JEREMIAH 48:44 - Edisana ñwed Abasi Ibom

⁴⁴ Owo eke efeghede abak ndik eyeduŋ ke obube; ndien owo eke otode ke obube ɔdɔk eyemum ke afia: koro nyeda isua ufen mmɔ ntiene enye kpa Moab; uyo Jehovah edi emi.

JEREMIAH 48:44 Referans Kwoze

JEREMIAH 11:23

ndien baba owo kiet idisuhɔke inɔ mmɔ: koro nyeda idiɔk ntiene mbio-obio Anathoth, kpa isua ufen mmɔ.

1 NDIDEM 19:17

Ndien ama ekem Jehu eyewot mmɔ eke ebɔhɔde ofut Hazael; ndien Elisha eyewot mmɔ eke ebɔhɔde ofut Jehu.

AMOS 5:19

Kpa nte owo efehede ɔbɔhɔ lion, ndien bear osim enye: ye nte owo odukde ke ufɔk akadian ubɔk ke ibibene, ndien urukikɔt odom enye.

JEREMIAH 46:21

Mbon-ekɔŋ emi enye ekpede okuk ŋko enyuŋ ebiet enaŋ isek ke otu esie, edi mmɔ ŋko ekabare efeŋe ikpat kiet: ikemeke ndida, koro usen nditaha mmɔ omosim mmɔ, kpa ini ufen mmɔ.

MICAH 7:4

Mmɔ eke efɔnde ke otu mmɔ ebiet ŋkukim: mmɔ eke enede ediɔk ekan ɔkɔ akpap: usen mbon ukpeme fo ye eke ufen fo ke edi: ke emi ke ndutime mmɔ edidi.

HOSEA 9:7

Mme usen ufen emedi, mme usen usiene emedi; Israel eyefiɔk: prophet edi owo ndisime, owo spirit adama idat, kabaŋa akamba idiɔk ido fo ye akwa usua.

JEREMIAH 51:18

Mmɔ edi ikpikpu, edi utom abiaŋa: eyetak ke ini ufen mmɔ.

JEREMIAH 23:12

Mmɔdo usuŋ mmɔ eyetie ye mmɔ nte mfɔfiɔnɔ ebiet ke ekim; eyebin mmɔ, ndien mmɔ eyeduɔŋɔ ke esit; koro nyeda idiɔk-ŋkpɔ, kpa isua ufen mmɔ, ntiene mmɔ: uyo Jehovah edi emi.

JEREMIAH 16:16

Jehovah ɔdɔhɔ, ete, Sese, nyedɔŋ ekekot ediwak mme ɔkɔ-iyak, ndien mmɔ eyekɔ mmɔ; ndien ke ini oro ebede, nyedɔŋ ekekot ediwak ata-utop, ndien mmɔ eyebine mmɔ ke enyɔŋ kpukpru ikpɔ obot, ye ke enyɔŋ kpukpru ŋkpri obot, ye ke nsiaha ikpɔ itiat, efep.

JEREMIAH 10:15

Mmɔ edi ikpikpu, ŋkpɔ nsahi, eyetak ke ini ufen mmɔ. Udeme Jacob ibietke mmɔ emi ŋkpɔ:

ISAIAH 24:18

Ndien ama ekem, owo eke efehede abak uyom ndik eyeduɔ ke ukpe; ndien owo eke otode ke ufɔt ukpe ɔdɔk eyemum ke mfine: koro eberede window ke enyɔŋ, idak isɔŋ onyuŋ enyek.

ISAIAH 10:3

Ndien mbufo edinam nso ke usen ufen, ye ke ini eke nsobo otode ke anyan usuŋ edi? Mbufo edifeŋe etiene anie eyom uŋwam? Ndien ke ebiet ewe ke mbufo edinim ubɔŋ mbufo?

1 NDIDEM 20:30

Ndien mmɔ emi esuhɔde efeŋe eka Aphek, ekeduk ke obio oro; ndien ibibene ɔduɔ ofuk tɔsin owo edip ye itiaba emi esuhɔde. Benhadad efehe ŋko aka okoduk ke obio ke esit ubet.

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

JEREMIAH 50:24

Ami ŋkɔkɔk afia nnɔ fi, emenyuŋ emum fi, O Babylon, ndien afo ukɔfiɔkke: ekekut fi enyuŋ emum, koro afo akaŋwanade eŋwan ye Jehovah.

JEREMIAH 50:27

Mbufo esobo kpukpru mme enaŋ esie; yak mmɔ esuhɔre eka mkpa: ɔdɔdiɔk ɔnɔ mmɔ! koro usen mmɔ edide, kpa ini ufen mmɔ.

ŊWED ESEME 3:47

Ndik ye afia emesim nnyin, nsobo ye ŋwure.

ISAIAH 24:17

Ndik, ye ukpe, ye mfine, ke ena enɔ fi, O andiduŋ isɔŋ.

JEREMIAH 49:8

Nte ifiɔk mmɔ ɔmɔduɔhɔ? Mbufo efeŋe, ekabare etuŋ ebiet man eduŋ ke esit, O mme andiduŋ Dedan; koro nyeda nsobo Esau, kpa ini ufen esie, ntiene enye.