JEREMIAH 49:5 - Edisana ñwed Abasi Ibom

⁵ Ɔbɔŋ Jehovah mme udim ɔdɔhɔ ete, Sese, ami nyeda ndik ke kpukpru mmɔ eke ekande fi ekuk, ntiene fi; ndien eyebin mbufo kpukpru eneŋere eka iso; ndien baba owo kiet iditaŋke mbon itɔk.

JEREMIAH 49:5 Referans Kwoze

JEREMIAH 49:29

Eyeda me tent mmɔ ye ufene mmɔ; eyemen ikpehe mmɔ ye mkpoduoho mmɔ, ye mme camel mmɔ eda ke idem mmɔ; ndien eyefiori ebaŋa mmɔ, ete, Ndik akan okuk.

JEREMIAH 46:5

Nnam didie ŋkut mmɔ edikhe? Mmɔ ekabare efiak edem; mbon uko mmɔ enyuŋ esuana, enyuŋ efeŋe itɔk, inyuŋ ikabakede ise. Ndik akan okuk; Jehovah ɔdɔhɔ.

AMOS 4:3

Ndien mbufo eyesaŋa ke ɔtɔ eke ewurede ewɔŋɔ, kpukpru kiet kiet eneŋere iso eka; mbufo eyenyuŋ esio idem mbufo ke akwa ufɔk eduɔk ke isɔŋ. Emi edi uyo Jehovah.

JEREMIAH 20:4

Koro ntem ke Jehovah ɔdɔhɔ ete, Sese, ami mmɔŋ nnim fi ke ŋkpɔ ndik nnɔ idem fo, ye kpukpru mme ufan fo; ndien mmɔ eyekpaŋa ke ofut mme usua mmɔ, enyin fo eyenyuŋ ekut; nyenyuŋ nda ofuri Judah nsin ke ubɔk edidem Babylon; ndien enye eyetaŋ mmɔ ɔnyɔŋ ke Babylon, onyuŋ owot mmɔ ke ofut.

JEREMIAH 15:8

Mme ebe-akpa mmɔ ewak enɔ mi ekan ntan inyaŋ: nda owo eke osobode ntiene mmɔ, ntiene eka ye mkparawa, ke ufɔt uwemeyo: mmanam ubiak ye akwa ndik eduɔ enye ke idem ke isɔrɔ kiet.

ISAIAH 16:3

“Da item di, biere ikɔ; nam mfut fo etie nte okoneyo ke ufɔt uwemeyo; dip mmɔ eke owo ebinde mmɔ efep, kuyarare mbon itɔk.

MME ŊKE 28:1

MME IDIƆK owo efeŋe itɔk ke owo eke ebinede miduhe: edi eti owo edaha uko nte lion.

ŊWED JOB 15:21

Uyom ndik odu enye ke utɔŋ: ke ini emem ke andisobo edisim enye.

2 NDIDEM 19:7

Sese, nyesin enye spirit ke idem, ndien enye eyekop etop, onyuŋ afiak ke edem mmɔ; ndien nyenam enye ɔduɔ ke ofut ke edem mmɔ.

JOSHUA 2:9

Ndien enye ɔdɔhɔ mmɔ oro, ete, Mmɔfiɔk nte Jehovah ada isɔŋ emi ɔnɔ mbufo, nte ndik mbufo onyuŋ ɔduɔ nnyin ke idem, nsia onyuŋ oyomo kpukpru mme andiduŋ isɔŋ emi abaŋa mbufo.

JEREMIAH 16:16

Jehovah ɔdɔhɔ, ete, Sese, nyedɔŋ ekekot ediwak mme ɔkɔ-iyak, ndien mmɔ eyekɔ mmɔ; ndien ke ini oro ebede, nyedɔŋ ekekot ediwak ata-utop, ndien mmɔ eyebine mmɔ ke enyɔŋ kpukpru ikpɔ obot, ye ke enyɔŋ kpukpru ŋkpri obot, ye ke nsiaha ikpɔ itiat, efep.

ŊWED ESEME 4:15

Mmɔ efiori ekot mmɔ, ete, Mbufo edaŋa, ke edehe, edaŋa, edaŋa, ekutuk! koro mmɔ efeŋede, enyuŋ ediyo, edɔhɔ ke otu mme idut, ete, Mmɔ ididuŋke aba.

JEREMIAH 6:25

Kuwɔrɔ uka iŋwaŋ, kunyuŋ usaŋa ke usuŋ: koro mme asua ekamade ofut: ndik akan okuk.