JEREMIAH 51:2 - Edisana ñwed Abasi Ibom

² ndien nyedɔŋ isen owo utom ke Babylon, ndien mmɔ eyesak enye nte ibokpot, enyuŋ enam isɔŋ esie edi ukpɔk: koro mmɔ edikande enye ekuk ke usen ukut.

JEREMIAH 51:2 Referans Kwoze

MATTHEW 3:12

Usakŋkpɔ Esie odu Enye ke ubɔk, Enye eyenyuŋ anam itie-ubekibokpot Esie otim asana, onyuŋ obon ibokpot Esie ke ubet, edi eyefɔp mbio ke ikaŋ eke midinimeke.

JEREMIAH 15:7

Ndien nyeda usak-ŋkpɔ nsak mmɔ ke inua-otop isɔŋ; mmɔbɔ ikɔt mi nditɔ mmɔ, nnyuŋ nsobo mmɔ, mmɔ ikabakede ikpɔŋ usuŋ mmɔ.

ISAIAH 41:16

Afo eyesak mmɔ, ndien ofum eyemen mmɔ efep, idio eyenyuŋ asuan mmɔ: ndien afo eyedara Jehovah, onyuŋ obure mbure ke Edisana Abasi Israel.

EZEKIEL 5:12

Ɔyɔhɔ ubak mbufo ita eyekpaŋa ke udɔŋɔ, eyenyuŋ ekpa idem ke akaŋ ke otu mbufo; ɔyɔhɔ ubak ita eyenyuŋ ekpaŋa ke ofut ekan mbufo ekuk; nyenyuŋ nsuan ɔyɔhɔ ubak ita nsin ke kpukpru mme ofum, nnyuŋ nsio ofut mbine mmɔ.

JEREMIAH 50:32

Ndien eseri-iseri eyetuak ukot ɔduɔ, ndien owo eke edimenerede enye onim ke enyɔŋ ididuhe: ndien ami nyekim ikaŋ ke mme obio esie, ndien enye eyeta kpukpru se ikande enye ikuk.

JEREMIAH 50:29

Mbufo ekot mbon utiga edi ekɔŋ ye Babylon: kpukpru mbufo emi enukde utiga enam nna ekɔŋ ekan enye ekuk; ekuyak baba owo kiet ɔbɔhɔ ke esit, enɔ enye utip nte ekemde ye utom esie; mbufo enam enye kpukpru nte enye akanamde, koro enye ataŋde idem ye Jehovah, ye Edisana Abasi Israel.

ISAIAH 43:14

Ntem ke Jehovah, andifak mbufo, Edisana Abasi Israel, ɔdɔhɔ ete, Ŋkɔdɔŋ utom ke Babylon mbaŋa mbufo, nnyuŋ nsuhɔre mbon itɔk kpukpru mmɔ; ye mme Chaldean, mkpo mmɔ odu ke ubom mmɔ.