JEREMIAH 6:26 - Edisana ñwed Abasi Ibom

²⁶ O adiaha ikɔt mi, bɔbɔ ɔfɔŋ-ikpo ke idem, nyuŋ duɔŋɔ ke ntɔŋ: nam ntua-eyet ikpɔŋ eyen; seme ata ndot-ndot eseme: koro owo eke osobode eyebuat nnyin ke isɔrɔ kiet.

JEREMIAH 6:26 Referans Kwoze

ZECHARIAH 12:10

Ndien nyeda spirit mfɔn ye eke mkpe-ubɔk ŋŋwaŋa ufɔk David ye mme andidiuŋ Jerusalem ke idem; ndien mmɔ eyese mi emi mmɔ ekekimde, eyenyuŋ eseme enye, kpa nte owo esemede ikpɔŋ eyen, enyuŋ etua enye, kpa nte

JEREMIAH 4:8

Mbufo eda ɔfɔŋ-ikpo ebɔbɔ ke idem ebaŋa ŋkpɔ emi, etuaŋa enyuŋ eseme: koro ifiopesit Jehovah midiwɔŋɔ-kede ikpɔŋ nnyin.

JAMES 5:1

DA mbufo mbon inyene, etuaŋa, enyuŋ esio mkpo ebaŋa nditaha eke edisimde mbufo.

JAMES 4:9

Edu ke nnan-enyin, enyuŋ efuhɔ, enyuŋ etua eyet; eyak imam mbufo akabare edi eseme, idara mbufo onyuŋ akabare edi mfuhɔ.

LUKE 7:12

Edi nte Enye ekperede inua-otop obio, sese, ke ebiom okpo owo ewɔrɔ; enye oro edi ikpɔŋ eyen eka esie, emi onyuŋ edide ebe-akpa: ediwak mbio-obio enyuŋ esaŋa ye enye.

AMOS 8:10

ndien nyekabare usɔrɔ mbufo nsin ke ntuaŋa, ye kpukpru ikwɔ mbufo nsin ke eseme; ndien nyeda ɔfɔŋ-ikpo nsine kpukpru owo ke isin; nnyuŋ ndori ibɔ ke kpukpru ibuot, nnyuŋ nnim enye ke ntuaŋa ikpɔŋ eyen: ndien utit esie eyedi ndot-ndot usen.

ŊWED ESEME 4:10

Ubɔk iban emi enyenede esit mbɔm emetem nditɔ mmɔ: mmɔ ekabare edi udia mmɔ ke ŋwure adiaha ikɔt mi.

ŊWED ESEME 4:6

Idiɔk ido adiaha oruk mi onyuŋ okpon akan ukwaŋ-ŋkpɔ Sodom, emi okosobode ke idaha kiet, ndien idige ubɔk owo otuk enye.

ŊWED ESEME 4:3

Kpa mme jackal esio eba enɔ nditɔ mmɔ ewap: adiaha ikɔt mi amakanare edi afai, ebiet ostrich ke wilderness.

ŊWED ESEME 3:48

Akpa mmɔŋ eto mi ke enyin esuhɔre ebaŋa ŋwure adiaha ikɔt mi.

ŊWED ESEME 2:11

Mmɔŋeyet ekwehe mi enyin, nsia oyomo mi, esit mi ɔduɔhɔ ke isɔŋ abaŋa ŋwure adiaha oruk mi; koro eyenɔwɔŋ ye eyen nsek ɔduɔde mba ke aŋwan obio.

ŊWED ESEME 1:16

Ŋkpɔ emi esin mi ntua eyet; enyin mi, enyin mi ayak mmɔŋ ɔsuhɔre, koro andidɔŋ mi esit ye owo eke edemerede mi esit ɔkpɔŋde mi anyan usuŋ: nditɔ mi emesobo koro asua akande.

ŊWED ESEME 1:2

Enye atua eyet eti-eti ke okoneyo, mmɔŋeyet esie onyuŋ eyere enye ke mfuk: baba owo kiet eke ɔdɔŋde enye esit iduhe ke otu kpukpru mmɔ eke emade enye: kpukpru mme ufan esie ebiaŋa enye emekabare edi mme asua esie.

JEREMIAH 15:8

Mme ebe-akpa mmɔ ewak enɔ mi ekan ntan inyaŋ: nda owo eke osobode ntiene mmɔ, ntiene eka ye mkparawa, ke ufɔt uwemeyo: mmanam ubiak ye akwa ndik eduɔ enye ke idem ke isɔrɔ kiet.

JEREMIAH 14:17

Nyuŋ dɔhɔ ikɔ emi, ete, enyin mi eyeyak mmɔŋeyet ɔsuhɔre ke okoneyo ye uwemeyo, idinyuŋ idopke: koro emenuak adiaha ikɔt mi eyenɔwɔŋ eti-eti, unan ɔmɔdiɔk akan.

JEREMIAH 13:17

Edi mbufo minyimeke ndikop enye, ukpɔŋ mi eyetua eyet ke ndibe abaŋa ntaŋidem mbufo; eyenyuŋ eseme eti-eti, mmɔŋeyet eyenyuŋ oto mi ke enyin ɔsuhɔre: koro etaŋde otu ufene Jehovah efep.

JEREMIAH 12:12

Mmɔ eke ebiatde emedɔk ke enyɔŋ kpukpru ikpɔ obot ke wilderness: koro ofut Jehovah adiade, ɔtɔŋɔde ke utit isɔŋ kiet tutu osim utit isɔŋ eken: baba obukidem idikwe emem.

JEREMIAH 9:10

Nyemen eyet ye ntuaŋa mbaŋa ikpɔ obot, nyemen eseme mbaŋa mbiet wilderness koro esobode mmɔ, owo minyuŋ isaŋake ke esit ibe: ndien mmɔ ikopke uyo ufene; mme inuen enyɔŋ ye mme unam isɔŋ emefeŋe; emedaŋa!

JEREMIAH 8:21

Mmowure mbaŋa ŋwure adiaha ikɔt mi: mmakabare mbire; mkpa-idem omomum mi akama.

JEREMIAH 8:19

Sese, uyo eseme adiaha ikɔt mi oto ke anyan idut: nte Jehovah iduhe ke Zion? Nte edidem esie iduhe ke esit? Nsinam mmɔ ekedade ndisɔi mbiet mmɔ ye mbukpo ŋkpɔ isen idut eyat mi esit?

JEREMIAH 6:14

Mmɔ enyuŋ ekɔk unam adiaha ikɔt mi enyɔŋ-enyɔŋ, ete, “Emem, emem;” ndien baba emem iduhe.

JEREMIAH 4:20

Mmɔ ebuk ŋwure ekɔrɔ ke ŋwure: koro ofuri isɔŋ amabiara: mme tent mi emebiara ke isɔrɔ kiet, mme ikpehe mi emebiara ke idaha kiet.

JEREMIAH 4:11

Ke ini oro eyedɔhɔ mbio-obio emi ye Jerusalem, ete, Edifiop ofum ŋkokoŋo ebiet ke wilderness ke edi ke usuŋ adiaha oruk mi, idige ndisak, inyuŋ idige ndinam asana;

ISAIAH 32:11

Mbufo iban unana ekikere enyek idem: iban ndue-idem, mbufo etimere; esioŋo ŋkpɔ ke idem, etie iferi, ebɔbɔ ŋkpɔ ke isin.

ISAIAH 30:13

oro esin idiɔk ido emi etiede ye mbufo nte ubak edikoŋ ibibene eke ɔbuŋɔde oyom ndiduɔ, ɔnyuhɔde, ndien okibe ini kiet, owure ɔduɔ.

ISAIAH 22:12

Ndien ke usen oro Ɔbɔŋ Jehovah mme udim okot eyet, ye eseme, ye ibɔ, ye ukune ɔfɔŋ-ikpo.

ISAIAH 22:4

Mmɔdo ndɔhɔde, nte, Mbufo ekabare ekuse mi; yak ntua ndot-ndot eyet, mbufo ekuŋwana ndidɔŋ mi esit mbaŋa nsobo eke esobode adiaha mbio-obio nnyin.

GENESIS 21:16

Ndien enye aka eketie ke idem esie ke edem oko ke ufaŋ nte ata utiga otopde; koro enye ɔdɔhɔde, ete, Ndikwe mkpa eyenɔwɔŋ. Ndien enye etie ke edem oko, onyuŋ emen uyo esie atua eyet.

ŊWED JOB 2:8

Ndien enye ada mkpasip usiɔŋ akwat idem esie; onyuŋ ɔsuhɔre etie ke ntɔŋ.

JEREMIAH 9:1

IBUOT mi akpakam edi mmɔŋ! enyin mi ekpekam enyuŋ edi idim mmɔŋeyet! ndien ŋkpatua ke uwemeyo ye ke okoneyo mbaŋa nditɔ adiaha ikɔt mi emi ekewotde.

JEREMIAH 18:22

Yak ekop eseme eke otode ke ufɔk mmɔ, ke ini afo edidade otu owo edibuat mmɔ: koro mmɔ etibide obube, ete imum mi, enyuŋ ekɔkde afia enɔ ukot mi.

ŊWED ESEME 3:16

Enye ada ŋkpri itiat obuŋ mi edet; ada ntan ofuk mi.

JONAH 3:6

Ndien ke adaŋemi uyo oro osimde edidem Nineveh, enye adaha ke ebekpo esie, onyuŋ osio ɔfɔŋ-idem esie ke idem efep, ndien esine ɔfɔŋ-ikpo, onyuŋ ɔsuhɔre etie ke ntɔŋ.

ŊWED JOB 15:21

Uyom ndik odu enye ke utɔŋ: ke ini emem ke andisobo edisim enye.

ISAIAH 3:24

Ndien ama ekem, uwak eyewɔrɔ ke ibuot ufuɔŋ, uruk eyenyuŋ ɔwɔrɔ ke ibuot ubɔp-isin; ye ibɔ, ke ibuot edidɔk idet; ye ukune ɔfɔŋ ikpo ke ibuot akamba ɔfɔŋidem; ye nde ikaŋ ke ibuot uyai.

JEREMIAH 30:5

Koro ntem ke Jehovah ɔdɔhɔ, ete, Nnyin ikop uyo unyek idem, ye eke ndik, emem inyuŋ iduhe.