JEREMIAH 6:23 - Edisana ñwed Abasi Ibom

²³ Mmɔ ekama utiga ye eduat; mmɔ ewai enyin, inyuŋ ituaha owo mbɔm: uyo mmɔ oyomo nte inyaŋ; mmɔ enyuŋ edoro horse, etim idem nte mbon-ekɔŋ ebaŋa fi O adiaha Zion.

JEREMIAH 6:23 Referans Kwoze

ISAIAH 13:18

Ndien utiga eyenuak nditɔ-iren mbai-mbai; mmɔ idituaha mfri idibi mbɔm; enyin mmɔ idituaha nditɔwɔŋ mbɔm.

JEREMIAH 50:42

Mmɔ eyemum utiga ye eduat: mmɔ edehe ide, idinyuŋ ituaha owo mbɔm: uyo mmɔ eyeyomo nte inyaŋ ibom, mmɔ eyenyuŋ edoro ke horse, etim idem nte owo ekɔŋ eŋwana ye afo,

JEREMIAH 30:14

Kpukpru mme ufan fo emefre fi; mmɔ iyomke fi; koro ŋkamiade fi ufen usua, ye ata ɔkpɔsɔŋ ntunɔ: koro mme idiɔk ido fo ewakde; mme ukwaŋ ŋkpɔ fo enyuŋ ekɔride.

JEREMIAH 5:16

Odibe-idaŋ mmɔ ebiet anaiŋwaŋ udi, kpukpru mmɔ edi mbon uko.

JEREMIAH 4:29

Uyom mme horse ye eke mme otop-utiga eyesin ofuri obio efeŋe: mmɔ eduk ke mfuhɔ ikɔt, enyuŋ edɔk ke ikpɔ itiat: ekpɔŋ kpukpru obio, baba owo kiet eke oduŋde mmɔ ke esit inyuŋ iduhe.

JEREMIAH 4:13

Sese, enye eyedɔk nte mbubit enyɔŋ, mme chariot esie eyenyuŋ ebiet oyobio: horse esie esɔp ukot nte ntrukpom.

ISAIAH 19:4

Ndien nyeda Egypt nsin ke ubɔk ɔsɔŋ-ido ete; ɔsɔŋ-ubɔk edidem eyenyuŋ akan mmɔ; emi edi uyo Ɔbɔŋ Jehovah mme udim.

DEUTERONOMY 28:49

Jehovah eyeda idut ke anyan ebiet, ke utit ererimbot, etiene fi, kpa nte ntrukpom efede; idut eke afo mudukopke usem mmɔ;

ISAIAH 10:32

Enye osuk etie mfin emi ke Nob: enyeŋe ubɔk esie ese obot adiaha Zion, kpa obot Jerusalem.

ISAIAH 17:12

Kop! uyom ediwak mme idut! ke eyomo nte uyom inyaŋ ibom. Mkpo ediwak owo ŋko! Ke ekpot nte akamba mmɔŋ okpotde.

JEREMIAH 6:4

kpukpru mmɔ kiet kiet eyebɔk ufene ke ebiet mmɔ. Mbufo etim ŋkpɔ uŋwana-ekɔŋ ye enye; edaha ke enyɔŋ, (eyak) nnyin idɔk ke ufɔt uwemeyo. Ɔdɔdiɔk ye nnyin: koro eyo ɔkɔhɔrede itɔŋ, koro mme ukpɔŋ mbubreyo ewɔrɔde uniɔŋ.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

EZEKIEL 21:31

Ndien nyeŋwaŋa fi ikpahesit mi ke idem, nyeda ikaŋ iyaresit mi mfuri fi, nnyuŋ nda fi nsin ke ubɔk mbon afai, mbon-usɔ ŋkpɔ eke osobode nsobo.

JEREMIAH 4:16

Mbufo etɔt mme idut; sese, mbufo ekwɔrɔ ebaŋa Jerusalem, ete ke mbon ukuk-obio eto ke anyan idut edi, enyuŋ emenere uyo mmɔ efiori ebaŋa mme obio Judah.

JEREMIAH 8:16

Ekop nte mme horse esie efiaride ke Dan: uyo emi mkpɔsɔŋ horse esie esiorode esin ofuri isɔŋ enyek; ndien mmɔ eyedi edidia isɔŋ ye kpukpru se iyɔhɔde ke esit, edia obio ye mmɔ eke eduŋde ke esit.

JEREMIAH 25:32

Ntem ke Jehovah mme udim ɔdɔhɔ ete, Sese, idiɔk-ŋkpɔ oto ke idut kiet osim idut eken, akwa oyobio eyenyuŋ edemere ke ŋkaŋ ererimbot.

JEREMIAH 50:41

Sese, idut kiet oto ke edem edere edi; ndien akamba idut ye ikpɔ ndidem eyedemere ke mme utit ererimbot.