JEREMIAH 47:1 - Edisana ñwed Abasi Ibom

¹ UYO Jehovah emi okosim Jeremiah prophet abaŋa mme Philistine, ke Pharaoh mika isuanke Gaza.

JEREMIAH 47:1 Referans Kwoze

JEREMIAH 25:20

ye kpukpru mbuaha owo, ye kpukpru ndidem isɔŋ Uz, ye kpukpru ndidem isɔŋ mme Philistine, ye Ashkelon, ye Gaza, ye Ekron, ye ubak Ashdod emi ɔsuhɔde;

GENESIS 10:19

Canaanite esiaha. Ndien adaŋa mme Canaanite ɔtɔŋɔ ke Zidon aka ke Gerar, osim Gaza; aka Sodom ye Gomorrah, ye Admah,

1 NDIDEM 4:24

Koro enye akarade ofuri edem akpa emi, ɔtɔŋɔde ke Tiphsah tutu osim ke Gaza, onyuŋ akara kpukpru ndidem ke edem akpa emi; onyuŋ etie ke emem ke edem esie kpukpru.

ISAIAH 14:29

O Philistia, kudat esit baba, koro eto oro akamiade fi ɔbuŋɔde: koro ibɔm eyewɔrɔ ke oruŋ uruk-ikɔt, ndien mfri esie eyedi edisak urukikɔt eke efede.

EZEKIEL 25:16

mmɔdo ntem ke Ɔbɔŋ Jehovah ɔdɔhɔ ete, Sese, ami mmɔŋ nnyanare ubɔk mi nnam mme Philistine, nnyuŋ nsibe mme Cherethite mfep, nnyuŋ nsobo se isuhɔde ke mben-inyaŋ.

JOEL 3:4

Ndien ŋko mbufo esaŋa nso ŋkpɔ ye ami Tyre, ye Zidon, ye ofuri edem Philistia? Nte mbufo esio usiene ye ami? Ndien edieke mbufo esiode usiene ye ami, nyesɔp nda usiene mbufo iwiwa ndori mbufo ke ibuot.

EZEKIEL 25:15

Ntem ke Ɔbɔŋ Jehovah ɔdɔhɔ, ete, Koro mme Philistine enamde ntem ke usiene, enyuŋ esiode usiene ke iseri eke odude ke esit, enyuŋ emade ndisobo enye ke nsinsi usua;