiŋ mi, enyuŋ esabare enye.

JEREMIAH 7:30 Referans Kwoze

EZEKIEL 7:20

Enye onyuŋ onim ediye mbana esie ke iseri: mmɔ enyuŋ enam mbiet mbubiam ŋkpɔ mmɔ, ye ŋkpɔ ndek mmɔ ke esit: oro esin ami nnim enye ke ndek nnɔ mmɔ.

JEREMIAH 32:34

Ndien mmɔ esin ŋkpɔ mbubiam mmɔ ke ufɔk emi ekerede enyiŋ mi, enyuŋ esabare enye.

DANIEL 9:27

Enye eyenyuŋ ɔsɔŋɔ onim ediomi ɔnɔ ediwak owo ke urua kiet; ndien ke ufɔt urua enye eyenam uwa ye inuak-udia etre: ndien andisobo eyedoro ke ibuot ŋkpɔ mbubiam: tutu enyuŋ eda se enamde ema enyuŋ ewukde, eŋwaŋa andisobo ke idem.

2 CHRONICLES 33:7

Enye onyuŋ ada edisɔi mbiet ŋkpɔ oro enye akanamde, eneŋere onim ke ufɔk Abasi oro Abasi ɔkɔdɔhɔde David ye Solomon eyen esie, ete, Ke ufɔk emi ye ke Jerusalem emi mmekde ke otu kpukpru esien Israel, ke ndisin enyiŋ mi ke nsinsi:

2 NDIDEM 21:7

Onyuŋ ada edisɔi ŋkpɔ Asherah oro enye akanamde, onim ke ufɔk oro Jehovah ɔkɔdɔhɔde David ye Solomon eyen esie, ete, Nyenim enyiŋ mi ke nsinsi ke ufɔk emi, ye ke Jerusalem emi mmekde ke otu kpukpru esien Israel.

2 NDIDEM 21:4

Enye onyuŋ anam itie-uwa ke ufɔk Jehovah, emi Jehovah ɔkɔdɔhɔde, ete, Ke Jerusalem ke ndinim enyiŋ mi.

JEREMIAH 23:11

Koro mme prophet ŋko ye mme oku esuk enanam oburobut: kpa ke ufɔk mi ke ŋkut idiɔk ido mmɔ; Jehovah ɔdɔhɔ.

2 CHRONICLES 33:15

Ndien enye osioŋo isen abasi ye mbiet-ŋkpɔ efep ke ufɔk Jehovah, ye kpukpru mme-itie-uwa oro enye akanamde ke obot ufɔk Jehovah, ye ke Jerusalem, ndien ada mmɔ ɔduɔk ke edem obio.

2 NDIDEM 23:12

Edidem onyuŋ owuri mme itie-uwa oro edude ke ɔkɔm ubet enyɔŋ Ahaz, emi ndidem Judah ekenamde, ye mme itie-uwa oro Manasseh akanamde esin ke esien mbiba ke ufɔk Jehovah, onyuŋ osio mmɔ ke ebiet oro, anuak emem, ada ɔkɔduɔk ke ebedeŋ Kidron.

2 NDIDEM 21:3

Koro enye ɔtɔŋɔde ntak ɔbɔp mme edikoŋ ebiet oro Hezekiah ete esie okowuride; onyuŋ anam itie-uwa ɔnɔ Baal, onyuŋ anam edisɔi ŋkpɔ Asherah, kpa nte Ahab edidem Israel akanamde; onyuŋ atuak ibuot ɔnɔ ofuri udim-enyɔŋ, onyuŋ anam ŋkpɔ mmɔ.

2 CHRONICLES 33:3

Ndien enye ɔtɔŋɔ ntak ɔbɔp mme edikoŋ ebiet oro Hezekiah ete esie okowuride, onyuŋ ɔdiɔŋ itie-uwa ɔnɔ Baalim, onyuŋ anam mbiet Asheroth, onyuŋ atuak ibuot ɔnɔ ofuri udim enyɔŋ, onyuŋ anam ŋkpɔ mmɔ.

ISAIAH 66:4

Ami ŋko nyemek ndutuhɔ mmɔ, nnyuŋ nda se mmɔ edikhede ntiene mmɔ: koro ami ŋkokotde, ndien baba owo kiet eke eyerede iduhe; ŋkɔdɔhɔ, edi mmɔ ikopke: mmɔ enyuŋ enam idiɔk ke enyin mi, enyuŋ emek se mmemmaŋa.

JEREMIAH 16:18

Ndien nyebem iso nsio usiene mme idiɔk ido mmɔ ye mme ukwaŋ-ŋkpɔ mmɔ utim ikaba; koro mmɔ esabarede isɔŋ mi; enyuŋ eda okpo ŋkpɔ ndek mmɔ, ye mbubiam ŋkpɔ mmɔ esin ke udeme mi eyɔhɔ.

JEREMIAH 32:35

Mmɔ enyuŋ ebɔp edikoŋ ebiet Baal oro odude ke itihere eyen Hinnom, enyuŋ enam nditɔ-iren mmɔ ye nditɔ-iban mmɔ ebe eduk ke esit ikaŋ enɔ Molech, eke mme ŋkowukke mmɔ, enye mikonyuŋ idukke mi esit: mmɔ enam ido mbubiam emi, man esin Judah enam idiɔk.

DANIEL 11:31

Ndien ubɔk eyeto enye ke idem edaha eda, enyuŋ esabare edisana ebiet odudu, enyuŋ esio nsinsi uwa efep, enyuŋ enim mbubiam ŋkpɔ eke osobode.

EZEKIEL 8:3

Enye onyuŋ anyan se ibietde ubɔk, omum mi ke idet ibuot mi: ndien spirit emenere mi esin ke ufɔt isɔŋ ye enyɔŋ, onyuŋ ada mi ke ŋkukut Abasi edi ke Jerusalem, ke inua-otop esit-esit usuŋ emi esede edere, emi mbiet ufup emi esinde efibe ufup odude do.