JEREMIAH 48:16 - Edisana ñwed Abasi Ibom

¹⁶ Nsobo Moab asaŋa ekpere, idiɔk-ŋkpɔ esie onyuŋ awara eti-eti edi.

JEREMIAH 48:16 Referans Kwoze

ISAIAH 13:22

Ndien mme wolf eyetuaŋa ke ikpɔ ufɔk esie; mme jackal eyetuaŋa ke mme temple inemesit: ndien ini esie emekpere ndidi, usen esie idinyuŋ ibigike.

2 PETER 2:3

Ke mbumek mmɔ ke eyeda ikɔ abiaŋa ekama mbufo enam mbubine; toto ke eset ubiom-ikpe mmɔ itreke ndibine mme mmɔ emi, nsobo mmɔ inyuŋ iyetke idap.

EZEKIEL 12:28

Dɔhɔ mmɔ, ndien, ete, Ntem ke Ɔbɔŋ Jehovah ɔdɔhɔ, ete, Idinamke aba ubigi ke baba ikɔ mi kiet edi eyenam ikɔ emi ndɔhɔde. Uyo Ɔbɔŋ Jehovah edi emi.

EZEKIEL 12:23

Dɔhɔ mmɔ ndien, ete, Ntem ke Ɔbɔŋ Jehovah ɔdɔhɔ, ete, Mmɔŋ nnam ŋke emi etre, ndien mmɔ iditopke aba enye ke Israel; edi dɔhɔ mmɔ, Mme usen ke ekpere, ye uyo kpukpru ŋkukut.

JEREMIAH 1:12

Ndien Jehovah ɔdɔhɔ mi, ete, Afo omotim okut: koro ami mbabak ndemere mbaŋa ikɔ mi man nnam enye.

DEUTERONOMY 32:35

Ufen ye usiene edi okim; ukot mmɔ eyefiɔnɔde ke ekem ini: koro usen nditaha mmɔ emekpere, ndien se ibeŋede mmɔ ke ɔnyuŋ ɔsɔp itɔk edi.

MME ŊKE 7:23

Tutu idaŋ okim enye esit; nte ntarusuŋ ɔsɔpde oduk ke afia, ndien mifiɔkke ite eyom uwem imɔ.