JEREMIAH 5:18 - Edisana ñwed Abasi Ibom

¹⁸ Jehovah onyuŋ ɔdɔhɔ ete, Ke idem mme usen oro ndinamke mbufo mma.

JEREMIAH 5:18 Referans Kwoze

JEREMIAH 5:10

Mbufo edɔk ke ibibene esie ekewuri; edi ekunam ema: ekibi enye nnyɔninyɔ efep: koro mmɔ minyeneke Jehovah.

JEREMIAH 4:27

Koro ntem ke Jehovah ɔdɔhɔ ete, Ofuri isɔŋ eyebiara; edi ndinamke mma.

EZEKIEL 11:13

Edikem adaŋemi nsuk ntetiŋ prophecy, Pelatiah eyen Benaiah akpa. Ndien nduɔ ke isɔŋ ŋkubi iso mi, nnyuŋ mfiori ke ɔkpɔsɔŋ uyo, nnyuŋ ndɔhɔ nte. Ah, Ɔbɔŋ Jehovah, nte afo ɔmɔŋ anam ubak Israel emi esuhɔde ama?

EZEKIEL 9:8

Edikem adaŋemi mmɔ esuk ewowot ami nsuk, ndien nduɔ ke isɔŋ ŋkubi iso mi, nnyuŋ nseme, nnyuŋ ndɔhɔ, nte, Ah, Ɔbɔŋ Jehovah, nte afo ɔmɔŋ osobo ofuri ubak Israel emi esuhɔde, ke eriŋwaŋa ifuresit fo ke Jerusalem?

JEREMIAH 5:17

Ndien mmɔ eyeta ibokpot fo ye uyo fo, eyeta nditɔ-iren fo ye nditɔ-iban fo: eyeta ŋkpri ufene fo ye enaŋ fo: eyeta vine fo ye fig fo: eyeda ofut ewuri obio ibibene fo emi afo ɔbuɔtde idem fo ke esit.

JEREMIAH 5:19

Ndien ama ekem ke mbufo edidɔhɔde ete, Jehovah Abasi nnyin edinam nnyin kpukpru ŋkpɔ emi abaŋa nso? Dɔhɔ mmɔ ndien, ete, Kpa nte mbufo ekpɔŋde mi, enyuŋ enamde ŋkpɔ isen abasi ke isɔŋ mbufo, kpasuk ntre ke mbufo edinam ŋkpɔ isen owo ke isɔŋ eke midige eke mbufo.

JEREMIAH 30:11

Koro ami ndude ye afo, nte nnyaŋa fi. Jehovah ɔdɔhɔ: koro nyenam kpukpru mme idut eke ŋkasuande fi do etak, edi ndinamke fi atak: edi nyetunɔ fi nte enende, ndien ndiyakke fi ɔbɔhɔ ikpikpu.

EZEKIEL 20:17

Ndien enyin mi akatua mmɔ mbɔm; ndien nsoboke mmɔ, nnyuŋ mmaŋa ye mmɔ ke wilderness.

HABAKKUK 1:12

Nte afo udige Jehovah edisana Abasi mi toto ko? Nnyin idikpaha. O Jehovah, afo onim mmɔ ɔnɔ ikpe; O akwa itiat, afo owuk mmɔ onim ɔnɔ nduari.