JEREMIAH 5:26 - Edisana ñwed Abasi Ibom

²⁶ Koro mmɔ ekutde mme idiɔk owo ke otu ikɔt mi: owo odibe nte ata-ikɔt ɔnuhɔde; mmɔ ekɔk afia, emum owo.

JEREMIAH 5:26 Referans Kwoze

MME ŊKE 1:11

Ekpedɔhɔ fi, ete, “Tiene nnyin, yak idibe ibet iyip, itie ibet owo eke minyeneke se eduede, ndien edi ikpikpu.

JEREMIAH 18:22

Yak ekop eseme eke otode ke ufɔk mmɔ, ke ini afo edidade otu owo edibuat mmɔ: koro mmɔ etibide obube, ete imum mi, enyuŋ ekɔkde afia enɔ ukot mi.

ŊWED MME PSALM 64:5

Mmɔ esɔŋɔ idiɔk ikɔ enɔ idem mmɔ; eneme ebaŋa eridip afia; mmɔ edɔhɔ, ete, “Anie owo edise mmimɔ?”

LUKE 5:10

Onyuŋ edi ntre ɔnɔ James ye John ŋko, nditɔ Zebedee, mme nsaŋa Simon. Ndien Jesus ɔdɔhɔ Simon ete, Kufehe ndik; tɔŋɔ ke emi afo eyekɔ owo.

JEREMIAH 4:22

Koro ikɔt mi edide ndisime, mmɔ ifiɔkke mi; mmɔ edi nditeŋ nditɔ, inyuŋ inyeneke ibuot; etim efiɔk ndinam idiɔk, edi ifiɔkke ndinam eti.

ISAIAH 58:1

SIORO uyo ke itɔŋ fiori, kumum idem, menere uyo fo nte ukorowo, nyuŋ tiŋ idiɔk ido ikɔt mi nɔ mmɔ, tiŋ mme oburobut ido ufɔk Jacob nɔ mmɔ.

ISAIAH 32:7

Ndien ama edi afam, ŋkpɔ utom esie ediɔk: enye aduak uduak ŋkari, ete isobo mbon ukut ke ikɔ nsu, kpa ke adaŋemi eyen ubuene ɔdɔhɔde se inende.

JEREMIAH 9:8

Edeme mmɔ edi idaŋ afai; enye ɔdɔhɔ nsu: owo eyeda inua-inua eneme ye mbɔhiduŋ esie ufan-ufan, ndien enye anam ŋkari esie ke esit esie.

JEREMIAH 18:20

Nte edida idiɔk esio usiene eti? Koro mmɔ etibide obube enɔ ukpɔŋ mi. Ti nte ŋkadade ke iso fo, ndidɔhɔ nti ŋkpɔ mbaŋa mmɔ, man nnam iyaresit fo akabare ɔkpɔŋ mmɔ.

MICAH 6:10

Nte inyene idiɔk ido esuk ena ke ufɔk idiɔk owo, ye ekpri ephah, ata idiɔk-ŋkpɔ?

MICAH 7:2

Owo eke amade Abasi atak ke isɔŋ: baba owo kiet eke enende ke otu owo iduhe: kpukpru mmɔ edibe eyom iyip, kiet ada iyire ebine eken.