JEREMIAH 48:14 - Edisana ñwed Abasi Ibom

¹⁴ Mbufo enam didie edɔhɔ ete, Nnyin idi mbon uko ye mkpɔsɔŋ owo ke ekɔŋ?

JEREMIAH 48:14 Referans Kwoze

ŊWED MME PSALM 33:16

Idige akwa odudu anyaŋa edidem; owo uko ibɔhɔke ke akwa nsɔŋidem.

ISAIAH 10:16

Mmɔdo Ɔbɔŋ, Ɔbɔŋ mme udim, eyenɔ ndiɔk-idem esɔk mbon ubom mmɔ; ndien eyesak ke idak ubɔŋ mmɔ nte ikaŋ asakde.

ISAIAH 10:13

Koro enye ɔdɔhɔde, ete: “Nnam emi ke odudu ubɔk mi, ye ke ifiɔk mi; koro mmenyene eti ibuot: ndien nsehere adaŋa mme idut, nnyuŋ mbume inyene emi mmɔ enimde, ndien, nte ɔkpɔsɔŋ owo, nsuhɔre mme andiduŋ:

ZEPHANIAH 2:10

Mmɔ eyeda emi ke ibuot iseri mmɔ: koro mmɔ esuŋide, enyuŋ eseride iseri ebaŋa ikɔt Jehovah mme udim.

EZEKIEL 30:6

Ntem ke Jehovah ɔdɔhɔ, ete, Mmɔ eke emumde Egypt ekama eyeduɔŋɔ ŋko; iseri odudu esie eyenyuŋ ɔsuhɔre; ɔtɔŋɔde ke Migdol tutu osim ke Syene, ke mmɔ ediduɔŋɔ ke esit ke ofut, Uyo Jehovah edi emi.

JEREMIAH 49:16

Ndik fo ye iseŋ esit fo emebiaŋa fi, afo emi oduŋde ke nsiaha itiat, emi adade enyɔŋ obot enyene: koro afo onimde efɔk fo ke enyɔŋ nte ntrukpom, nyesio fi ke esit nsuhɔre: uyo Jehovah edi emi.

JEREMIAH 9:23

Ntem ke Jehovah ɔdɔhɔ, ete, Owo eti ibuot okubure mbure ke eti ibuot esie, owo uko okunyuŋ obure mbure ke uko esie, owo inyene okunyuŋ obure mbure ke inyene esie:

JEREMIAH 8:8

Mbufo enam didie edɔhɔ, ete, Nnyin imɔfiɔk ŋkpɔ, ŋwed mbet Jehovah onyuŋ odu ye nnyin? Sese, ŋkɔm nsunsu ntaŋwed mme ewet-ŋwed anam enye edi abiaŋa.

ISAIAH 16:6

ye ntaŋidem esie, ye iseŋ esie, ye ikpahesit esie: nsu esie edi ikpikpu.

ECCLESIASTES 9:11

Ntie ke idak utin ŋkabare, nnyuŋ ŋkut nte ke idige mbon nsɔp-itɔk ekan ke mbuba, inyuŋ idige mbon-uko ekan ke ekɔŋ, nte ke idige mbon eti ibuot enyene udia, inyuŋ idige mbon ikike ekut inyene, inyuŋ idige mme ɔfiɔkŋkpɔ owo enyene itoro: koro ini ye unɔmɔ etibede enɔ mmɔ kpukpru.

ŊWED MME PSALM 11:1

MMƆBUƆT idem mi ye Jehovah. Didie ke mbufo edɔhɔ ukpɔŋ mi, ete, Ntarusuŋ, mbufo efe eka ke akwa obot mbufo.