JEREMIAH 6:14 - Edisana ñwed Abasi Ibom

¹⁴ Mmɔ enyuŋ ekɔk unam adiaha ikɔt mi enyɔŋ-enyɔŋ, ete, “Emem, emem;” ndien baba emem iduhe.

JEREMIAH 6:14 Referans Kwoze

EZEKIEL 13:10

Koro, kpa koro mmɔ eyutde ikɔt mi, ete, “Ifure,” ndien ifure miduhe; ndien owo ɔbɔp ibibene; ndien, sese, mmɔ eyet enye ndom.

JEREMIAH 23:17

Mmɔ esuk edɔhɔ ye mmɔ eke esinde mi ke ndek, ete, Jehovah ɔdɔhɔ, ete, Mbufo eyenyene emem; enyuŋ edɔhɔ kpukpru owo eke esaŋade ke itun esit mmɔ, ete, “Baba idiɔk-ŋkpɔ kiet idisimke mbufo.”

JEREMIAH 4:10

Ndien ami ndɔhɔ, nte, Ah, Ɔbɔŋ Jehovah! ŋkɔm afo ama abiaŋa mbio-obio emi ye Jerusalem eti-eti, ete, Mbufo eyenyene emem: ndien ofut omosim ukpɔŋ (nnyin).

ŊWED ESEME 2:14

Mme prophet fo ekut ikpikpu ye ndisime ŋkpɔ enɔ fi: inyuŋ iyarekede idiɔk ido fo, man eda fi ke itie ntaŋ mfep efiak edi; mmɔ ekut mbiomo nsu ye ŋkpɔ etabi enɔ fi.

JEREMIAH 14:13

Ndien ami ndɔhɔ, nte O Ɔbɔŋ Jehovah, sese mme prophet edɔhɔ mmɔ, ete, Mbufo idikwe ofut, akaŋ idinyuŋ inamke mbufo; koro nyenɔ mbufo akpan ifure ke ebiet emi.

2 PETER 2:1

EDI mme prophet abiaŋa ema enyuŋ ebiɔŋɔre ke otu mbio-obio, kpa nte abiaŋa-abiaŋa mme anditeme edinyuŋ edude ke otu mbufo; mmɔ edisaŋa ndibe-ndibe, eda esen ukpep-ŋkpɔ eke osobode ukpɔŋ owo eduk etiene mbufo, edinyuŋ ekaŋ kpa Ɔbɔŋ emi akafakde mmɔ, edinyuŋ esin nsobo abuat idem mmɔ.

ISAIAH 30:26

Ndien uŋwana ɔfiɔŋ eyebiet uŋwana utin, uŋwana utin eyenyuŋ aka iso utim ikatiaba, ebiet uwemeyo itiaba, ke usen eke Jehovah edibɔpde unan ikɔt esiemɔ, edinyuŋ ɔkɔkde ufen eke emiade mmɔ.

MICAH 2:11

Edieke owo asaŋade ke spirit ye ke abiaŋa, edisu nsu, ete, Ami nyetiŋ nnɔ fi mbaŋa wine ye mmin; edi enye edidi etiŋ-ikɔ ɔnɔ mbio-obio emi.

EZEKIEL 13:22

Koro mbufo edade nsu eyat edinen owo esit, emi ami mmenyatke; enyuŋ esɔŋde mme idiɔk owo ubɔk, man enye okukpɔŋ idiɔk ido esie afiak, man enim enye uwem:

JEREMIAH 14:17

Nyuŋ dɔhɔ ikɔ emi, ete, enyin mi eyeyak mmɔŋeyet ɔsuhɔre ke okoneyo ye uwemeyo, idinyuŋ idopke: koro emenuak adiaha ikɔt mi eyenɔwɔŋ eti-eti, unan ɔmɔdiɔk akan.

JEREMIAH 5:12

Mmɔ emekaŋ Jehovah, enyuŋ edɔhɔ, ete; “Enye iduhe du; idiɔk-ŋkpɔ idinyuŋ isimke nnyin; nnyin idinyuŋ ikwe ofut ye akaŋ.

JEREMIAH 28:3

osuk kaŋa isua iba, ami nyeda kpukpru mkpoduoho ufɔk Jehovah oro Nebuchadnezzar edidem Babylon akataŋde ke ebiet emi, onyuŋ ada mmɔ ɔnyɔŋ ke Babylon, mfiak nnim ke ebiet emi.

ISAIAH 1:6

Ɔtɔŋɔde ke ikpat ukot tutu osim ke ibuot, baba nsɔŋidem iduhe ke esit; ke edi unan ye ŋkukip, ye obufa ufen: ifikke mmɔ, inyuŋ ibɔpke, inyuŋ iyetke mmɔ aran inam emem.

1 ŊWED THESSALONICA 5:3

Ini mme owo edɔhɔde ete, idu ke emem ye ifure, kpa adaŋoro ke nsobo abuat mmɔ, nte emi uman abuatde ŋwan idibi; ndien mmɔ idikwe usuŋ ubɔhɔ.

2 SAMUEL 17:3

nyenyuŋ nda kpukpru owo mfiak nsɔk fi: adaŋemi kpukpru owo emi afo oyomde efiakde edi, ofuri obio eyetie ke emem.

ISAIAH 30:10

Emi edɔhɔde mbon ŋkukut, ete, mbufo ekukut; edɔhɔ mmɔ eke esede, ete, Mbufo ekuse edinen ŋkukut enɔ nnyin; etiŋ inem ikɔ enɔ nnyin: ekut ŋkpɔ nsu:

EZEKIEL 13:16

Kpa mme prophet Israel emi etiŋde prophecy ebaŋa Jerusalem, enyuŋ ekutde ŋkukut ifure enɔ enye, ndien ifure iduhe. Uyo Ɔbɔŋ Jehovah edi emi.

EZEKIEL 14:9

Ndien edieke ebiaŋade prophet oro, ndien enye ɔdɔhɔ ikɔ: edi ami Jehovah ŋkabiaŋa prophet oro, ndien ami nyenyan ubɔk mi ntuk enye, nnyuŋ nsobo enye ke otu ikɔt mi Israel mfep.

MICAH 3:5

Ntem ke Jehovah ɔdɔhɔ abaŋa mme prophet eke esinde ikɔt mi edue, eke edade edet mmɔ edom owo, ndien ekwɔrɔ, ete, Emem; ndien ama edi owo eke misinke mmɔ ŋkpɔ ke inua, mmɔ etim ŋkpɔ ekɔŋ etiene enye;