JEREMIAH 6:9 - Edisana ñwed Abasi Ibom

⁹ Ntem ke Jehovah mme udim ɔdɔhɔ, ete, Mmɔ eyetim etaŋ nsuhɔ Israel nte vine; tɔŋɔ ntak da ubɔk fo sin ke akpasa, nte owo eke etetde mfri vine.

JEREMIAH 6:9 Referans Kwoze

JEREMIAH 49:9

Mbon utet vine ekpedi ke ɔtɔ fo, nte mmɔ ikpɔsuhɔke nsit-nsit? Ekpedi inɔ ke okoneyo, mmɔ ekpesobo, adaŋa nte ekemde ye mmɔ.

JEREMIAH 16:16

Jehovah ɔdɔhɔ, ete, Sese, nyedɔŋ ekekot ediwak mme ɔkɔ-iyak, ndien mmɔ eyekɔ mmɔ; ndien ke ini oro ebede, nyedɔŋ ekekot ediwak ata-utop, ndien mmɔ eyebine mmɔ ke enyɔŋ kpukpru ikpɔ obot, ye ke enyɔŋ kpukpru ŋkpri obot, ye ke nsiaha ikpɔ itiat, efep.

ERIYARARE 14:18

Angel eŋwen onyuŋ ɔwɔrɔ ke itie-uwa, kpa angel emi akarade ikaŋ, ndien enye okot andinyene edisɔp ofut ke ɔkpɔsɔŋ uyo ete, Sin edisɔp ofut, kpok mme etuek vine emi edude ke isɔŋ; koro mme grape esie edat ema.

JEREMIAH 8:3

Ndien kpukpru mmɔ efen eke edisuhɔde ke idiɔk ubon emi, eyemek mkpa ekan uwem ke kpukpru ebiet eke ndibinde mmɔ eke esuhɔde nsin do: uyo Jehovah mme udim edi emi.

JEREMIAH 11:23

ndien baba owo kiet idisuhɔke inɔ mmɔ: koro nyeda idiɔk ntiene mbio-obio Anathoth, kpa isua ufen mmɔ.