JEREMIAH 51:1 - Edisana ñwed Abasi Ibom

¹ NTEM ke Jehovah ɔdɔhɔ, ete, Sese, ami mmɔŋ ndemere ofum nsobo nnam Babylon ye mme andiduŋ ke otu mmɔ emi enamde ikɔ ye ami;

JEREMIAH 51:1 Referans Kwoze

AMOS 3:6

Nte efuri ukorowo ke obio, ndien mbio-obio inyekke idem? Nte idiɔk-ŋkpɔ odudu ke obio, ke Jehovah minamke?

HOSEA 13:15

Koro enye ɔtɔtde ke otu nditɔ-ete esie, ofum ikɔrabak, ofum Jehovah eke otode ke wilderness ɔdɔk, eyedi, ndien idim mmɔŋ esie eyesat; obube mmɔŋ esie eyenyuŋ osomo: enye eyebume ebiet eke enimde kpukpru ŋkpɔ uto.

UTOM MME APOSTLE 9:4

ndien enye ɔduɔ ke isɔŋ, onyuŋ okop uyo nte ɔdɔhɔde ete, Saul, Saul, nsinam afo ɔkɔbɔde Mi?

ZECHARIAH 2:8

Koro ntem ke Jehovah mme udim ɔdɔhɔ, ete Ke ini ubɔŋ edide, enye eyedɔŋ mi utom ke ɔtɔ mme idut oro ekebumede mbufo: koro enye emi otukde mbufo otuk eyen enyin esie.

EZEKIEL 19:12

Ndien mmɔ edibere enye ke ifuresit, emen enye eduɔk ke isɔŋ, ofum ikɔrabak onyuŋ asat mfri esie: mkpɔsɔŋ esaŋ esie emebuŋɔ, emenyuŋ esat: ikaŋ amata enye.

JEREMIAH 50:33

Ntem ke Jehovah mme udim ɔdɔhɔ, ete, Emefik nditɔ Israel ye nditɔ Judah ɔtɔ kiet: ndien kpukpru owo eke eketaŋde mmɔ efep esɔŋɔ emum mmɔ; inyimeke ndisana mmɔ nyak.

JEREMIAH 50:29

Mbufo ekot mbon utiga edi ekɔŋ ye Babylon: kpukpru mbufo emi enukde utiga enam nna ekɔŋ ekan enye ekuk; ekuyak baba owo kiet ɔbɔhɔ ke esit, enɔ enye utip nte ekemde ye utom esie; mbufo enam enye kpukpru nte enye akanamde, koro enye ataŋde idem ye Jehovah, ye Edisana Abasi Israel.

JEREMIAH 50:24

Ami ŋkɔkɔk afia nnɔ fi, emenyuŋ emum fi, O Babylon, ndien afo ukɔfiɔkke: ekekut fi enyuŋ emum, koro afo akaŋwanade eŋwan ye Jehovah.

JEREMIAH 50:21

Dɔk ka ekɔŋ ye isɔŋ Mera-thaim, ka ekɔŋ ye enye ye mme andiduŋ Pekod. Jehovah ɔdɔhɔ, ete, Bine mmɔ, sobo, nyuŋ wuri, nyuŋ nam kpukpru kpa nte ŋketemede fi.

JEREMIAH 50:9

Koro, sese, ami mmɔŋ ndemere esop ikpɔ mme idut ke idut edere, nyenyuŋ nda mmɔ ndɔk ntiene Babylon: ndien mmɔ eyetim udim ekɔŋ eŋwana ye enye; mmɔ eke etode ke esit eyeda enye: idaŋ mmɔ eyebiet eke owo uko eke enyenede ikike, enye idifiakke ukpɔk.

JEREMIAH 49:36

Ndien nyeda ofum mbinaŋ ke edem ikpa enyɔŋ mbinaŋ ntiene Elam; ndien nyesuan mmɔ nsin ke kpukpru ofum emi; ndien idut eke mbon itɔk Elam midisimke do ididuhe.

2 NDIDEM 19:7

Sese, nyesin enye spirit ke idem, ndien enye eyekop etop, onyuŋ afiak ke edem mmɔ; ndien nyenam enye ɔduɔ ke ofut ke edem mmɔ.

ŊWED MME PSALM 137:8

O adiaha Babylon, emi edisobode; ɔfɔfɔn ɔnɔ enye emi edidade erinam emi afo akanamde nnyin, osio usiene ye afo.

JEREMIAH 23:19

Sese, oyobio Jehovah ɔwɔrɔ ke iyaresit, kpa ibumere-ibumere oyobio: eyebumere ɔtɔ mme idiɔk owo ke ibuot.

ISAIAH 13:13

Mmɔdo nyesin ikpa-enyɔŋ enyek, eyenyuŋ enyeŋe isɔŋ esio ke ebiet esie efep, ke iyaresit Jehovah mme udim, ye ke usen ikaŋ iyaresit esie.

ISAIAH 14:14

nyedɔk ŋkan ŋkokoŋo mbubit enyɔŋ; nyenim idem mi nte Ata Edikoŋ.”

ISAIAH 21:1

UYO Abasi emi abaŋa wilderness inyaŋ. Kpa nte oyobio otode ke usuk, kpa ntre ke enye oto ke wilderness, ke isɔŋ ndik, edi.

ISAIAH 47:1

SUHƆRE, nyuŋ tie ke ntan, adiaha Babylon eyenɔwɔŋ, tie ke isɔŋ; ebekpo iduhe, adiaha mme Chaldean: koro mmɔ midikotke aba fi, ite, Mmem-mmem, ye edinem.

JEREMIAH 51:53

Koro Babylon ɔdɔkde ke enyɔŋ, koro enye onyuŋ ɔsɔŋɔde edikoŋ odudu esie, owo eke edibiatde eyeto mi esim enye. Emi edi uyo Jehovah.

JEREMIAH 51:60

Ndien Seraiah edi etubom ebiet nna edidem. Ndien Jeremiah ewet ofuri idiɔk-ŋkpɔ eke edisimde Babylon, esin ke nwed kiet, kpa kpukpru ikɔ eke ekewetde ebaŋa Babylon.